مُکاشفہ 13:16 - پنجابی نواں عہد نامہ نظرثانی شدہ چھپائی

¹⁶ تے اوس ساریاں نِکّیاں وڈّیاں دَولت منداں تے غرِیباں اَزاداں تے غلاماں دے سَجّے ہتّھ یا اوہناں دیاں متّھیاں اُتّے ٹھپّہ لوایا۔

مُکاشفہ 13:16 ပူးပေါင်းရင်းမြစ်များ

اعمال 26:22

پر خُدا دی مدد نال مَیں اَج دے دِن تِیکر کھلوتا ہویا آں۔ تے نِکّیاں وڈّیاں اگّے گواہی دینا آں تے جیہڑیاں گلّاں نبیاں تے مُوسیٰ نے دسیاں سن پئی ہون والیاں نیں۔ اوہناں دے بِناں ہور کُجھ مَیں نئیں آکھدا۔

۱-کُرِنتھِیوں 12:13

کیوں جو اساں ساریاں بھانویں یہُودی ہوئے بھانویں یُونانی بھانویں غلام بھانویں اَزاد اِکّو رُوح دی راہِیں اِک جِسم ہون لئی بپتِسمہ لیا تے سبھناں نُوں اِکّو رُوح پیا یا گیا۔

گلتِیوں 3:28

نا کوئی یہُودی رہیا نا یُونانی۔ نا کوئی غلام نا اَزاد نا کوئی جَنا نا زنانی۔ کیوں جو تُسی سارے مسِیح یِسُوع وِچ اِک ہو۔

گلتِیوں 6:17

ایدوں اگّے کوئی مَینُوں دُکھ نا دے کیوں جو مَیں اپنے بدن اُتّے یِسُوع دے داغ لئی پِھرنا آں۔

اِفسِیوں 6:8

کیوں جو تُسی جان دے ہو۔ پئی جیہڑا اجیہا چَنگا کمّ کرے گا۔ بھانویں غلام ہوئے بھانویں اَزاد۔ خُداوند کولوں اوہو جیہا ای پاوے گا۔

کُلُسِّیوں 3:11

اوتھے نا یُونانی رہیا نا یہُودی نا سُنتی بَیٹھے ہوئے نا بَیٹھے ہوئے نا وحشی نا سکُوتی نا غلام نا اَزاد نِرا مسِیح سبھ کُجھ تے ساریاں وِچ اے۔

۲-تِیمُتِھیُس 3:8

تے جیویں ینیّس تے یمبریس نیں مُوسیٰ دی مخالفت کِیتی سی۔ ایسے طرح ایہہ لوک وی سچیائی دی مخالفت کر دے نیں۔ ایہہ اجیہے بندے نیں جِنہاں دی عقل وِگڑی ہوئی اے۔ تے اِیمان ولّوں مقبُول نئیں۔

مُکاشفہ 11:18

تے قوماں نُوں غُصّہ آیا تے تیرا غضب اُتر آیا۔ تے اوہ ویلا آ گیا پئی مُردیاں دی عدالت کِیتی جائے تے تیرے بندیاں نبیاں تے پاک لوکاں تے اوہناں نِکّے وڈّیاں نُوں جیہڑے تیرے ناں توں ڈردے نیں بدلہ دِتّا جائے تے زمین دے برباد کرن والیاں نُوں برباد کِیتا جائے۔

مُکاشفہ 15:2

فیر مَیں شیشے دا اِک سمُندر جیہا ویکھیا جِہدے وِچ اَگ مِلی ہوئی سی تے جِنہاں اوس پشُو تے اوہدے بُت تے اوہدے ناں دی گنتری نُوں جِت لیا سی اوہناں نُوں اوس شیشے دے سمُندر کول خُدا دِیاں بربطاں لے کے کھلوتیاں ڈِٹّھا۔

مُکاشفہ 19:18

پئی تُسی بادشاہاں دا گوشت تے فوجی سرداراں دا گوشت تے زوراوراں دا گوشت تے گھوڑیاں تے اوہناں دے سواراں دا گوشت تے ساریاں بندیاں دا گوشت کھاؤ بھانویں اَزاد ہون بھانویں غُلام۔ بھانویں نِکّے ہون بھانویں وڈّے۔

مُکاشفہ 19:20

تے اوہ پشُو تے اوہدے نال اوہ جُھوٹھا نبی پھڑیا گیا۔ جِس اوہدے سامھنے ایہو جئے نِشان وکھائے سن جِنہاں نال اوس پشُو دا ٹھپّہ لین والیاں تے اوہدے بُت دی پُوجا کرن والیاں نُوں بدراہ کر دِتّا سی۔ اوہ دونویں اَگ دی اوس جِھیل وِچ جِیوندے سُٹّے گئے۔ جیہڑی گندھک نال بَلدی اے۔

مُکاشفہ 19:5

تے تخت وِچوں ایہہ اواز آئی پئی اوہدے توں ڈرن والیو بندیو نِکّے ہو بھانویں وڈّے تُسی سارے ساڈے خُدا دی وڈیائی کرو۔

مُکاشفہ 20:12

فیر مَیں سارے نِکّے وڈّے مُردے اوس تخت دے اگّے کھلوتے ہوئے ویکھے۔ تے کِتاباں کھولِیاں گِئیاں۔ فیر اِک ہور کتاب کھولی گئی یعنی حیاتی دی کتاب۔ جیویں اوہناں کِتاباں وِچ لِکھیا ہویا سی۔ اوہناں دیاں کمّاں دے سببّوں مُردیاں دا انصاف کِیتا گیا۔

مُکاشفہ 20:4

فیر مَیں تخت ویکھے تے لوک اوہناں اُتّے بَیٹھ گئے تے عدالت اوہناں دے سپُرد کِیتی گئی۔ تے اوہناں دِیاں رُوحاں نُوں وی ویکھیا۔ جِنہاں دے یِسُوع دی گواہی دین مارِیاں تے خُدا دے کلام مارِیاں سِر وَڈّھے گئے سن۔ تے جِنہاں نا اوس پشُو دی پُوجا کِیتی سی۔ تے نا اوہدے بُت دی۔ تے نا اوہدا ٹھپّہ اپنے مَتّھے تے ہتّھاں اُتّے لیا سی۔ تے اوہ زِندہ ہو کے ہزار ورھے تِیکر مسِیح دے نال بادشاہی کر دے رہے۔

مُکاشفہ 6:15

تے زمین دے بادشاہ تے امیر تے فوجی سردار تے مالدار تے زوراور تے سارے غلام تے اَزاد پہاڑاں دِیاں کُھندڑاں تے چٹاناں دے وِچ جا لُکے۔

مُکاشفہ 7:3

پئی جد تِیکر اسی خُدا دے بندیاں دے مَتّھے اُتّے مُہر نا لا لَئے۔ زمین تے سمُندر تے بُوٹیاں دا نُقصان نا کریو۔