مُکاشفہ 12:12 - پنجابی نواں عہد نامہ نظرثانی شدہ چھپائی

¹² ایس لئی اَے اسمانوں تے اوہناں دے رہن والیو خُوشیاں کرو۔ اَے زمین تے سمُندر تُہاڈے اُتّے افسوس اے کیوں جو ابلیس بڑے غُصّہ وِچ اُتر کے تُہاڈے کول آیا اے ایس لئی پئی اوہ جان دا اے پئی میرا تھوڑا جِہیا ویلا باقی اے۔

مُکاشفہ 12:12 ပူးပေါင်းရင်းမြစ်များ

لُوقا 15:10

ایسے طرح مَیں تُہانوں آکھنا آں پئی خُدا دے فرِشتیاں دے اگّے اِک تَوبہ کرن والے گُنہگار دی بابت بُہت خُوشی ہوندی اے۔

لُوقا 2:14

پئی اسماناں اُتّے خُدا دی وڈیائی تے زمین اُتّے اوہناں لوکاں وِچ صُلح جِنہاں نال اوہ راضی اے۔

عِبرانیوں 10:37

تے ہُن بُہت ای تھوڑا چِر باقی اے۔ پئی آؤن والا آوے گا تے چِر نا لائے گا۔

۲-پطرس 3:8

پیاریو! ایہہ گلّ نا بُھلو۔ پئی خُداوند دے اگّے اِک دِن ہزار ورھے جِہیا اے۔ تے ہزار وَرھا اِک دِن جِہیا اے۔

مُکاشفہ 10:6

تے جیہڑا ہمیشہ تِیکر جِیوندا رہے گا۔ تے جِس اسمان تے اوہدیاں سارِیاں شیواں تے زمین تے اوہدیاں سارِیاں شیواں تے سمُندر تے اوہدیاں سارِیاں شیواں پَیدا کِیتیاں نیں اوہدی سَونہہ کھا کے آکھیا پئی ہُن ہور چِر نا لگّے گا۔

مُکاشفہ 11:10

تے زمین دے رہن والے اوہناں دے مرن توں خُوش ہون گے تے مَوج کرن گے تے آپو وِچ تحفے گھلّن گے۔ کیوں جو ایہناں دوہاں نبیاں زمین دے رہن والیاں نُوں ستایا سی۔

مُکاشفہ 11:14

دُوجا افسوس ہوگیا ویکھو ترِیجا افسوس چھیتی آؤن والا اے۔

مُکاشفہ 12:9

تے اوہ وَڈا ناگ یعنی اوہو ای پرانا سَپّ جیہڑا ابلیس تے شیطان اکھواؤندا اے تے سارے جہان نُوں بدراہ کر دیندا اے۔ زمین اُتّے ڈیگیا گیا تے اوہدے فرِشتے وی اوہدے نال ڈیگے گئے۔

مُکاشفہ 13:6

تے اوس خُدا دے بارے کُفر بکن لئی مُنھ کھولیا پئی اوہدے ناں تے اوہدے خیمے دے بارے یعنی اسمان دے رہن والیاں دے بارے کُفر بکے۔

مُکاشفہ 18:20

اَے اسمانوں تے اَے پاک لوکو۔ تے رسُولو تے نبیو۔ اوہدے اُتّے خُوشی کرو کیوں جو خُدا انصاف کر کے اوہدے کولوں تُہاڈا بدلہ لے لیا۔

مُکاشفہ 8:13

تے جد مَیں فیر دھیان کِیتا تے اسمان دے وِچ اِک عُقاب نُوں اُڈدیاں ہویاں تے اُچّی اُچّی ایہہ آکھدیاں سُنیاں پئی اوہناں تریہوں فرِشتیاں دِیاں تُرہیاں دِیاں اَوازاں دے سبّب جیہڑیاں اجے پُھوکن والیاں نیں زمین دے رہن والِیاں اُتّے افسوس افسوس افسوس۔

مُکاشفہ 9:12

پہلا افسوس تے مُک گیا ویکھو ایہدے پِچّھوں دو افسوس ہور آؤن والے نیں۔