مُکاشفہ 12:17 - پنجابی نواں عہد نامہ نظرثانی شدہ چھپائی

¹⁷ تے ناگ نُوں زنانی اُتّے غُصّہ آیا۔ تے اوہدی باقی اولاد نال جیہڑی خُدا دے حُکماں اُتّے عمل کر دی اے تے یِسُوع دی گواہی دین اُتّے قیم اے لڑن نِکلیا۔

مُکاشفہ 12:17 ပူးပေါင်းရင်းမြစ်များ

متّی 28:20

تے اوہناں نُوں سکھاؤ پئی اوہناں سارِیاں گلّاں دی پالنا کرن جِنہاں دا مَیں تُہانوں حُکم دِتّا سی۔ تے ویکھو دُنیا دے اخِیر تِیکر ہر ویلے مَیں تُہاڈے نال آں۔ آمِین۔

یُوحنّا 8:44

تُسی اپنے پئیو ابلیس توں ہو تے اپنے پئیو دِیاں خواہشاں نُوں پُورا کرنا چاہندے اوہ۔ اوہ مُڈھوں ای خُونی سی تے سچیائی اُتّے کھلوتا نا رہیا کیوں جو اوہدے وِچ سچیائی اے نئیں۔ جدوں اوہ جُھوٹھ بولدا اے اوہ اپنے ای ولّوں بولدا اے کیوں جو اوہ جُھوٹھا اے تے جُھوٹھ دا پئیو اے۔

۱-کُرِنتھِیوں 2:1

تے بھراؤ! جد مَیں خُدا دے بھیت دی منادی کر دا ہویا تُہاڈے کول آیا۔ تے اُچّے درجے دے کلام یا دنائی نال نئیں آیا

۱-پطرس 5:8

تُسی ہوش رکھو تے جاگدے رہو تُہاڈا وَیری ابلیس گرجن والے شیر وانگر لَبّھدا پِھردا اے پئی کِنوں پاڑ کھاواں۔

۱-یُوحنّا 2:3

جے اسی اوہدے حُکماں نُوں منیئے تے سانُوں پتا لگدا اے۔ پئی اسی اوہنوں جاننے آں۔

۱-یُوحنّا 5:10

جیہڑا خُدا دے پُتر اُتّے اِیمان لیاؤندا اے گواہی اوہدے وِچ ای اے تے جِس خُدا دی گواہی نئیں مَنّی اوس اوہنوں جُھوٹھا بنایا۔ کیوں جو اوس گواہی اُتّے جیہڑی خُدا اپنے پُتر دی بابت دِتّی اوہنے اِیمان نئیں لیاندا۔

۱-یُوحنّا 5:2

جدوں اسی خُدا دے نال مُحبّت کرنے آں۔ تے اوہدے حُکماں نُوں پُوریاں کرنے آں تے اوہدے توں معلُوم ہوندا اے۔ پئی خُدا دے پُتراں نال وی مُحبّت کرنے آں۔

مُکاشفہ 1:2

جِس خُدا دے کلام تے یِسُوع مسِیح دی گواہی دِتّی۔ یعنی اوہناں سارِیاں شیواں دی جیہڑیاں اوس ویکھیاں سن شہادت دِتّی۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔

مُکاشفہ 11:7

جد اوہ اپنی گواہی دے لین گے تے اوہ پشُو جیہڑا کھڈے وِچوں نِکلے گا اوہناں نال لڑ کے اوہناں نُوں جِت لے گا۔ تے اوہناں نُوں مار چھڈے گا۔

مُکاشفہ 12:16

پر زمین اوس زنانی دی مدد کِیتی تے اپنا مُنھ کھول کے اوس ندی دا گُھٹّ بھر گئی۔ جیہڑی ناگ اپنے مُونہو وگائی سی۔

مُکاشفہ 13:7

تے اوہنوں ایہہ اختیار دِتّا گیا پئی پاک لوکاں نال لڑے تے اوہناں نُوں جِت لَئے تے اوہنوں ہر اِک گھرانے تے اُمّت تے قوم اُتّے اختیار دِتّا گیا۔

مُکاشفہ 14:12

پاک لوکاں یعنی خُدا دے حُکماں اُتّے عمل کرن والیاں تے یِسُوع اُتّے اِیمان لیاؤن والیاں دے صبر دا ایہو ویلا اے۔

مُکاشفہ 17:14

اوہ لیلے نال لڑن گے تے لیلا اوہناں نُوں جِت لے گا۔ کیوں جو اوہ خُداونداں دا خُداوند تے بادشاہاں دا بادشاہ اے۔ تے جیہڑے سَدّے ہوئے تے چُنے ہوئے تے وفادار اوہدے نال نیں اوہ وی جتن گے۔

مُکاشفہ 17:6

تے مَیں اوس زنانی نُوں پاک لوکاں دے لہو تے یِسُوع دیاں شہیداں دے لہو پِین توں مست ویکھیا تے اوہنوں ویکھ کے بڑا حَیران ہویا۔

مُکاشفہ 18:20

اَے اسمانوں تے اَے پاک لوکو۔ تے رسُولو تے نبیو۔ اوہدے اُتّے خُوشی کرو کیوں جو خُدا انصاف کر کے اوہدے کولوں تُہاڈا بدلہ لے لیا۔

مُکاشفہ 19:10

تے مَیں اوہنوں سجدہ کرن لئی اوہدیاں پیراں اُتّے ڈِگّا۔ اوس مَینُوں آکھیا خبردار ایہہ نا کر۔ مَیں وی تیرے تے تیرے اوہناں بھراواں دے نال دا بندہ ہاں۔ جِنہاں دے کول یِسُوع دی گواہی اے۔ خُدا نُوں ای سجدہ کر۔ کیوں جو یِسُوع دی گواہی نبُوّت دی رُوح اے۔

مُکاشفہ 19:19

فیر مَیں اوس پشُو تے زمین دے بادشاہاں تے اوہناں دِیاں فَوجاں نُوں اوس گھوڑے دے سوار تے اوہدی فَوج نال لڑائی کرن لئی اکٹّھا ہویاں ویکھیا۔

مُکاشفہ 20:4

فیر مَیں تخت ویکھے تے لوک اوہناں اُتّے بَیٹھ گئے تے عدالت اوہناں دے سپُرد کِیتی گئی۔ تے اوہناں دِیاں رُوحاں نُوں وی ویکھیا۔ جِنہاں دے یِسُوع دی گواہی دین مارِیاں تے خُدا دے کلام مارِیاں سِر وَڈّھے گئے سن۔ تے جِنہاں نا اوس پشُو دی پُوجا کِیتی سی۔ تے نا اوہدے بُت دی۔ تے نا اوہدا ٹھپّہ اپنے مَتّھے تے ہتّھاں اُتّے لیا سی۔ تے اوہ زِندہ ہو کے ہزار ورھے تِیکر مسِیح دے نال بادشاہی کر دے رہے۔

مُکاشفہ 22:14

مُبارک نیں اوہ جیہڑے اپنے کپڑے دھوندے نیں۔ کیوں جو زِندگی دے بُوٹے کول آؤن دا اختیار پان گے تے اوہناں پھاٹکاں توں شہر وِچ داخل ہون گے۔

مُکاشفہ 6:9

تے جد اوس پن جیویں مُہر توڑی تے مَیں قُربان گاہ دے ہیٹھ اوہناں دِیاں رُوحاں ویکھیاں جیہڑے خُدا دے کلام تے گواہی اُتّے قیم رہن دے سببّوں مارے گئے سن۔