مُکاشفہ 1:4 - پنجابی نواں عہد نامہ نظرثانی شدہ چھپائی

⁴ یُوحنّا ولّوں اوہناں ستّاں کلِیسیاواں دے ناں جیہڑیاں آسِیہ وِچ نیں اوہدے ولّوں جیہڑا اَے۔ تے جیہڑا اَے سی تے جیہڑا آؤن والا اے۔ تے اوہناں ستّاں رُوحاں ولّوں جیہڑیاں اوہدے تخت دے سامھنے نیں۔ تُہانوں فضل تے تسلّی مِلدی رہے۔

مُکاشفہ 1:4 ပူးပေါင်းရင်းမြစ်များ

یُوحنّا 1:1

مُڈھوں کلام سی تے کلام خُدا دے نال سی تے کلام خُدا سی۔

اعمال 19:10

ایہہ دو ورھیاں تِیکر ہوندا رہیا۔ ایتھوں توڑی پئی آسِیہ دے سارے رہن والیاں نیں یہُودِیاں تے یُونانِیاں نیں وی خُداوند دا کلام سُنیا۔

اعمال 2:9

اسی پارتھی تے مادی تے عِیلامی تے مسوپتامِیہ دے رہن والے تے یہُودیہ تے کَپّدُکیہ۔ پُنطُس تے آسِیہ

رُومِیوں 1:7

اوہناں ساریاں دے ناں جیہڑے رُومہ وِچ خُدا دے پیارے پاک ہون لئی سَدّے گئے نیں۔ ساڈے باپ خُدا تے خُداوند یِسُوع مسِیح ولّوں تُہانوں فضل تے سلامتی مِلدی رئے۔

۱-کُرِنتھِیوں 1:3

ساڈے باپ خُدا تے خُداوند یِسُوع مسِیح ولّوں تُہانوں فضل تے تسلّی مِلدی رہے۔

۲-کُرِنتھِیوں 1:2

ساڈے باپ خُدا تے خُداوند یِسُوع مسِیح ولّوں تُہانوں فضل تے تسلّی مِلدی رہے۔

عِبرانیوں 13:8

یِسُوع مسِیح کل تے اَج سگوں سدا تِیکر اِکّو جِہیا اے۔

یعقُوب 1:17

سارِیاں چَنگیاں نِعمتاں تے اِنعام اُتّوں نیں۔ تے چانن دے باپ ولّوں مِلدے نیں۔ جیہڑا نا بدل سکدا اے نا بھون دے سبّب اوہدے اُتّے کوئی پر چھاواں پَے سکدا اے۔

مُکاشفہ 1:1

یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔

مُکاشفہ 1:11

پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔

مُکاشفہ 1:17

جدوں مَیں اوہنوں ویکھیا مُردے وانگر اوہدی پَیرِیں ڈِگّ پیا۔ تے اوس ایہہ آکھ کے اپنا سَجّا ہتّھ میرے اُتّے رکھیا۔ پئی نا ڈر مَیں شُروع تے اخِیر ہاں۔

مُکاشفہ 1:20

یعنی اوہناں ستّاں تاریاں دا بھیت جیہڑے تُوں میرے سَجّے ہتّھ وِچ ویکھے سن۔ تے اوہناں سونے دِیاں ستّاں دِیویاں دا بھیت وی۔ اوہ سَتّ ستارے ستّاں کلِیسیاواں دے سَتّ فرِشتے نیں۔ تے اوہ سَتّ دیوے سَتّ کلِیسیاواں نیں۔

مُکاشفہ 1:8

خُداوند خُدا جیہڑا اَے تے جیہڑا اَے سی تے جیہڑا آؤن والا اے۔ یعنی قادرِمُطلق آکھدا اَے۔ پئی مَیں الفا تے اومیگا ہاں۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔

مُکاشفہ 16:5

تے مَیں پانی دے فرِشتے نُوں ایہہ آکھدیاں سُنیا پئی اے قُدُّوس جیہڑا ہیں تے جیہڑا ہے سی۔ توں عادل ایں پئی تُوں ایہہ انصاف کِیتا۔

مُکاشفہ 2:12

تے پرگُمن دی کلِیسیا دے فرِشتے نُوں ایہہ لِکھ پئی جِہدے کول دو مُونہی تِکھی تلوار اے اوہ ایہہ آکھدا اے پئی۔

