مُکاشفہ 10:11 - پنجابی نواں عہد نامہ نظرثانی شدہ چھپائی

¹¹ تے مَینُوں آکھیا گیا پئی تینُوں بتھیریاں اُمّتاں تے قوماں تے زباناں والیاں تے بادشاہاں اُتّے فیر نبُوّت کرنی ضرُور پَوے گی۔

مُکاشفہ 10:11 ပူးပေါင်းရင်းမြစ်များ

مُکاشفہ 10:10

سو مَیں اوہ نِکّی کتاب اوس فرِشتے دے ہتھّوں لے کے کھا چھڈی اوہ میرے مُنھ وِچ تے شہد وانگر مِٹّھی لگّی پر جد اوہنوں مَیں کھالیا میرا ڈِھڈ کَوڑا ہوگیا۔

مُکاشفہ 11:1

تے مَینُوں ڈنڈے وانگر اِک کانا دِتّا گیا تے کِسے آکھیا پئی اُٹھ کے خُدا دی ہیکل تے قُربان گاہ تے اوہدے وِچ بندگی کرن والیاں نُوں کچّھ۔

مُکاشفہ 11:9

تے اُمّتاں تے گھرانیاں تے اہلِ زبان تے قوماں وِچوں لوک اوہناں دِیاں لاشاں نُوں ساڈھے تَرے دِن تِیکر ویکھدے رہن گے تے اوہناں دِیاں لاشاں نُوں قبر وِچ نا رکھن دین گے۔

مُکاشفہ 14:6

فیر مَیں اِک ہور فرِشتے نُوں اسمان دے وِچ اُڈدیاں ہویاں ویکھیا جِہدے کول زمین دے رہن والیاں دی ہر اِک قوم تے گھرانے تے اہلِ زبان تے اُمّت دے سُنان لئی ہمیشہ دی خُوشخبری سی۔

مُکاشفہ 17:10

تے اوہ سَتّ بادشاہ وی نیں پنج تے ڈِگّ پئے نیں تے اِک ہُن اے تے اِک اجے آیا نئیں تے جدوں آوے گا تے کُجھ چِر تِیکر اوہدا رہنا ضرُوری اے۔

مُکاشفہ 17:12

تے اوہ دَس سِنگ جیہڑے تُوں ویکھے نیں دَس بادشاہ نیں اجے تِیکر اوہناں نُوں بادشاہی نئیں مِلی۔ پر اوس پشُو نال اِک گھڑی لئی بادشاہاں وانگر اوہناں نُوں اختیار دِتّا جاوے گا۔

مُکاشفہ 17:15

فیر اوس مَینُوں آکھیا پئی جیہڑے پانی توں ویکھے نیں جِنہاں اُتّے کسبی بَیٹھی ہوئی اے۔ اوہ اُمّتاں تے بِھیڑاں تے قوماں تے اہلِ زبان نیں۔

مُکاشفہ 5:9

تے اوہ نواں گِیت گاؤن لگّے پئی تُوں ای اوس کتاب دے لین تے اوہدیاں مُہراں توڑن دے لائق ایں۔ کیوں جو تُوں ہلال ہو کے اپنے خُون توں ساریاں گھرانیاں تے زبان والیاں تے اُمّتاں تے قوماں وِچوں خُدا دے لئی لوکاں نُوں مُل لیا۔