مُکاشفہ 19:15 - پنجابی نواں عہد نامہ نظرثانی شدہ چھپائی

¹⁵ تے قوماں دے مارن لئی اوہدے مُنھ وِچوں اِک تیز تلوار پئی نِکلدی اے۔ تے اوہ لوہے دے ڈنڈے نال اوہناں اُتّے حکُومت کرے گا تے قادرِ مُطلق خُدا دے سخت غضب دی مَے دے حوض وِچ انگور لتاڑے گا۔

مُکاشفہ 19:15 ပူးပေါင်းရင်းမြစ်များ

۲-تھِسّلُنِیکوں 2:8

تے فیر اوہ بے دِین بندہ جِہنُوں خُداوند یِسُوع اپنے مُنھ دی پُھوک نال ہلاک تے اپنے آؤن دے جَلوے نال فنا کرے گا ظاہر کِیتا جائے گا۔

مُکاشفہ 1:16

تے اوہدے سَجّے ہتّھ وِچ سَتّ تارے سن تے اوہدے مُنھ وِچوں اِک دو مُونہی تیز تلوار نِکلدی سی۔ تے اوہدا چہرہ ایس طرح چمکدا سی جیویں ٹِلّ دے ویلے دِن۔

مُکاشفہ 12:5

تے اوس پُتر جمّیا یعنی اوہ مُنڈا جیہڑا لوہے دے ڈنڈے نال سارِیاں قوماں اُتّے حکُومت کرے گا۔ تے اوہدا بچّہ جھٹ پَٹ خُدا تے اوہدے تخت کول اَپڑایا گیا۔

مُکاشفہ 14:10

اوہ خُدا دے قَہر دی اوس خالص مَے نُوں پئے گا۔ جیہڑی اوہدے غضب دے پیالے وِچ بھری ہوئی اے تے پاک فرِشتیاں تے لیلے دے سامھنے اَگ تے گندھک دے عذاب وِچ پَوے گا۔

مُکاشفہ 19:21

تے باقی اوس گھوڑے دے سوار دی تلوار نال جیہڑی اوہدے مُنھ وِچوں نِکلدی سی قتل کِیتے گئے تے سارے پکھیرُو اوہناں دے گوشت نال رَجّ گئے۔

مُکاشفہ 2:12

تے پرگُمن دی کلِیسیا دے فرِشتے نُوں ایہہ لِکھ پئی جِہدے کول دو مُونہی تِکھی تلوار اے اوہ ایہہ آکھدا اے پئی۔

مُکاشفہ 2:16

تَد تَوبہ کر نئیں تے مَیں تیرے کول چھیتی آ کے اپنے مُنھ دی تلوار نال اوہناں دے نال لڑاں گا۔

مُکاشفہ 2:27

تے اوہ لوہے دے ڈنڈے نال اوہناں اُتّے حکُومت کرے گا۔ جیویں گھمیار دے بھانڈے ٹُٹ پُھٹ جاندے نیں۔ ایسے طرح مَیں وی اجیہا اختیار اپنے باپ کولوں لیا اے۔