مُکاشفہ 14:4 - پنجابی نواں عہد نامہ نظرثانی شدہ چھپائی

⁴ ایہہ اوہ نیں جیہڑے زنانِیاں نال پلید نئیں ہوئے تے سگوں کوارے نیں ایہہ اوہ نیں جیہڑے لیلے دے پِچّھے پِچّھے جِتّھے اوہ جاندا اے ٹُردے نیں۔ ایہہ خُدا تے لیلے دے لئی پہلے پَھل ہون لئی بندیاں وِچوں مُل لَئے گئے نیں۔

مُکاشفہ 14:4 ပူးပေါင်းရင်းမြစ်များ

متّی 19:12

کیوں جو بعض کُھسرے اجیہے نیں جیہڑے ماں دے گربھوں اجیہے جمّے نیں۔ تے اجیہے کُھسرے نیں جِنہاں نُوں بندیاں کھُسریاں کر دِتّا۔ تے اجیہے کُھسرے وی نیں جِنہاں اسمان دی بادشاہی دی خاطر اپنے آپ نُوں کھُسریاں کر لیا اے۔ جیہڑا قبول کر سکدا اے اوہ ای قبولے۔

متّی 25:1

اوس ویلے اسمان دی بادشاہی دَساں کوارِیاں وانگر ہوئے گی جیہڑیاں اپنیاں مسالاں لے کے لاڑے دے مِلن نُوں نِکلیاں۔

متّی 8:19

تے اِک فقِیہ اگّے ہو کے اوہنوں آکھیا۔ اَے اُستاد جِتّھے کِتّھے تُوں جائیں مَیں تیرے مگر چلاں گا۔

یُوحنّا 10:27

میرِیاں بھیڈاں میری اواز سُندیاں نیں تے مَیں اوہناں نُوں جاننا آں تے اوہ میرے مگر ٹُر دِیاں نیں۔

یُوحنّا 12:26

جے کوئی میری سیوا کرے تے اوہ میرے مگر آئے۔ تے جِتّھے مَیں آں میری سیوا کرن والا وی اوتھے ہوئے گا۔ جے کوئی میری سیوا کرے تے باپ اوہدی عِزّت کرے گا۔

یُوحنّا 13:37

پطرس اوہنوں آکھیا اے خُداوند مَیں ہُنے تیرے مگر کیوں نئیں آسکدا؟ مَیں تے تیرے بدلے اپنی جان دیاں گا۔

یُوحنّا 8:12

تَد یِسُوع فیر اوہناں نُوں آکھیا۔ دُنیا دا چانن مَیں آں۔ اوہ جیہڑا میرے مگر آؤندا اے ہنیرے وِچ نئیں ٹُرے گا سگوں اوہنوں زِندگی دا چانن مِلے گا۔

اعمال 20:28

تُسی اپنی اوس سارے اِجّڑ دی خبرداری کرو۔ جِہدا پاک رُوح نے تُہانوں نِگہبان بنایا۔ پئی خُدا دی کلِیسیا نُوں چارو جِہنُوں اوس اپنے ای لہو نال مُل لیا۔

۱-کُرِنتھِیوں 16:15

بھراؤ! تُسی ستِفناس دے ٹبّر نُوں جان دے اوہ۔ پئی اوہ اَخیہ دے پہلے پَھل نیں تے پاک لوکاں دی سیوا لئی تیار رہندے نیں۔

۱-کُرِنتھِیوں 6:20

کیوں جو مُل لَئے گئے ہو۔ سو اپنے بدن نال خُدا دا جلال ظاہر کرو۔

۱-کُرِنتھِیوں 7:28

پر جے تُوں ویاہ کر لیں۔ تے کوئی گُناہ وی نئیں۔ تے جے کواری وِیاہی جائے تے کوئی گُناہ نئیں۔ اجیہے بندے جِسم دا دُکھ پان گے تے مَیں تُہانوں بچانا چاہناں آں۔

۲-کُرِنتھِیوں 11:2

مَینُوں تُہاڈے لئی خُدا جیہی غیرت اے۔ کیوں جو اِکّو ای بندے دے نال تُہاڈی منگنی کِیتی اے۔ تاں جو تُہانوں پاک کواری وانگُوں مسِیح دے کول حاضر کراں۔

اِفسِیوں 1:14

اوہ ای خُدا دی ملکیّت دی رہائی واسطے ساڈے وِرثے دی سائی اے۔ تاں جو اوہدے جلال دی وڈیائی ہوئے۔

اِفسِیوں 5:27

تے اِک اجیہی جلالی کلِیسیا بنا کے اپنے اگّے حاضر کرے۔ جِہدے بدن وِچ داغ یا جُھری یا کوئی ہور اجیہی شے نا ہوئے۔ سگوں پاک تے بے نُقص ہوئے۔

۱-تِیمُتِھیُس 4:3

ایہہ لوک ویاہ کرن توں ٹھاکن گے تے اوہناں کھانیاں توں لانبھے رہن دا حُکم دین گے۔ جیہڑے خُدا ایسے لئی بنائے نیں۔ پئی اِیماندار تے سَچ نُوں پچھانن والے لوک اوہناں نُوں شُکر کر کے کھان۔

عِبرانیوں 12:23

تے اوہناں پلیٹھی دیاں دی عام جماعت یعنی کلِیسیا جِنہاں دے ناں اسماناں اُتّے لِکھے ہوئے نیں۔ تے ساریاں دے مُنصف خُدا تے کامِل کِیتے ہوئے راستباز لوکاں دِیاں رُوحاں۔

یعقُوب 1:18

اوس اپنی مرضی نال سَچّے کلام دی راہِیں سانُوں پَیدا کِیتا تاں جو اوہدی خلقت وِچوں اِک طرح دے پہلے پَھل ہوئیے۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

مُکاشفہ 17:14

اوہ لیلے نال لڑن گے تے لیلا اوہناں نُوں جِت لے گا۔ کیوں جو اوہ خُداونداں دا خُداوند تے بادشاہاں دا بادشاہ اے۔ تے جیہڑے سَدّے ہوئے تے چُنے ہوئے تے وفادار اوہدے نال نیں اوہ وی جتن گے۔

مُکاشفہ 21:22

تے مَیں اوہدے وِچ کوئی ہیکل نا ویکھی ایس لئی پئی خُداوند خُدا قادرِ مُطلق تے لیلا اوہدی ہیکل نیں۔

مُکاشفہ 21:23

تے اوس شہر وِچ سُورج یا چَنّ دی روشنی دی کوئی لوڑ نئیں۔ کیوں جو خُدا دے جلال اوہنوں روشن کِیتا اے۔ تے لیلا اوہدا دِیوا اے۔

مُکاشفہ 3:4

بے شک سردِیس وِچ تیری تھاں تھوڑے اجیہے بندے نیں۔ جِنہاں اپنے کپڑے پلِیت نئیں کِیتے۔ اوہ چِٹّی پوشاک پا کے میرے نال سَیر کرن گے۔ کیوں جو اوہ ایسے لائق نیں۔

مُکاشفہ 5:9

تے اوہ نواں گِیت گاؤن لگّے پئی تُوں ای اوس کتاب دے لین تے اوہدیاں مُہراں توڑن دے لائق ایں۔ کیوں جو تُوں ہلال ہو کے اپنے خُون توں ساریاں گھرانیاں تے زبان والیاں تے اُمّتاں تے قوماں وِچوں خُدا دے لئی لوکاں نُوں مُل لیا۔