مُکاشفہ 11:1 - پنجابی نواں عہد نامہ نظرثانی شدہ چھپائی

¹ تے مَینُوں ڈنڈے وانگر اِک کانا دِتّا گیا تے کِسے آکھیا پئی اُٹھ کے خُدا دی ہیکل تے قُربان گاہ تے اوہدے وِچ بندگی کرن والیاں نُوں کچّھ۔

مُکاشفہ 11:1 ပူးပေါင်းရင်းမြစ်များ

۲-کُرِنتھِیوں 6:16

تے خُدا دے مَقدِس نُوں بُتاں نال کِیہ تعلق اے؟ کیوں جو اسی زِندہ خُدا دا مَقدِس آں۔ جیویں خُدا آکھیا اے پئی مَیں اوہناں وِچ وَسّاں گا تے اوہناں وِچ ٹُراں پھراں گا۔ تے مَیں اوہناں دا خُدا ہوواں گا۔ تے اوہ میری اُمّت ہون گے۔

۱-پطرس 2:5

تُسی وی جِیوندے پتّھراں وانگر رُوحانی گھر بندے جاندے ہو۔ تاں جو کاہِناں دا پاک فِرقہ بن کے اجیہاں رُوحانی قُربانِیاں چاہڑو۔ جیہڑیاں یِسُوع مسِیح دی راہِیں چَنگیاں لگدِیاں نیں

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

مُکاشفہ 10:11

تے مَینُوں آکھیا گیا پئی تینُوں بتھیریاں اُمّتاں تے قوماں تے زباناں والیاں تے بادشاہاں اُتّے فیر نبُوّت کرنی ضرُور پَوے گی۔

مُکاشفہ 21:15

تے جیہڑا مَینُوں پیا آکھدا سی۔ اوہدے کول شہر تے اوہدیاں پھاٹکاں تے اوہدی چوفیری کندھ دے کچّھن لئی اِک کاچھ یعنی سونے دا گز سی۔