مُکاشفہ 17:5 - پنجابی نواں عہد نامہ نظرثانی شدہ چھپائی

⁵ تے اوہدے مَتّھے اُتّے ایہہ ناں لِکھیا ہویا سی۔ بھیت۔ وَڈا بابل۔ کسبیاں تے دھرتی دِیاں پلِیتیاں دی ماں۔

مُکاشفہ 17:5 ပူးပေါင်းရင်းမြစ်များ

فِلِپّیوں 3:19

اوہناں دا انت ہلاکت اے۔ ڈِھڈ اوہناں واسطے خُدا اے۔ اوہ اپنی شرم دِیاں گلّاں اُتّے پُھلدے نیں۔ تے دُنیا دِیاں شیواں ولّ دھیان رکھدے نیں۔

۲-تھِسّلُنِیکوں 2:7

کیوں جو بے دِینی دا بھیت ہُن وی عمل پیا کر دا اے۔ پر ہُن اِک ڈکن والا اے۔ تے جد تِیکر اوہ ہٹایا نا جائے ڈکدا رہے گا۔

مُکاشفہ 1:20

یعنی اوہناں ستّاں تاریاں دا بھیت جیہڑے تُوں میرے سَجّے ہتّھ وِچ ویکھے سن۔ تے اوہناں سونے دِیاں ستّاں دِیویاں دا بھیت وی۔ اوہ سَتّ ستارے ستّاں کلِیسیاواں دے سَتّ فرِشتے نیں۔ تے اوہ سَتّ دیوے سَتّ کلِیسیاواں نیں۔

مُکاشفہ 11:8

تے اوہناں دِیاں لاشاں اوس وڈّے شہر دے بازار وِچ پئیاں رہن گِیاں جیہڑا رُوحانی طَور نال سدُوم تے مِصر اکھواؤندا اے جِتّھے اوہناں دا خُداوند وی صلِیب دِتّا گیا سی۔

مُکاشفہ 14:8

فیر ایہدے پِچّھوں اِک ہور دُوجا فرِشتہ ایہہ آکھدا ہویا آیا پئی ڈِگّ پیا اوہ وَڈا شہر بابل ڈِگّ پیا جِس اپنی حرامکاری دی غضب والی مَے سارِیاں قوماں نُوں پیائی اے۔

مُکاشفہ 16:19

فیر اوس وڈّے شہر دے تَرے ٹوٹے ہوگئے۔ تے قوماں دے شہر ڈِگّ پئے تے وَڈا شہر بابل خُدا دے حضُور یاد کِیتا گیا پئی اوہنوں اپنے ڈاہڈے غضب دی مَے دا پیالہ پِیائے۔

مُکاشفہ 17:1

تے اوہناں ستّاں فرِشتیاں وِچوں جِنہاں کول سَتّ پیالے سن اِک آ کے مَینُوں ایہہ آکھیا۔ پئی ایدھر آ مَیں تینُوں اوس وڈّی کنَجری دی سزا وکھاواں جیہڑی وڈّے پانیاں اُتّے بَیٹھی ہوئی اے۔

مُکاشفہ 17:2

تے جِہدے نال دھرتی دیاں بادشاہاں حرامکاری کِیتی تے دھرتی دے رہن والے اوہدی حرامکاری دی مَے پی کے مست ہوگئے سن۔

مُکاشفہ 17:7

اوس فرِشتے مَینُوں آکھیا تُوں کاہدے توں حَیران ہویا ایں؟ اوس زنانی تے اوس پشُو دا جِہدے اُتّے اوہ سوار اے۔ تے جِہدے سَتّ سِر تے دَس سِنگ نیں تینُوں بھیت دسنا آں۔

مُکاشفہ 18:2

اوس اُچّی تگڑی اواز نال چلّا کے آکھیا پئی ڈِگّ پیا وَڈا شہر بابل ڈِگّ پیا تے شیطاناں دا گھر تے ہر اِک پلِیت رُوح دا اڈّا تے ہر اِک پلِیت تے مکرُوہ پکھیرُو دا اڈّا ہوگیا اے۔

مُکاشفہ 18:21

فیر اِک ہور زوراور فرِشتے وڈّی چکّی دے پُڑ وانگر اِک پتّھر چُکیا۔ تے ایہہ آکھ کے سمُندر وِچ سُٹ دِتّا پئی بابل دا وَڈا شہر وی اینج ای زور نال ڈھایا جائے گا تے فیر کِیتے اوہدا پَتا نا مِلے گا۔

مُکاشفہ 19:2

کیوں جو اوہدے فیصلے ٹھیک تے دُرست نیں۔ ایس لئی پئی اوس نے اوس وڈّی کسبی دا انصاف کِیتا۔ جِس اپنی حرامکاری نال دُنیا نُوں خراب کِیتا سی۔ تے اوس تُھوں اپنے بندیاں دے لہو دا بدلہ لیا۔

مُکاشفہ 7:3

پئی جد تِیکر اسی خُدا دے بندیاں دے مَتّھے اُتّے مُہر نا لا لَئے۔ زمین تے سمُندر تے بُوٹیاں دا نُقصان نا کریو۔