مُکاشفہ 2:10 - پنجابی نواں عہد نامہ نظرثانی شدہ چھپائی

¹⁰ جیہڑے دُکھ تینُوں جَھلّنے پَین گے۔ اوہناں توں نا ڈر۔ ویکھو ابلیس تُہاڈے وِچوں کُجھ نُوں قید وِچ پان نُوں تیار اے۔ پئی تُسی ازمائے جاؤ تے دَس دِناں تِیکر مُصِیبت پاؤ گے۔ جان دین تِیکر وی وفادار رہو تے مَیں تینُوں زِندگی دا تاج دیاں گا۔

مُکاشفہ 2:10 ပူးပေါင်းရင်းမြစ်များ

متّی 10:22

تے میرے ناں کر کے سبھ لوک تُہاڈے نال وَیر رکھن گے۔ پر جو کوئی اخِیر توڑی قیم رہے گا سو ای بچایا جائے گا۔

متّی 10:28

تے اوہناں توں نا ڈرو جیہڑے بدن نُوں مار سُٹّدے تے رُوح نُوں نئیں مار سکدے۔ سگوں اوہدے توں ڈرو جیہڑا بدن تے رُوح دوہاں دا جہنّم وِچ ناس کر سکدا اے۔

متّی 24:13

پر جیہڑا اخِیر توڑی قیم رہے گا سو ای نجات پائے گا۔

مرقس 13:13

تے اوہناں نُوں مار سُٹّن گے۔ تے میرے ناں دے سبّب سبھ لوک تُہاڈے وَیری ہون گے۔ پر جو کوئی اخِیر توڑی قیم رہے گا۔ سو ای نجات پائے گا۔

مرقس 8:35

کیوں جو جیہڑا اپنی جان بچانی چاہے سو اوہنوں گوائے گا۔ پر جیہڑا میرے لئی تے اِنجِیل دے لئی اپنی جان گنواوے سو اوہنوں بچاوے گا۔

لُوقا 21:12

پر ایہناں سارِیاں گلّاں توں پہلاں لوک تُہاڈے اُتّے میرے ناں دی خاطر ہتّھ پان گے۔ تے تُہانوں دُکھ دین گے۔ تے عبادت خانیاں دی عدالت دے حوالے کرن گے تے قید کرن گے تے بادشاہاں تے حاکماں کول دھرُون گے۔

یُوحنّا 12:25

اوہ جیہڑا اپنی جان پیاری سمجھدا اے۔ اوہ اوہنوں گواؤندا اے۔ تے اوہ جیہڑا اپنی جان نال ایس دُنیا وِچ وَیر رکھدا اے سدا دی زِندگی تِیکر اوہنوں سانبھی رکھّے گا۔

یُوحنّا 13:2

تے جد ابلیس شمعُون دے پُتر یہُوداہ اِسکریُوتی دے دِل وِچ ایہہ پایا سی پئی اوہ اوہنوں پھڑا دیوے۔

یُوحنّا 13:27

تے بُرکی لین دے پِچّھوں اوسے ویلے شیطان اوہدے اندر وڑ گیا۔ تَد یِسُوع اوہنوں آکھیا جو کُجھ تُوں کرنا اے سو چھیتی کر۔

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

اعمال 21:13

تَد پَولُس جواب دِتّا۔ پئی تُسی کِیہ کر دے ہو؟ روندے تے میرا دِل توڑ دے ہو؟ کیوں جو مَیں صرف یرُوشلِیم وِچ خُداوند یِسُوع دے ناں پِچّھے بَدّھے جان نُوں سگوں مر جان نُوں وی تیار آں۔

۱-کُرِنتھِیوں 9:25

تے ہر اِک پہلوان سبھ طرح دا پرہیز کر دا اے۔ اوہ لوک تے کُملان والا سِہرا لین لئی ایہہ کر دے نیں۔ پر اسی اوس سِہرے لئی کرنے آں۔ جیہڑا کُملاؤندا نئیں۔

