مُکاشفہ 2:13 - پنجابی نواں عہد نامہ نظرثانی شدہ چھپائی

¹³ مَیں ایہہ تے جاننا آں پئی تُوں شیطان دے تخت دے تھاں وِچ رہنا ایں۔ تے میرے ناں اُتّے قیم رہنا ایں۔ تے جِنہاں دِناں وِچ میرا وفادار گواہ اِنتپاس تُہاڈے وِچ اوس تھاں قتل ہویا سی جِتّھے شیطان رہندا اے اوہناں دِناں وِچ وی تُوں میرے اُتّے اِیمان رکھن توں اِنکار نا کِیتا۔

مُکاشفہ 2:13 ပူးပေါင်းရင်းမြစ်များ

متّی 10:23

جد اوہ تُہانوں اِک شہر وِچ دُکھ دین تے دُوجے وِچ بھج جاؤ۔ کیوں جو مَیں تُہانوں سَچ آکھنا آں پئی تُسی اِسرائیل دے شہراں نُوں مُکانہ لوؤ گے جو اِبنِ آدم آ جائے گا۔

متّی 24:9

تَد اوہ تُہانوں دُکھ دین لئی پھڑوا دین گے تے تُہانوں مار سُٹّن گے تے میرے ناں دے سبّب سارِیاں قوماں تُہاڈے نال وَیر رکھن گِیاں۔

متّی 4:10

تَد یِسُوع اوہنوں آکھیا اَے شیطان دُراڈے ہو جا۔ کیوں جو لِکھیا ہویا ایہہ پئی تُوں خُداوند اپنے خُدا نُوں سجدہ کر۔ تے نِری اوسے دی بندگی کر۔

لُوقا 21:17

تے میرے ناں دے سبّب سارے لوک تُہاڈے نال وَیر رکھن گے۔

اعمال 22:20

تے جِس ویلے تیرے شہید ستِفنُس دا لہو وگایا گیا۔ مَیں وی آپ کول کھلوتا ہویا تے حامی بھردا ساں۔ تے اوہدے خُونِیاں دے کپڑیاں دی راکھی کر دا ساں۔

اعمال 9:14

تے ایتھے وی سردار کاہِناں ولّوں اوہنوں اختیار مِلیا اے۔ پئی تیرا ناں لین والیاں سبھناں نُوں بَنّھ لَوے۔

۱-تھِسّلُنِیکوں 5:21

سارِیاں گلّاں پرکھو جیہڑی چنگی اے اوہنوں قابُو رکھو۔

۱-تِیمُتِھیُس 5:8

جے کوئی اپنیاں تے خاص کر اپنے گھر والیاں دی وی خبر نا لَوے۔ تے اوہ اِیمان دا مُنکر تے بے اِیمان نالوں وی بَھیڑا اے۔

۲-تِیمُتِھیُس 1:13

جیہڑیاں ٹھیک گلّاں تُوں میرے کولوں سُنیاں اوس اِیمان تے پیار دے نال جیہڑا مسِیح یِسُوع وِچ اے۔ اوہناں دا خُلاصہ یاد رکھ۔

۲-تِیمُتِھیُس 2:12

جے اسی دُکھ سہاں گے۔ تے اوہدے نال بادشاہی وی کراں گے۔ جے اسی اوہدا اِنکار کراں گے۔ تے اوہ وی ساڈا اِنکار کرے گا۔

عِبرانیوں 10:23

تے اپنی آس دے اِقرار نُوں پَکّی طرح نال پَھڑی رکھیے کیوں جو جِس وعدہ کِیتا اے اوہ سَچّا اے۔

عِبرانیوں 3:6

پر مسِیح پُتر وانگر اوہدے سارے گھر دا مُختِیار اے۔ تے اوہدا گھر اسی آں۔ پر ایہہ شرط اے۔ پئی اپنی دلیری تے آس دا فخر اوڑک تِیکر قیم رکھیے۔

یعقُوب 2:7

تے اوس بزُرگ ناں اُتّے کُفر نئیں بَکدے جیہڑا تُہاڈے اُتّے لگّا ہویا اے؟

مُکاشفہ 1:5

تے یِسُوع مسِیح ولّوں جیہڑا سَچّا گواہ تے مُردیاں وِچوں جی اُٹھن والیاں دا پلیٹھا اے۔ تے دُنیا دے بادشاہاں دا حاکم اے۔ جیہڑا ساڈے نال مُحبّت رکھدا اے تے جِس اپنے خُون دی راہِیں سانُوں گُناہ توں خلاصی بخشی۔

مُکاشفہ 11:3

تے مَیں اپنے دو گواہاں نُوں اختیار دیاں گا تے اوہ ترپّڑ اُتّے لے کے اِک ہزار دو سَو سَٹّھ دِن نبُوّت کرن گے۔

مُکاشفہ 12:11

تے اوہناں لیلے دے خُون تے اپنی گواہی دے کلام دے سبّب اوہنوں جِت لیا تے اوہناں اپنیاں جاناں نُوں پیارا نا رکھیا۔ ایتھوں تِیکر پئی مَوت وی جَھل لئی۔

مُکاشفہ 13:2

تے جیہڑا پشُو مَیں ویکھیا سی اوہدی شکل چِیتے وانگر سی تے پَیر رِچھ وانگر تے مُنھ شیرببر وانگر۔ تے اوس ناگ اپنی قُدرت تے اپنا تخت تے بڑا اختیار اوہنوں دے دِتّا۔

مُکاشفہ 14:12

پاک لوکاں یعنی خُدا دے حُکماں اُتّے عمل کرن والیاں تے یِسُوع اُتّے اِیمان لیاؤن والیاں دے صبر دا ایہو ویلا اے۔

مُکاشفہ 17:14

اوہ لیلے نال لڑن گے تے لیلا اوہناں نُوں جِت لے گا۔ کیوں جو اوہ خُداونداں دا خُداوند تے بادشاہاں دا بادشاہ اے۔ تے جیہڑے سَدّے ہوئے تے چُنے ہوئے تے وفادار اوہدے نال نیں اوہ وی جتن گے۔

مُکاشفہ 17:6

تے مَیں اوس زنانی نُوں پاک لوکاں دے لہو تے یِسُوع دیاں شہیداں دے لہو پِین توں مست ویکھیا تے اوہنوں ویکھ کے بڑا حَیران ہویا۔

مُکاشفہ 2:2

مَیں تیرے کمّ تے تیری محنت تے تیرے صبر نُوں تے جاننا آں تے ایہہ وی پئی تُوں بُریاں نُوں ویکھ نئیں سکدا۔ تے جیہڑے اپنے آپ نُوں رسُول آکھدے نیں تے ہَین نئیں۔ تُوں اوہناں نُوں ازما کے جُھوٹھیاں ویکھیا۔

مُکاشفہ 3:11

مَیں چھیتی آؤن والا آں جو کُجھ تیرے کول اے اوہنوں گُھٹ کے پَھڑی رکھ پئی کوئی تیرا تاج نا کھوہ لَوے۔

مُکاشفہ 3:3

تَد یاد کر پئی تُوں کِیویں دی تعلِیم سِکھی تے سُنی سی۔ تے اوہدے اُتّے قیم رہو تے تَوبہ کر۔ جے تُوں جاگدا نا رہیں گا۔ تے مَیں چور وانگر آ جاواں گا تے تینُوں کدی پتا نا ہوئے گا۔ پئی مَیں کیہڑے ویلے تیرے اُتّے آپَواں گا