مُکاشفہ 16:14 - پنجابی نواں عہد نامہ نظرثانی شدہ چھپائی

¹⁴ ایہہ شیطاناں دِیاں نِشان وکھان والیاں رُوحاں نیں جیہڑیاں قادرِ مُطلق خُدا دے وڈّے دِن دی لڑائی دے واسطے اکٹّھیاں کرن لئی ساری دُنیا دے بادشاہاں کول نِکل کے جاندِیاں نیں

مُکاشفہ 16:14 ပူးပေါင်းရင်းမြစ်များ

متّی 24:14

تے بادشاہی دی ایس خُوشخبری دی منادی ساری دُنیا وِچ کِیتی جائے گی۔ تاں جو سارِیاں قوماں نُوں گواہی ہوئے تَد اخِیر ہوئے گا۔

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

مرقس 13:22

کیوں جو جُھوٹھے مسِیح تے جُھوٹھے نبی اُٹھن گے۔ تے نِشان تے اچرج کمّ وکھان گے۔ تاں جو جے ہو سکے اوہ چُنیاں ہویاں نُوں بُھلان۔

لُوقا 2:1

تے اوہناں دِناں وِچ ایویں ہویا پئی قَیصر اَوگُوستُس ولّوں حُکم جاری ہویا پئی ساری دُنیا دے لوکاں دے ناں لِکھے جان۔

یُوحنّا 8:44

تُسی اپنے پئیو ابلیس توں ہو تے اپنے پئیو دِیاں خواہشاں نُوں پُورا کرنا چاہندے اوہ۔ اوہ مُڈھوں ای خُونی سی تے سچیائی اُتّے کھلوتا نا رہیا کیوں جو اوہدے وِچ سچیائی اے نئیں۔ جدوں اوہ جُھوٹھ بولدا اے اوہ اپنے ای ولّوں بولدا اے کیوں جو اوہ جُھوٹھا اے تے جُھوٹھ دا پئیو اے۔

رُومِیوں 1:8

پہلاں تے مَیں یِسُوع مسِیح دی راہِیں تُہاڈے سبھناں لئی اپنے خُدا دا شُکر کرنا آں۔ پئی تُہاڈے اِیمان دی مشہُوری سارے جہان وِچ ہوندی اے۔

۲-تھِسّلُنِیکوں 2:9

یعنی اوہ بندہ جِہدا آؤنا شیطان دی تاثِیر دے سببّوں ہر طرح دی طاقت تے نشانِیاں تے جُھوٹھے عجوبیاں نال۔

۱-تِیمُتِھیُس 4:1

پر رُوح صاف آکھدا اے۔ پئی آؤن والیاں زمانیاں وِچ کُجھ اِیمان نُوں چھڈ جان گے بُھلان والِیاں رُوحاں تے شیطان دِیاں تعلِیماں ولّ گَوہ کرن گے۔ تے اِیمان نُوں بُھل جان گئے۔

یعقُوب 3:15

ایہہ دانائی اوہ نئیں جیہڑی اُتّوں آؤندی اے سگوں دُنیاوی تے نفسانی تے شیطانی اے۔

۱-یُوحنّا 5:19

سانُوں پتا اے پئی اسی خُدا ولّوں آں تے ساری دُنیا اوس شریر دے ہتّھ وِچ پئی ہوئی اے۔

مُکاشفہ 12:9

تے اوہ وَڈا ناگ یعنی اوہو ای پرانا سَپّ جیہڑا ابلیس تے شیطان اکھواؤندا اے تے سارے جہان نُوں بدراہ کر دیندا اے۔ زمین اُتّے ڈیگیا گیا تے اوہدے فرِشتے وی اوہدے نال ڈیگے گئے۔

مُکاشفہ 13:3

تے مَیں اوہدے سِراں وِچوں اِک نُوں جیویں مَوت دا چمرس لگّا ہویا ویکھیا پر اوہدا مَوت دا چمرس ولّ ہوگیا۔ تے ساری دُنیا تعجُّب کر کے اوس پشُو دے پِچّھے پِچّھے ٹُر پئی۔

مُکاشفہ 16:16

تے اوہناں نیں اوہناں نُوں اوتھے اکٹّھیاں کِیتا جِہدا ناں عِبرانی وِچ ہرمجدون اے۔

مُکاشفہ 16:7

فیر مَیں قُربان گاہ وِچوں ایہہ اواز سُنی پئی اَے خُداوند خُدا قادرِ مُطلق بے شک تیرے فیصلے ٹھیک تے سَچّے نیں۔

مُکاشفہ 17:14

اوہ لیلے نال لڑن گے تے لیلا اوہناں نُوں جِت لے گا۔ کیوں جو اوہ خُداونداں دا خُداوند تے بادشاہاں دا بادشاہ اے۔ تے جیہڑے سَدّے ہوئے تے چُنے ہوئے تے وفادار اوہدے نال نیں اوہ وی جتن گے۔

مُکاشفہ 20:8

تے اوہناں قوماں نُوں جیہڑیاں زمین دے چَواں پاسے ہون گِیاں۔ یعنی جوج تے ماجوج نُوں بدراہ کر کے لڑائی دے لئی اکٹّھیاں کرن نُوں نِکلے گا۔ اوہناں دی گنتری سمُندر دی ریت وانگر ہوئے گی۔

مُکاشفہ 3:10

ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔

مُکاشفہ 6:17

کیوں جو اوہناں دے غضب دا وَڈا دِن آگیا اے۔ ہُن کون کھلو سکدا اے؟