اِفسِیوں 2:2

جِنہاں وِچ تُسی پہلاں ایس دُنیا دی چال اُتّے ٹُر دے سو۔ وَا دے پتّے دے حاکم یعنی اوس رُوح دے مگر مگر ٹُردے سو۔ جیہڑی ہُن نافرمان لوکاں وِچ اثر کر دی اے۔

اِفسِیوں 6:12

کیوں جو اساں لہو تے جِسم نال نئیں سگوں اساں حکُومت تے اختیار والیاں تے ایس دُنیا دے ہنیرے دِیاں حاکماں تے شرارت دِیاں رُوحانی فَوجاں نال گُھلنا اے۔ جیہڑیاں اسمانی تھانواں وِچ نیں۔

یعقُوب 1:12

دھنّ اوہ بندہ اے جیہڑا ازمایش سہندا اے کیوں جو اوہ جدوں قبول ہویا تے اوہنوں زِندگی دا اوہ تاج مِلے گا۔ جِہدا خُداوند اپنیاں پیار کرن والیاں نال وعدہ کِیتا اے۔

۱-پطرس 5:4

تے جدوں وَڈا آجڑی ظاہر ہوئے گا۔ تے تُہانوں جلال دا اجیہا سِہرا مِلے گا جیہڑا کُملاؤندا نئیں۔

۱-پطرس 5:8

تُسی ہوش رکھو تے جاگدے رہو تُہاڈا وَیری ابلیس گرجن والے شیر وانگر لَبّھدا پِھردا اے پئی کِنوں پاڑ کھاواں۔

مُکاشفہ 13:14

تے زمین دے رہن والیاں نُوں اوہناں نشاناں دے نال جیہڑے اوس پشُو دے سامھنے وکھان دا اوہنوں اختیار دِتّا گیا سی ایس طرح بدراہ کر دیندا سی پئی زمین دے رہن والیاں نُوں آکھدا سی پئی جِس پشُو نُوں تلوار لگّی سی تے اوہ جِیوپیا اے اوہدا بُت بناؤ۔

مُکاشفہ 13:2

تے جیہڑا پشُو مَیں ویکھیا سی اوہدی شکل چِیتے وانگر سی تے پَیر رِچھ وانگر تے مُنھ شیرببر وانگر۔ تے اوس ناگ اپنی قُدرت تے اپنا تخت تے بڑا اختیار اوہنوں دے دِتّا۔

مُکاشفہ 13:7

تے اوہنوں ایہہ اختیار دِتّا گیا پئی پاک لوکاں نال لڑے تے اوہناں نُوں جِت لَئے تے اوہنوں ہر اِک گھرانے تے اُمّت تے قوم اُتّے اختیار دِتّا گیا۔

مُکاشفہ 17:14

اوہ لیلے نال لڑن گے تے لیلا اوہناں نُوں جِت لے گا۔ کیوں جو اوہ خُداونداں دا خُداوند تے بادشاہاں دا بادشاہ اے۔ تے جیہڑے سَدّے ہوئے تے چُنے ہوئے تے وفادار اوہدے نال نیں اوہ وی جتن گے۔

مُکاشفہ 2:13

مَیں ایہہ تے جاننا آں پئی تُوں شیطان دے تخت دے تھاں وِچ رہنا ایں۔ تے میرے ناں اُتّے قیم رہنا ایں۔ تے جِنہاں دِناں وِچ میرا وفادار گواہ اِنتپاس تُہاڈے وِچ اوس تھاں قتل ہویا سی جِتّھے شیطان رہندا اے اوہناں دِناں وِچ وی تُوں میرے اُتّے اِیمان رکھن توں اِنکار نا کِیتا۔

مُکاشفہ 2:9

پئی مَیں تیری مُصِیبت تے غرِیبی نُوں جاننا آں (پر تُوں دَولتمند ایں) تے جیہڑے اپنے آپ نُوں یہُودی آکھدے نیں تے اوہ ہَین نئیں سگوں شیطان دی جماعت نیں اوہناں دِیاں طعنیاں مہِنیاں نُوں وی جاننا آں۔