مُکاشفہ 15:2 - پنجابی نواں عہد نامہ نظرثانی شدہ چھپائی

² فیر مَیں شیشے دا اِک سمُندر جیہا ویکھیا جِہدے وِچ اَگ مِلی ہوئی سی تے جِنہاں اوس پشُو تے اوہدے بُت تے اوہدے ناں دی گنتری نُوں جِت لیا سی اوہناں نُوں اوس شیشے دے سمُندر کول خُدا دِیاں بربطاں لے کے کھلوتیاں ڈِٹّھا۔

مُکاشفہ 15:2 ပူးပေါင်းရင်းမြစ်များ

متّی 3:11

مَیں تے تُہانوں تَوبہ دے واسطے پانی نال بپتِسمہ دینا آں۔ پر اوہ جیہڑا میرے پِچّھے آؤندا اے مَیتھوں زوراور اے۔ اوہدی جُتّی چُکن دے مَیں لائق نئیں آں۔ اوہ ای تُہانوں پاک رُوح تے اَگ نال بپتِسمہ دیوے گا۔

۱-پطرس 1:7

تے ایہہ ایس واسطے ہویا اے۔ پئی تُہاڈا پرکھیا ہویا اِیمان جیہڑا اَگ نال پرکھے ہوئے فانی سونے نالوں بُہتے مُل دا اے یِسُوع مسِیح دے ظاہر ہون دے ویلے وڈیائی تے جلال تے عِزّت دا سبّب ہوئے۔

۱-پطرس 4:12

پیاریو! جیہڑی مُصِیبت دی اَگ تُہاڈی ازمایش دے لئی تُہاڈے وِچ بھکھی ہوئی اے۔ ایہہ سمجھ کے اچرج نا ہوؤ پئی ایہہ کوئی انوکھی گلّ ساڈے اُتّے ہوئی اے۔

مُکاشفہ 12:11

تے اوہناں لیلے دے خُون تے اپنی گواہی دے کلام دے سبّب اوہنوں جِت لیا تے اوہناں اپنیاں جاناں نُوں پیارا نا رکھیا۔ ایتھوں تِیکر پئی مَوت وی جَھل لئی۔

مُکاشفہ 13:1

تے سمُندر دی ریت اُتّے جا کھلوتا۔ فیر مَیں اِک پشُو نُوں سمُندر وِچوں نِکلدیاں ویکھیا اوہدے دَس سِنگ تے سَتّ سِر سن تے اوہدیاں سِنگاں اُتّے دَس تاج تے اوہدیاں سِراں اُتّے کُفر دے ناں لِکھے ہوئے سن۔

مُکاشفہ 13:14

تے زمین دے رہن والیاں نُوں اوہناں نشاناں دے نال جیہڑے اوس پشُو دے سامھنے وکھان دا اوہنوں اختیار دِتّا گیا سی ایس طرح بدراہ کر دیندا سی پئی زمین دے رہن والیاں نُوں آکھدا سی پئی جِس پشُو نُوں تلوار لگّی سی تے اوہ جِیوپیا اے اوہدا بُت بناؤ۔

مُکاشفہ 13:17

پئی اوہدے بِناں جِہدے اُتّے ٹھپّہ یعنی اوس پشُو دا ناں یا اوہدے ناں دی گنتری ہوئے ہور کوئی بیوپار نا کر سکے۔

مُکاشفہ 21:18

تے اوہدی چوفیر کندھ وی اُساری یشب دی سی۔ تے شہر اجیہے سُچے سونے دا سی۔ جیہڑا سُچے شیشے وانگر ہوئے۔

مُکاشفہ 4:6

تے اوس تخت دے سامھنے شیشے دا سمُندر بلّور وانگر اے۔ تے تخت وِچ تے آلے دوالے چار جاندار نیں جِنہاں دِیاں اگّے پِچّھے اَکھّیاں نیں۔

مُکاشفہ 5:8

جد اوس کتاب لے لئی تے اوہ چارے جاندار تے چوّی بزُرگ اوس لیلے دے سامھنے ڈِگّ پئے تے ہر اِک دے ہتّھ وِچ بربط تے دُھوف نال بھرے ہوئے سونے دے پیالے سن۔ ایہہ پاک لوکاں دِیاں دُعاواں نیں۔