مُکاشفہ 1:9 - پنجابی نواں عہد نامہ نظرثانی شدہ چھپائی

⁹ مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔

مُکاشفہ 1:9 ပူးပေါင်းရင်းမြစ်များ

متّی 20:23

اوہ اوہناں نُوں آکھن لگّا۔ میرا پیالہ تے تُسی ضرُور پِیو گے پر سَجّے تے کبھّے بہانا میرے ہتّھ وِچ نئیں اے پئی کِسے نُوں دے دیاں۔ پر اوہناں نُوں بخشیا جائے گا جِنہاں واسطے میرے باپ کولوں مُقرّر کِیتا گیا اے۔

مرقس 10:39

اوہناں اوہنوں آکھیاں ساتھوں ہو سکدا اے۔ یِسُوع اوہناں نُوں آکھیا۔ جیہڑا پیالہ مَیں پِینا اے تُسی پِیو گے۔ تے جیہڑا بپتِسمہ مَیں لینا اے تُسی لوؤ گے۔

یُوحنّا 16:33

ایہہ گلّاں مَیں تُہانوں آکھیاں نیں تاں جو تُہانوں میرے وِچ سُکھ مِلے۔ دُنیا وِچ تُہانوں دُکھ اے پر تگڑے رہو کیوں جو مَیں دُنیا نُوں جِت لیا اے۔

اعمال 1:15

تے اوہناں دِناں وِچ پطرس بھراواں دے وِچ جیہڑے اِکّو تھانویں اِک سو وِیہہ کُو بندے سن کھلو کے آکھن لگّا۔

اعمال 14:22

تے شاگِرداں دے دِلاں نُوں تگڑیاں کر دے سن تے نصِیحت دیندے سن۔ پئی اِیمان اُتّے قیم رہو۔ تے آکھیا پئی ایہہ ضرُور اے۔ پئی بُہت مُصِیبتاں سہہ کے اسی خُدا دی بادشاہی وِچ داخل ہو جائیے۔

رُومِیوں 8:17

تے جد بچّے ہوئے تے وارث وی یعنی وارث خُدا دے۔ تے وِرثے وِچ مسِیح نال شریک ایس شرط اُتّے پئی اسی اوہدے نال دُکھ وِچ بھوگِیئے پئی اوہدے نال سانُوں وی جلال لَبھّے۔

رُومِیوں 8:25

پر جِہنُوں اسی نئیں ویکھدے جے اوہدی آس رکھیے۔ تے صبر نال اوہدی اُڈِیک وِچ رہنے آں۔

۲-کُرِنتھِیوں 1:7

تے ساڈی آس تُہاڈی بابت پَکّی اے۔ کیوں جو اسی جاننے آں پئی جیویں تُسی دُکھاں وِچ سِیری ہو۔ اوسے طرح تسلّی وِچ وی ہو۔

فِلِپّیوں 1:7

تے چاہیدا وی اے پئی مَیں تُہاڈے سبھناں دی بابت اجیہا ای خیال کراں کیوں جو تُسی میرے دِل وِچ وَسدے اوہ۔ ایس لئی میری قید تے خُوشخبری دے جواب دین تے ثابت کرن وِچ تُسی سارے میرے نال فضل وِچ سنگی ہو۔

فِلِپّیوں 4:14

فیر وی تُساں چَنگا کِیتا۔ پئی میری تنگی وِچ تُساں میرا ساتھ دِتّا۔

۲-تھِسّلُنِیکوں 3:5

تے خُداوند تُہاڈے دِلاں نُوں خُدا دی مُحبّت تے مسِیح دے صبر ولّ ہدایت کرے۔

۲-تِیمُتِھیُس 1:8

سو ساڈے خُداوند دی گواہی توں تے میرے کولوں جیہڑا اوہدا قیدی آں شرم نا کر۔ سگوں اوس خُدا دی قُدرت نال خُوشخبری دی خاطر میرے نال دُکھ سہہ۔

عِبرانیوں 10:36

کیوں جو تُہانوں صبر کرن دی لوڑ اے۔ تاں جو خُدا دی مرضی پُوری کر کے وعدہ کِیتی ہوئی شے لے لوؤ۔

۱-پطرس 5:1

مَیں اوہناں نُوں نصِیحت کرنا آں جیہڑے تُہاڈے وِچوں بزُرگ نیں اوہناں وانگر بزُرگ تے مَیں وی آں تے مسِیح دے دُکھاں دا گواہ تے ظاہر ہون والے جلال وِچ سنگی آں۔

مُکاشفہ 1:1

یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔

مُکاشفہ 1:2

جِس خُدا دے کلام تے یِسُوع مسِیح دی گواہی دِتّی۔ یعنی اوہناں سارِیاں شیواں دی جیہڑیاں اوس ویکھیاں سن شہادت دِتّی۔

