مُکاشفہ 17:6 - پنجابی نواں عہد نامہ نظرثانی شدہ چھپائی

⁶ تے مَیں اوس زنانی نُوں پاک لوکاں دے لہو تے یِسُوع دیاں شہیداں دے لہو پِین توں مست ویکھیا تے اوہنوں ویکھ کے بڑا حَیران ہویا۔

مُکاشفہ 17:6 ပူးပေါင်းရင်းမြစ်များ

یُوحنّا 2:10

پئی ہر اِک بندہ انگور دے چنگے رَس نُوں پہلاں اگّے رکھدا اے۔ تے ماڑی نُوں اودُوں جد لوک نشے وِچ آ جاندے نیں۔ پر تُوں تے چَنگا رَس ہُن تِیکر رکھ چھڈیا اے۔

اعمال 22:20

تے جِس ویلے تیرے شہید ستِفنُس دا لہو وگایا گیا۔ مَیں وی آپ کول کھلوتا ہویا تے حامی بھردا ساں۔ تے اوہدے خُونِیاں دے کپڑیاں دی راکھی کر دا ساں۔

مُکاشفہ 12:11

تے اوہناں لیلے دے خُون تے اپنی گواہی دے کلام دے سبّب اوہنوں جِت لیا تے اوہناں اپنیاں جاناں نُوں پیارا نا رکھیا۔ ایتھوں تِیکر پئی مَوت وی جَھل لئی۔

مُکاشفہ 13:15

تے اوہنوں اوس پشُو دے بُت وِچ رُوح پُھوکن دا اختیار دِتّا گیا۔ تاں جو اوس پشُو دا بُت بولے وی۔ تے جِنّے لوک اوس پشُو دے بُت دی پُوجا نا کرن قتل کِیتے جان۔

مُکاشفہ 13:7

تے اوہنوں ایہہ اختیار دِتّا گیا پئی پاک لوکاں نال لڑے تے اوہناں نُوں جِت لَئے تے اوہنوں ہر اِک گھرانے تے اُمّت تے قوم اُتّے اختیار دِتّا گیا۔

مُکاشفہ 16:6

کیوں جو ایہناں پاک لوکاں تے نبیاں دا لہو ڈوہلیا سی تے تُوں اوہناں نُوں لہو پیایا تے اوہ ایسے جوگے نیں۔

مُکاشفہ 2:13

مَیں ایہہ تے جاننا آں پئی تُوں شیطان دے تخت دے تھاں وِچ رہنا ایں۔ تے میرے ناں اُتّے قیم رہنا ایں۔ تے جِنہاں دِناں وِچ میرا وفادار گواہ اِنتپاس تُہاڈے وِچ اوس تھاں قتل ہویا سی جِتّھے شیطان رہندا اے اوہناں دِناں وِچ وی تُوں میرے اُتّے اِیمان رکھن توں اِنکار نا کِیتا۔