مُکاشفہ 2:18

تے تھواتِیرہ دی کلِیسیا دے فرِشتے نُوں ایہہ لِکھ پئی۔ خُدا دا پُتر جِہدِیاں اَکھّیاں اَگ دی لاٹ وانگر تے پَیر خالص پِتّل وانگر نیں ایہہ آکھدا اے پئی۔

مُکاشفہ 2:8

تے سمُرنہ دی کلِیسیا دے فرِشتے نُوں ایہہ لِکھ پئی جیہڑا شُروع تے اخِیر اے تے جیہڑا مر گیا سی تے جِیوپیا۔ اوہ ایہہ آکھدا اے۔

مُکاشفہ 22:16

مَیں یِسُوع اپنا فرِشتہ ایس لئی گھلّیا۔ پئی کلِیسیاواں دی بابت تُہاڈے اگّے ایہناں گلّاں دی گواہی دے۔ مَیں داؤد دی اصل تے نسل تے صُبح دا چمکدا ہویا تارا ہاں۔

مُکاشفہ 22:8

مَیں اوہ ای یُوحنّا آں جیہڑا ایہناں گلّاں نُوں سُندا تے ویکھدا ساں۔ تے جد مَیں سُنیاں تے ویکھیاں تَد جیہڑے فرِشتے مَینُوں ایہہ گلّاں وکھائیاں مَیں اوہدیاں پیراں اُتّے سجدہ کرن لئی ڈِگّ پیا۔

مُکاشفہ 3:1

تے سردِیس دی کلِیسیا دے فرِشتے نُوں ایہہ لِکھ۔ پئی جِہدے کول خُدا دِیاں سَتّ رُوحاں تے سَتّ تارے نیں اوہ ایہہ آکھدا اے پئی مَیں تیرے کمّاں نُوں جاننا آں پئی تُوں زِندہ اکھواؤندا ایں۔ پر ہیں مُردہ۔

مُکاشفہ 3:14

تے لَودِیکیہ دی کلِیسیا دے فرِشتے نُوں ایہہ لِکھ پئی جیہڑا آمِین تے سَچّا تے برحق گواہ تے خُدا دی خلقت دا مُڈھ اے اوہ ایہہ آکھدا اے پئی۔

مُکاشفہ 3:7

تے فِلَدِلفیہ دی کلِیسیا دے فرِشتے نُوں ایہہ لِکھ پئی۔ جیہڑا قُدُّوس تے سَچّا اے تے داؤد دی کُنجی اوہدے کول اے جِہدے کھولے ہوئے نُوں کوئی بند نئیں کر دا تے بند کِیتے ہوئے نُوں کوئی کھولدا نئیں۔ اوہ ایہہ آکھدا اے۔

مُکاشفہ 4:5

تے اوس تخت وِچوں چمکن تے کڑکن والے بدّل تے اَوازاں پئیاں نِکلدیاں نیں۔ تے اوس تخت دے سامھنے اَگ دِیاں سَتّ بتیاں پئیاں بلدیاں نیں ایہہ خُدا دِیاں سَتّ رُوحاں نیں۔

مُکاشفہ 4:8

ایہناں چَوہاں جانداراں دے چھ چھ پَر تے چَونہہ پاسے تے اندر اَکھّیاں ای اَکھّیاں نیں۔ تے دِنے راتِیں آرام نئیں کر دے۔ تے ایہو آکھدے رہندے نیں۔ پئی قُدُّوس قُدُّوس قُدُّوس خُداوند خُدا قادرِ مُطلق جیہڑا ہے سی تے جیہڑا ہے تے جیہڑا آؤن والا اے۔

مُکاشفہ 5:6

تے مَیں اوس تخت تے چَوہاں جانداراں تے اوہناں بزُرگاں دے وِچکار جیویں حلال کِیتا ہویا لیلا کھلوتا ہوندا اے ویکھیا اوہدے سَتّ سِنگ تے سَتّ اَکھّیاں سن ایہہ خُدا دِیاں سَتّ رُوحاں نیں۔ جیہڑیاں ساری زمین اُتّے گھلّیاں ہویاں نیں۔

مُکاشفہ 8:2

تے مَیں اوہناں ستّاں فرِشتیاں نُوں ویکھیا۔ جیہڑے خُدا دے سامھنے کھلوتے رہندے نیں۔ تے اوہناں نُوں سَتّ تُرہیاں دِتّیاں گِئیاں۔