مُکاشفہ 11:2 - پنجابی نواں عہد نامہ نظرثانی شدہ چھپائی

² تے اوس ویہڑے نُوں جیہڑا ہیکل دے باہر اے اوہنوں چھڈ دے تے اوہنوں نا کچّھ کیوں جو اوہ غیر قوماں نُوں دِتّا گیا ہے۔ اوہ پاک شہر نُوں بتالی مِہنے پیراں ہیٹھ لتاڑن گِیاں۔

مُکاشفہ 11:2 ပူးပေါင်းရင်းမြစ်များ

متّی 27:53

تے اوہدے جی اُٹھن دے پِچّھوں اوہ قبراں وِچوں نِکل کے پاک شہر وِچ جاوڑیاں تے بتھیریاں نُوں وکھالی دِتّی۔

متّی 4:5

فیر ابلیس اوہنوں مُقدّس شہر وِچ نال لے گیا تے ہیکل دے کِنگرے اُتّے کھلھار کے آکھیا۔

متّی 5:13

تُسی زمین دا لُون اوہ پر جے لُون بے سوادا ہو جائے تے اوہ کیہڑی شے نال سلُونا کِیتا جائے گا؟ اوہ فیر کِسے کمّ دا نا رہیا بِناں ایس دے پئی باہر سُٹّیا جائے تے لوکاں دے پیراں ہیٹھاں لتاڑیا جائے۔

لُوقا 21:24

تے اوہ تلوار نال مر جان گے۔ تے قید ہو کے سارِیاں قوماں وِچ پہنچائے جان گے۔ تے جد توڑی غیر قوماں دا ویلا پُورا نا ہو جائے یرُوشلِیم غیر قوماں توں لتاڑیا جائے گا۔

عِبرانیوں 10:29

تے خیال کرو۔ پئی اوس بندے دی سزا کیڈی کُو ہوئے گی۔ جِس خُدا دے پُتر نُوں لتاڑیا اے۔ تے عہد دے لہو نُوں جِہدے نال اوہ پاک ہویا سی ناپاک جانیا تے فضل دے رُوح دی بے عِزّتی کِیتی۔

مُکاشفہ 11:11

تے ساڈھے تَرے دِناں پِچّھوں خُدا ولّوں اوہناں وِچ زِندگی دی رُوح آئی تے اوہ اپنے پیراں اُتّے کھلو گئے تے اوہناں دے ویکھن والیاں نُوں بڑا ڈر لگّا۔

مُکاشفہ 11:3

تے مَیں اپنے دو گواہاں نُوں اختیار دیاں گا تے اوہ ترپّڑ اُتّے لے کے اِک ہزار دو سَو سَٹّھ دِن نبُوّت کرن گے۔

مُکاشفہ 12:6

تے اوہ زنانی اوس بیابان نُوں بھج گئی جِتّھے اوہدے لئی خُدا ولّوں اِک تھاں تیار کِیتی گئی سی۔ پئی اوتھے اِک ہزار دو سَو سَٹّھ دِن تِیکر اوہنوں پالن۔

مُکاشفہ 21:10

تے اوہ مَینُوں رُوح وِچ اِک وڈّے تے اُچّے پہاڑ اُتّے لے گیا۔ تے پاک شہر یرُوشلِیم نُوں اسمانوں خُدا کولوں اُتر دیاں وکھایا۔

مُکاشفہ 21:2

فیر مَیں پاک شہر نُوں یرُوشلِیم نُوں اسمانوں خُدا دے کولوں اُتر دیاں ویکھیا۔ تے اوہ اوس وَوہٹی وانگر شنگاری ہوئی سی۔ جِس اپنے بندے واسطے شنگار کِیتا ہوئے۔

مُکاشفہ 22:19

تے جے کوئی ایس کتاب دی نبُوّت دِیاں گلّاں وِچوں کُجھ کڈھے تے خُدا اوس زِندگی دے بُوٹے تے پاک شہر وِچوں جِنہاں دا ایس کتاب وِچ ذِکر ہویا اے اوہدا حِصّہ کڈھ چھڈے گا۔