مُکاشفہ 13:10 - پنجابی نواں عہد نامہ نظرثانی شدہ چھپائی

¹⁰ جِہنُوں قید ہون والی اے اوہ قید وِچ پَوے گا۔ جیہڑا تلوار نال قتل کرے گا اوہ ضرُور تلوار نال قتل کِیتا جائے گا۔ پاک لوکاں دے صبر تے اِیمان دا ایہو ویلا اے۔

مُکاشفہ 13:10 ပူးပေါင်းရင်းမြစ်များ

متّی 26:52

تَد یِسُوع اوہنوں آکھیا اپنی تلوار میان کر کیوں جو جیہڑے تلوار کھِچّ دے نیں تلوار نال مارے جان گے۔

متّی 7:2

کیوں جو جیویں تُسی الزام لاندے ہو تُہاڈے اُتّے وی الزام لگّن گے۔ تے جِس ناپ نال تُسی ناپدے ہو اوسے نال تُہاڈے لئی ناپیا جاوے گا۔

لُوقا 21:19

تے اپنے صبر وِچ ای تُسی اپنیاں جاناں نُوں بچاؤ گے۔

کُلُسِّیوں 1:11

تے اوہدے جلال دی قُدرت دے سببّوں ہر طرح دی قُوّت پَیدا کرو۔ تاں جو خُوشی نال سارِیاں گلّاں وِچ صبر تے حَوصلہ کرو۔

عِبرانیوں 6:12

تاں جو تُسی ڈِھلّے نا ہو جاؤ۔ سگوں اوہناں وانگر ہو۔ جیہڑے اِیمان تے صبر دی راہِیں وعدے دے وارث بن دے نیں۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔

مُکاشفہ 11:18

تے قوماں نُوں غُصّہ آیا تے تیرا غضب اُتر آیا۔ تے اوہ ویلا آ گیا پئی مُردیاں دی عدالت کِیتی جائے تے تیرے بندیاں نبیاں تے پاک لوکاں تے اوہناں نِکّے وڈّیاں نُوں جیہڑے تیرے ناں توں ڈردے نیں بدلہ دِتّا جائے تے زمین دے برباد کرن والیاں نُوں برباد کِیتا جائے۔

مُکاشفہ 14:12

پاک لوکاں یعنی خُدا دے حُکماں اُتّے عمل کرن والیاں تے یِسُوع اُتّے اِیمان لیاؤن والیاں دے صبر دا ایہو ویلا اے۔

مُکاشفہ 16:6

کیوں جو ایہناں پاک لوکاں تے نبیاں دا لہو ڈوہلیا سی تے تُوں اوہناں نُوں لہو پیایا تے اوہ ایسے جوگے نیں۔

مُکاشفہ 17:11

تے جیہڑا پشُو پہلاں ہے سی۔ تے ہُن نئیں اوہ آپے اَٹھواں اے تے ایہناں ستّاں وِچوں پَیدا ہویا تے ہلاکت وِچ پَوے گا۔

مُکاشفہ 17:8

ایہہ جیہڑا تُوں پشُو ویکھیا اے۔ ایہہ پہلاں تے ہے سی پر ہُن نئیں اے تے اگّوں نُوں اتھاہ کھڈے وِچوں نِکل کے ہلاکت وِچ پَوے گا تے زمین دے رہن والے جِنہاں دے ناں دُنیا دے مُڈھ توں پہلاں حیاتی دی کتاب وِچ لِکھے نئیں گئے ایس پشُو دا ایہہ حال ویکھ کے پئی پہلاں ہے سی تے ہُن نئیں اے تے فیر ہوئے گا۔ تعجُّب کرن گے۔

مُکاشفہ 2:19

مَیں تیرے کمّاں تے مُحبّت تے اِیمان تے خِدمت تے صبر نُوں تے جاننا آں۔ تے ایہہ وی پئی تیرے پِچّھلے کمّ پہلے کمّاں نالوں وَدّھ نیں۔

مُکاشفہ 2:2

مَیں تیرے کمّ تے تیری محنت تے تیرے صبر نُوں تے جاننا آں تے ایہہ وی پئی تُوں بُریاں نُوں ویکھ نئیں سکدا۔ تے جیہڑے اپنے آپ نُوں رسُول آکھدے نیں تے ہَین نئیں۔ تُوں اوہناں نُوں ازما کے جُھوٹھیاں ویکھیا۔

مُکاشفہ 3:10

ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔

مُکاشفہ 3:3

تَد یاد کر پئی تُوں کِیویں دی تعلِیم سِکھی تے سُنی سی۔ تے اوہدے اُتّے قیم رہو تے تَوبہ کر۔ جے تُوں جاگدا نا رہیں گا۔ تے مَیں چور وانگر آ جاواں گا تے تینُوں کدی پتا نا ہوئے گا۔ پئی مَیں کیہڑے ویلے تیرے اُتّے آپَواں گا