مُکاشفہ 17:2 - پنجابی نواں عہد نامہ نظرثانی شدہ چھپائی

² تے جِہدے نال دھرتی دیاں بادشاہاں حرامکاری کِیتی تے دھرتی دے رہن والے اوہدی حرامکاری دی مَے پی کے مست ہوگئے سن۔

مُکاشفہ 17:2 ပူးပေါင်းရင်းမြစ်များ

یُوحنّا 2:10

پئی ہر اِک بندہ انگور دے چنگے رَس نُوں پہلاں اگّے رکھدا اے۔ تے ماڑی نُوں اودُوں جد لوک نشے وِچ آ جاندے نیں۔ پر تُوں تے چَنگا رَس ہُن تِیکر رکھ چھڈیا اے۔

مُکاشفہ 14:8

فیر ایہدے پِچّھوں اِک ہور دُوجا فرِشتہ ایہہ آکھدا ہویا آیا پئی ڈِگّ پیا اوہ وَڈا شہر بابل ڈِگّ پیا جِس اپنی حرامکاری دی غضب والی مَے سارِیاں قوماں نُوں پیائی اے۔

مُکاشفہ 17:13

ایہناں سبھناں دی اِکّو ای رائے ہوئے گی تے اوہ اپنی قُدرت تے اختیار اوس پشُو نُوں دے دین گے۔

مُکاشفہ 17:17

کیوں جو خُدا اوہناں دیاں دِلاں وِچ ایہہ پایا۔ پئی اوہ اوسے دی رائے اُتّے ٹُرن تے جدوں تِیکر خُدا دِیاں گلّاں پُوریاں نا ہو جان اوہ اِک رائے ہو کے بادشاہی اوس پشُو نُوں دے دین۔

مُکاشفہ 17:5

تے اوہدے مَتّھے اُتّے ایہہ ناں لِکھیا ہویا سی۔ بھیت۔ وَڈا بابل۔ کسبیاں تے دھرتی دِیاں پلِیتیاں دی ماں۔

مُکاشفہ 17:8

ایہہ جیہڑا تُوں پشُو ویکھیا اے۔ ایہہ پہلاں تے ہے سی پر ہُن نئیں اے تے اگّوں نُوں اتھاہ کھڈے وِچوں نِکل کے ہلاکت وِچ پَوے گا تے زمین دے رہن والے جِنہاں دے ناں دُنیا دے مُڈھ توں پہلاں حیاتی دی کتاب وِچ لِکھے نئیں گئے ایس پشُو دا ایہہ حال ویکھ کے پئی پہلاں ہے سی تے ہُن نئیں اے تے فیر ہوئے گا۔ تعجُّب کرن گے۔

مُکاشفہ 18:23

تے دِیوے دی روشنی فیر کدی تیرے وِچ نا چمکے گی تے لاڑے وَوہٹی دی اواز فیر کَدے تیرے وِچ سُنی نا جائے گی کیوں جو تیرے سوداگر زمین دے امیر سن۔ تے تیری جادُوگری توں سارِیاں قوماں بدراہ ہوگِئیاں۔

مُکاشفہ 18:3

کیوں جو اوہدی حرامکاری دی غضب والی مَے دے سببّوں سارِیاں قوماں ڈِگّ پئیاں نیں۔ تے زمین دیاں بادشاہاں اوہدے نال حرامکاری کِیتی اے۔ تے دُنیا دے سوداگر اوہدی عَیش عشرت دے سبّب دَولت مند بن گئے۔

مُکاشفہ 18:9

تے اوہدے نال حرامکاری تے عیاشی کرن والے زمین دے بادشاہ جد اوہدے سڑن دا دُھوں ویکھن گے تَد اوہنوں رون تے پِٹن گے۔

مُکاشفہ 2:22

ویکھ مَیں اوہنوں مَنجی اُتّے سُٹّناں آں۔ تے جیہڑے اوہدے نال زنا کر دے نیں جے اوہدے جِہے کمّاں توں تَوبہ نا کرن۔ تے اوہناں نُوں بڑی مُصِیبت وِچ سُٹّناں آں۔

مُکاشفہ 3:10

ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔

مُکاشفہ 9:21

تے خُون تے جادُو تے حرامکاریاں تے چوریاں جیہڑیاں اوہناں کِیتیاں سن اوہناں توں تَوبہ نا کِیتی۔