مُکاشفہ 19:10 - پنجابی نواں عہد نامہ نظرثانی شدہ چھپائی

¹⁰ تے مَیں اوہنوں سجدہ کرن لئی اوہدیاں پیراں اُتّے ڈِگّا۔ اوس مَینُوں آکھیا خبردار ایہہ نا کر۔ مَیں وی تیرے تے تیرے اوہناں بھراواں دے نال دا بندہ ہاں۔ جِنہاں دے کول یِسُوع دی گواہی اے۔ خُدا نُوں ای سجدہ کر۔ کیوں جو یِسُوع دی گواہی نبُوّت دی رُوح اے۔

مُکاشفہ 19:10 ပူးပေါင်းရင်းမြစ်များ

متّی 4:10

تَد یِسُوع اوہنوں آکھیا اَے شیطان دُراڈے ہو جا۔ کیوں جو لِکھیا ہویا ایہہ پئی تُوں خُداوند اپنے خُدا نُوں سجدہ کر۔ تے نِری اوسے دی بندگی کر۔

مرقس 5:22

تے عبادت خانے دے سرداراں وِچوں یائِیر ناں اِک بندہ آیا تے اوہنوں ویکھ کے اوہدے پَیرِیں پیا۔

مرقس 7:25

کیوں جو اِک زنانی جیہدی نِکّی دِھی نُوں اِک پلِیت رُوح چمبڑی ہوئی سی۔ اونویں اوہدی خبر سُن کے آئی۔ تے اوہدے پَیرِیں پئی۔

لُوقا 1:19

فرِشتے اوہنوں جواب دِتّا۔ مَیں جبرائیل آں جیہڑا خُدا دے حضُور کھلونا واں تے مَیں گھلّیا گیا آں پئی تیرے نال کلام کراں تے ایہہ خُوشی دی خبر تینُوں سُناواں۔

لُوقا 24:44

تَد اوس اوہناں نُوں آکھیا ایہہ میرِیاں اوہ گلّاں نیں جیہڑیاں تُہاڈے نال ہوندیاں ہویاں مَیں تُہانوں آکھیاں پئی اوہناں سبھناں گلّاں دا پُورا ہونا ضرُور اے۔ جیہڑیاں مُوسیٰ دی توریت تے نبیاں دِیاں کِتاباں تے زبُوراں وِچ میری بارے لِکھیاں ہویاں نیں۔

یُوحنّا 5:39

تُسی نوِشتیاں نُوں پھولدے رہندے ہو۔ کیوں جو تُسی سمجھدے ہو پئی اوہناں وِچ تُہاڈے لئی سدا دی زِندگی اے۔ تے ایہہ اوہی نیں جیہڑے میرے حق وِچ گواہی دیندے نیں۔

اعمال 10:43

سارے نبی اوہدے اُتّے گواہی دیندے نیں۔ پئی جو کوئی اوہدے اُتّے اِیمان لیاوے۔ اوہدے ناں اُتّے اپنے گُناہاں دی مُعافی پاوے گا۔

اعمال 13:27

کیوں جو یرُوشلِیم دے رہن والے تے اوہناں دے سرداراں نا اوہنوں پِچھانیا۔ تے نا نبیاں دِیاں گلّاں سمجھِیاں جیہڑیاں سبت نُوں سُنائیاں جاندِیاں نیں۔ ایس واسطے اوہنوں مُجرم کر کے اوہناں نُوں پُوریاں کِیتا۔

۲-کُرِنتھِیوں 8:7

سو جیویں تُسی ہر گلّ وِچ اِیمان تے کلام تے عِلم تے پُوری سرگرمی تے اوس مُحبّت وِچ جیہڑی ساڈے نال رکھدے ہو اگّے وَدّھ گئے ہو ایسے طرح ای ایس خَیرات دے کمّ وِچ وی اگّے وَدّھ جاؤ۔

اِفسِیوں 5:15

سو دھیان کرو۔ پئی کِس طرح ٹُر دے ہو۔ جھلیاں وانگر نئیں سگوں سیانیاں وانگر ٹُرو۔

اِفسِیوں 5:33

ہر صُورت تُہاڈے وِچوں وی ہر اِک اپنی زنانی نُوں اپنے وانگر پیار کرے۔ تے زنانی ایس گلّ دا خیال رکھّے پئی اپنے گھر والے کولوں ڈر دی رہے۔

