مُکاشفہ 2:14 - پنجابی نواں عہد نامہ نظرثانی شدہ چھپائی

¹⁴ پر مَینُوں کُجھ گلّاں دی تیرے اُتّے شکایت اے ایس لئی پئی تیرے اوتھے کُجھ لوک بِلعام دی تعلِیم مَنّن والے نیں جِس بلق نُوں بنی اِسرائیل اگّے ٹھوکر رکھن دی تعلِیم دِتّی یعنی ایہہ پئی اوہ بُتاں دِیاں قُربانِیاں کھان تے حرامکاری کرن۔

مُکاشفہ 2:14 ပူးပေါင်းရင်းမြစ်များ

متّی 18:7

افسوس دُنیا اُتّے ٹھوکراں دے سبّب۔ ٹھوکراں دا لگناں تے ضرُور اے پر افسوس اوس بندے اُتّے جِہدی راہِیں ٹھوکر لگدی اے۔

اعمال 15:29

پئی تُسی بُتاں دے چڑھاویاں توں۔ تے لہو توں۔ تے گل گُھٹّیاں ہویاں شیواں توں۔ تے حرامکاری توں بچے رہو۔ جے تُسی ایہناں شیواں توں اپنے آپ نُوں بچائے رکھو گے۔ تاں چَنگا کرو گے۔ سلامت رہو۔

اعمال 21:25

پر غیر قوماں وِچوں جیہڑے اِیمان لیائے اوہناں دی بابت اساں ایہہ فیصلہ کر کے لِکھیا اے۔ پئی اوہ بُتاں دے چڑھاویاں توں تے لہو توں تے گل گُھٹّیاں ہویاں شیواں توں تے حرامکاری توں اپنے آپ نُوں بچائے رکھن۔

رُومِیوں 11:9

تے داؤد آکھدا اے۔ اوہناں دا دسترخوان پھاہی تے جال تے ٹھوکر تے اوہناں لئی بدلہ بن جائے۔

رُومِیوں 14:13

ایس لئی اسی اگّے نُوں اِک دُوجے اُتّے عیب نا لایئے۔ سگوں تُسی اپنے مَن وِچ ایہہ ٹھہراؤ۔ پئی اسی اپنے بھرا دے اگّے کوئی ٹھوکر نا رکھیے۔

رُومِیوں 14:21

چنگی گلّ ایہہ اے نا تُوں گوشت کھائیں نا شراب پِیویں۔ نا کوئی اجیہا کمّ کریں۔ جِہدے توں تیرا بھرا ٹھوکر کھاوے۔

رُومِیوں 9:32

کاہِنُوں؟ کیوں جو اوہناں اِیمان دے راہ نئیں سگوں عملاں دے راہ نال اوہدا پِچھّا کِیتا۔ اوہناں ٹھیڈے والے پتّھر نال ٹھیڈا کھادا۔

۱-کُرِنتھِیوں 1:23

پر اسی اوس صلِیب دِتّے ہوئے مسِیح دی منادی کرنے آں۔ جیہڑا یہُودِیاں لئی ٹھوکر تے غیر قوماں بھانے مُورکھ اے۔

۱-کُرِنتھِیوں 7:2

پر حرامکاری دے خطریوں ہر اِک مرد اپنی بیوی تے ہر اِک زنانی اپنا شوہر رکھّے۔

عِبرانیوں 13:4

ویاہ کرناں ساریاں وِچ عِزّت دی گلّ سمجھی جائے تے کوئی زنا نا ہوئے۔ ایس لئی پئی خُدا زناکاراں تے حرامکاراں دا نیاں کرے گا۔

۱-پطرس 2:8

تے ٹھیڈا لگّن دا پتّھر تے ٹھوکر کھان دی چٹان ہویا کیوں جو اوہ نافرمان ہو کے کلام توں ٹھیڈا کھاندے نیں۔ تے ایہدے لئی مُقرّر وی ہوئے سن۔

۲-پطرس 2:15

اوہ سِدّھا راہ چھڈ کے بدراہ ہوگئے نیں۔ تے بعُور دے پُتر بِلعام دے راہ اُتّے ٹُرے جِس ناراستی دی مزدُوری نُوں پیارا جانیا۔

یہُوداہ 1:11

اوہناں اُتّے افسوس اے پئی اوہ قائن دے راہ ٹُرے تے مزدُوری دے بدلے بڑے لالچ نال بِلعام وانگُوں بدراہ ہوگئے۔ تے قورح وانگُوں برخلاف ہو کے برباد ہوئے۔

مُکاشفہ 2:20

پر مَینُوں تیرے اُتّے ایہہ شکایت اے۔ پئی تُوں اوس عورت اِیزبِل نُوں رہن دِتّا اے۔ جیہڑی اپنے آپ نُوں نَبِیہ آکھدی اے۔ تے میرے بندیاں نُوں حرامکاری کرن تے بُتاں دِیاں قُربانِیاں کھان دی تعلِیم دے کے بد راہ کر دی اے۔

مُکاشفہ 2:4

پر مَینُوں تیرے اُتّے ایہہ شکایت اے۔ پئی تُوں اپنی پہلی مُحبّت نُوں چھڈ دِتّا۔

مُکاشفہ 21:8

پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔

مُکاشفہ 22:15

پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