مُکاشفہ 14:3 - پنجابی نواں عہد نامہ نظرثانی شدہ چھپائی

³ اوہ تخت دے سامھنے تے چَوہاں جانداراں تے بزُرگاں دے سامھنے اِک نواں گِیت پئے گاؤندے سن تے اوہناں اِک لَکّھ چتالی ہزار بندیاں دے بِناں جیہڑے دُنیا وِچوں مُل لَئے گئے سن ہور کوئی اوس گِیت نُوں نا سِکھ سکیا۔

مُکاشفہ 14:3 ပူးပေါင်းရင်းမြစ်များ

۱-کُرِنتھِیوں 1:18

کیوں جو صلِیب دی منادی ناس ہون والیاں واسطے تے مُورکھ اے۔ پر ساڈے نجات لین والیاں واسطے خُدا دی قُدرت اے۔

۱-کُرِنتھِیوں 2:14

پر نفس دا بندہ خُدا دے رُوح دِیاں گلّاں نئیں مَندا کیوں جو اوہ اوہدے بھانیں مُورکھ دِیاں گلّاں نیں۔ تے اوہ اوہناں نُوں سمجھ نئیں سکدا اے۔ کیوں جو اوہ رُوحانی طرح پرکھیاں جاندِیاں نیں۔

مُکاشفہ 14:1

فیر مَیں دھیان کِیتا تے کِیہ ویکھنا آں پئی اوہ لیلا صِیُّون دے پہاڑ اُتّے کھلوتا اے تے اوہدے نال اِک لَکّھ چتالی ہزار بندے نیں جِنہاں دے متّھیاں اُتّے اوہدا تے اوہدے باپ دا ناں لِکھیا ہویا اے۔

مُکاشفہ 15:3

تے اوہ خُدا دے بندے مُوسیٰ دا گِیت تے لیلے دا گِیت گا گا کے آکھدے سن پئی اَے خُداوند خُدا قادرِ مُطلق! تیرے کمّ وڈّے تے اچرج نیں اَے ہمیشہ دے بادشاہ! تیریاں راہاں راست تے ٹھیک نیں۔

مُکاشفہ 2:17

جِہدے کنّ ہَین اوہ سُن لَئے پئی رُوح کلِیسیاواں نُوں کِیہ آکھدا اے۔ جیہڑا جِتّے مَیں اوہنوں لُکے ہوئے مَن وِچوں دیاں گا۔ تے اِک چِٹّا پتّھر دیاں گا اوس پتّھر اُتّے اِک نواں ناں لِکھیا ہویا ہوئے گا جِہنُوں اوہدے لین والے دے سِوا کوئی نا جانے گا۔

مُکاشفہ 5:9

تے اوہ نواں گِیت گاؤن لگّے پئی تُوں ای اوس کتاب دے لین تے اوہدیاں مُہراں توڑن دے لائق ایں۔ کیوں جو تُوں ہلال ہو کے اپنے خُون توں ساریاں گھرانیاں تے زبان والیاں تے اُمّتاں تے قوماں وِچوں خُدا دے لئی لوکاں نُوں مُل لیا۔

مُکاشفہ 7:4

تے جِنہاں اُتّے مُہر لائی گئی۔ اوہناں دی گنتری سُنی پئی بنی اِسرائیل دے سارے گھرانیاں وِچوں اِک لَکّھ چتالی ہزار اُتّے مُہر لائی گئی۔