مُکاشفہ 1:4

یُوحنّا ولّوں اوہناں ستّاں کلِیسیاواں دے ناں جیہڑیاں آسِیہ وِچ نیں اوہدے ولّوں جیہڑا اَے۔ تے جیہڑا اَے سی تے جیہڑا آؤن والا اے۔ تے اوہناں ستّاں رُوحاں ولّوں جیہڑیاں اوہدے تخت دے سامھنے نیں۔ تُہانوں فضل تے تسلّی مِلدی رہے۔

مُکاشفہ 1:6

تے سانُوں اِک بادشاہی بنایا تے اپنے خُدا تے باپ دے لئی کاہِن وی بنا دِتّا۔ اوہدا جلال تے سلطنت ہمیشہ تِیکر رہے۔ آمِین۔

مُکاشفہ 11:7

جد اوہ اپنی گواہی دے لین گے تے اوہ پشُو جیہڑا کھڈے وِچوں نِکلے گا اوہناں نال لڑ کے اوہناں نُوں جِت لے گا۔ تے اوہناں نُوں مار چھڈے گا۔

مُکاشفہ 12:11

تے اوہناں لیلے دے خُون تے اپنی گواہی دے کلام دے سبّب اوہنوں جِت لیا تے اوہناں اپنیاں جاناں نُوں پیارا نا رکھیا۔ ایتھوں تِیکر پئی مَوت وی جَھل لئی۔

مُکاشفہ 12:17

تے ناگ نُوں زنانی اُتّے غُصّہ آیا۔ تے اوہدی باقی اولاد نال جیہڑی خُدا دے حُکماں اُتّے عمل کر دی اے تے یِسُوع دی گواہی دین اُتّے قیم اے لڑن نِکلیا۔

مُکاشفہ 13:10

جِہنُوں قید ہون والی اے اوہ قید وِچ پَوے گا۔ جیہڑا تلوار نال قتل کرے گا اوہ ضرُور تلوار نال قتل کِیتا جائے گا۔ پاک لوکاں دے صبر تے اِیمان دا ایہو ویلا اے۔

مُکاشفہ 14:12

پاک لوکاں یعنی خُدا دے حُکماں اُتّے عمل کرن والیاں تے یِسُوع اُتّے اِیمان لیاؤن والیاں دے صبر دا ایہو ویلا اے۔

مُکاشفہ 19:10

تے مَیں اوہنوں سجدہ کرن لئی اوہدیاں پیراں اُتّے ڈِگّا۔ اوس مَینُوں آکھیا خبردار ایہہ نا کر۔ مَیں وی تیرے تے تیرے اوہناں بھراواں دے نال دا بندہ ہاں۔ جِنہاں دے کول یِسُوع دی گواہی اے۔ خُدا نُوں ای سجدہ کر۔ کیوں جو یِسُوع دی گواہی نبُوّت دی رُوح اے۔

مُکاشفہ 20:4

فیر مَیں تخت ویکھے تے لوک اوہناں اُتّے بَیٹھ گئے تے عدالت اوہناں دے سپُرد کِیتی گئی۔ تے اوہناں دِیاں رُوحاں نُوں وی ویکھیا۔ جِنہاں دے یِسُوع دی گواہی دین مارِیاں تے خُدا دے کلام مارِیاں سِر وَڈّھے گئے سن۔ تے جِنہاں نا اوس پشُو دی پُوجا کِیتی سی۔ تے نا اوہدے بُت دی۔ تے نا اوہدا ٹھپّہ اپنے مَتّھے تے ہتّھاں اُتّے لیا سی۔ تے اوہ زِندہ ہو کے ہزار ورھے تِیکر مسِیح دے نال بادشاہی کر دے رہے۔

مُکاشفہ 3:10

ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔

مُکاشفہ 6:9

تے جد اوس پن جیویں مُہر توڑی تے مَیں قُربان گاہ دے ہیٹھ اوہناں دِیاں رُوحاں ویکھیاں جیہڑے خُدا دے کلام تے گواہی اُتّے قیم رہن دے سببّوں مارے گئے سن۔

مُکاشفہ 7:14

مَیں اوہنوں آکھیا اَے میرے خُداوند تُوں ای جاندا ایں۔ اوس مَینُوں آکھیا ایہہ اوہ نیں جیہڑے اوس وڈّی مُصِیبت وِچوں نِکل کے آئے ہوئے نیں ایہناں اپنے کپڑیاں نُوں لیلے دے لہو وِچ دھوکھے چٹیاں کِیتا ہویا اے۔