فِلِپّیوں 3:3

کیوں جو سُنت والے تے اسی آں۔ جیہڑے خُدا دے رُوح دی ہدایت نال عبادت کرنے آں۔ تے مسِیح یِسُوع اُتّے فخر کرنے آں۔ تے جِسم دا بھروسا نئیں کر دے۔

۱-تھِسّلُنِیکوں 5:15

خیال رکھو پئی کوئی کِسے نال بدی دے بدلے بدی نا کرے۔ سگوں ہر ویلے آپو وِچ تے سبھناں نال نیکی کرن دے پِچّھے لگّے رو۔

عِبرانیوں 1:14

اوہ سارے سیوا کرن والِیاں رُوحاں نئیں؟ جیہڑیاں نجات دی وِرثہ پان والیاں دی سیوا لئی گھلّیاں جاندِیاں نیں۔

عِبرانیوں 12:25

خبردار اوس آکھن والے توں نا مُکّرو۔ کیوں جو جد اوہ لوک زمین اُتّے ہدایت کرن والے توں مُکّر کے نا بچ سکے۔ تے اسی اسمان اُتّوں ہدایت کرن والے توں مُنھ موڑ کے کِیویں بچاں گے۔

۱-یُوحنّا 5:10

جیہڑا خُدا دے پُتر اُتّے اِیمان لیاؤندا اے گواہی اوہدے وِچ ای اے تے جِس خُدا دی گواہی نئیں مَنّی اوس اوہنوں جُھوٹھا بنایا۔ کیوں جو اوس گواہی اُتّے جیہڑی خُدا اپنے پُتر دی بابت دِتّی اوہنے اِیمان نئیں لیاندا۔

۱-یُوحنّا 5:21

بچّیو۔ بُتاں توں اپنی راکھی کرو۔

مُکاشفہ 1:1

یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔

مُکاشفہ 12:11

تے اوہناں لیلے دے خُون تے اپنی گواہی دے کلام دے سبّب اوہنوں جِت لیا تے اوہناں اپنیاں جاناں نُوں پیارا نا رکھیا۔ ایتھوں تِیکر پئی مَوت وی جَھل لئی۔

مُکاشفہ 12:17

تے ناگ نُوں زنانی اُتّے غُصّہ آیا۔ تے اوہدی باقی اولاد نال جیہڑی خُدا دے حُکماں اُتّے عمل کر دی اے تے یِسُوع دی گواہی دین اُتّے قیم اے لڑن نِکلیا۔

مُکاشفہ 14:7

تے اوس اُچّی اواز نال آکھیا پئی خُدا توں ڈرو تے اوہدا جلال ظاہر کرو۔ کیوں جو اوہدی عدالت دا ویلا آ گیا اے تے اوسے دی بندگی کرو جِس اسمان تے زمین تے سمُندر تے پانی دے چشمے پَیدا کِیتے۔

مُکاشفہ 15:4

اے خُداوند! کون تَیتھوں نا ڈرے گا؟ تے کون تیرے جلال دا ناں ظاہر نا کرے گا؟ کیوں جو نِرا توں ای قُدُّوس ایں تے سارِیاں قوماں آ کے تینُوں سجدہ کرن گِیاں کیوں جو تیرے انصاف دے کمّ ظاہر ہو گئے نیں۔

مُکاشفہ 19:9

تے اوس مَینُوں آکھیا لِکھ۔ مُبارک نیں اوہ جیہڑے لیلے دے ویاہ دے میل وِچ سَدّے گئے نیں۔ فیر اوس مَینُوں آکھیا پئی ایہہ خُدا دِیاں سَچیاں گلّاں نیں۔

مُکاشفہ 4:10

تے اوہ چوّی بزُرگ اوہدے سامھنے جیہڑا تخت اُتّے بَیٹھا ہویا اے ڈِگّ پَین گے تے اوہنوں سجدہ کرن گے جیہڑا ہمیشہ تِیکر زِندہ رہے گا۔ تے اپنے تاج ایہہ آکھ کے اوس تخت دے سامھنے دھر دین گے۔ پئی۔