مُکاشفہ 14:1 - پنجابی نواں عہد نامہ نظرثانی شدہ چھپائی

¹ فیر مَیں دھیان کِیتا تے کِیہ ویکھنا آں پئی اوہ لیلا صِیُّون دے پہاڑ اُتّے کھلوتا اے تے اوہدے نال اِک لَکّھ چتالی ہزار بندے نیں جِنہاں دے متّھیاں اُتّے اوہدا تے اوہدے باپ دا ناں لِکھیا ہویا اے۔

مُکاشفہ 14:1 ပူးပေါင်းရင်းမြစ်များ

لُوقا 12:8

تے مَیں تُہانوں آکھنا آں۔ پئی ہر اِک جیہڑا بندیاں اگّے میرا اِقرار کرے گا۔ اِبنِ آدم وی خُدا دے فرِشتیاں اگّے اوہدا اِقرار کرے گا۔

رُومِیوں 9:33

جیویں لِکھیا اے پئی ویکھ مَیں صِیُّون وِچ ٹھیڈے دی چٹان تے ٹھوکر دا پتّھر رکھنا آں۔ تے جیہڑا اوہدے اُتّے اِیمان لیاؤندا اے اوہ شرمندہ نئیں کِیتا جاوے گا۔

مُکاشفہ 14:14

فیر مَیں دھیان کِیتا تے کِیہ ویکھنا آں پئی اِک چِٹّا بدّل اے تے اوس بدّل اُتّے آدم دے جائے وانگر کوئی بَیٹھا اے۔ جِہدے سِر اُتّے سونے دا تاج تے ہتّھ وِچ تِکھی داتری اے۔

مُکاشفہ 14:3

اوہ تخت دے سامھنے تے چَوہاں جانداراں تے بزُرگاں دے سامھنے اِک نواں گِیت پئے گاؤندے سن تے اوہناں اِک لَکّھ چتالی ہزار بندیاں دے بِناں جیہڑے دُنیا وِچوں مُل لَئے گئے سن ہور کوئی اوس گِیت نُوں نا سِکھ سکیا۔

مُکاشفہ 15:5

ایہناں گلّاں دے پِچّھوں مَیں ویکھیا پئی شہادت دے خیمے دی ہیکل اسمان وِچ کھولی گئی۔

مُکاشفہ 22:4

تے اوہ اوہدا مُنھ ویکھن گے تے اوہدا ناں اوہناں دیاں متّھیاں اُتّے لِکھیا ہویا ہوئے گا۔

مُکاشفہ 3:12

جیہڑا جِتّے مَیں اوہنوں اپنے خُدا دی ہیکل وِچ اِک تھم بناواں گا اوہ فیر کدی باہر نا نِکلے گا تے مَیں اپنے خُدا دا ناں تے اپنے خُدا دے شہر یعنی اوس نَوِیں یرُوشلِیم دا ناں جیہڑا میرے خُدا کولوں اسمان توں آؤن والا اے تے اپنا نواں ناں اوہدے اُتّے لِکھاں گا۔

مُکاشفہ 4:1

ایہناں گلّاں دے پِچّھوں مَیں دھیان کِیتا۔ تے کِیہ ویکھنا آں پئی اسمان وِچ اِک بُوہا کُھلیا ہویا اے۔ تے جِہنُوں مَیں پہلاں تُرہی دی اواز وانگر اپنے نال گلّاں کر دیاں سُنیا سی اوہ ای آکھدا اے پئی ایتھے اُتّے آجا مَیں تینُوں اوہ گلّاں وکھاواں گا جیہڑیاں ایہناں گلّاں دے پِچّھوں ضرُور ہون گِیاں۔

مُکاشفہ 6:8

تے مَیں دھیان کِیتا تے کِیہ ویکھنا آں پئی اِک پِیلا جیہا گھوڑا اے تے اوہدے سوار دا ناں مَوت اے تے پاتال اوہدے پِچّھے پِچّھے اے تے اوہناں نُوں زمین دی چوتھائی اُتّے ایہہ اختیار دِتّا گیا۔ پئی تلوار تے کال تے ڈاکی تے زمین دے پشُوآں نال لوکاں نُوں مارن۔