مُکاشفہ 1:16 - پنجابی نواں عہد نامہ نظرثانی شدہ چھپائی

¹⁶ تے اوہدے سَجّے ہتّھ وِچ سَتّ تارے سن تے اوہدے مُنھ وِچوں اِک دو مُونہی تیز تلوار نِکلدی سی۔ تے اوہدا چہرہ ایس طرح چمکدا سی جیویں ٹِلّ دے ویلے دِن۔

مُکاشفہ 1:16 ပူးပေါင်းရင်းမြစ်များ

متّی 17:2

تے اوہدا رُوپ اوہناں دے سامھنے بدل گیا۔ تے اوہدا مُنھ سُورج وانگُوں چمکیا۔ تے اوہدے کپڑے چانن وانگُوں چِٹّے ہوگئے۔

اعمال 26:13

تاں اَے بادشاہ۔ مَیں راہ وِچ دوپہر ویلے اِک چانن ویکھیا۔ جیہڑا سُورج دے چانن نالوں بوہتا سی تے اوہ میرے تے میرے نال دیاں دے چَوفیرے چمکیا۔

اِفسِیوں 6:17

تے نجات دا خود پاؤ تے رُوح دی تلوار جیہڑی خُدا دا کلام اے۔ لے لوؤ۔

عِبرانیوں 4:12

کیوں جو خُدا دا کلام زِندہ تے اثر کرن والا تے ہر اِک دو مُونہی تلوار نالوں تیز اے۔ تے جان تے رُوح تے جوڑ جوڑ تے مِنّجھ مِنّجھ وَکھو وکھرے کر کے دُسّر لنگھ جاندا اے۔ تے دِل دیاں خیالاں تے اِرادیاں نُوں جاچدا اے۔

مُکاشفہ 1:20

یعنی اوہناں ستّاں تاریاں دا بھیت جیہڑے تُوں میرے سَجّے ہتّھ وِچ ویکھے سن۔ تے اوہناں سونے دِیاں ستّاں دِیویاں دا بھیت وی۔ اوہ سَتّ ستارے ستّاں کلِیسیاواں دے سَتّ فرِشتے نیں۔ تے اوہ سَتّ دیوے سَتّ کلِیسیاواں نیں۔

مُکاشفہ 10:1

فیر مَیں اِک ہور زوراور فرِشتے نُوں بدّل نُوں کپڑے وانگر اُتّے لیاں ہویاں اسمانوں اُتر دیاں ویکھیا اوہدے سِر اُتّے اسمانی پینگھ سی تے اوہدی شکل سُورج وانگر سی تے اوہدے پَیر اَگ دے تھماں وانگر۔

مُکاشفہ 12:1

فیر اسمان اُتّے اِک وَڈا سارا نِشان دِسّیا۔ یعنی اِک زنانی نظر آئی۔ جِس سُورج نُوں کپڑے وانگر اُتّے لیا ہویا سی تے چَنّ اوہدے پیراں ہیٹھ سی۔ تے باراں تاریاں دا تاج اوہدے سِر اُتّے سی۔

مُکاشفہ 19:15

تے قوماں دے مارن لئی اوہدے مُنھ وِچوں اِک تیز تلوار پئی نِکلدی اے۔ تے اوہ لوہے دے ڈنڈے نال اوہناں اُتّے حکُومت کرے گا تے قادرِ مُطلق خُدا دے سخت غضب دی مَے دے حوض وِچ انگور لتاڑے گا۔

مُکاشفہ 19:21

تے باقی اوس گھوڑے دے سوار دی تلوار نال جیہڑی اوہدے مُنھ وِچوں نِکلدی سی قتل کِیتے گئے تے سارے پکھیرُو اوہناں دے گوشت نال رَجّ گئے۔

مُکاشفہ 2:1

اِفِسُس دی کلِیسیا دے فرِشتے نُوں ایہہ لِکھ۔ پئی جِس اپنے سَجّے ہتّھ وِچ سَتّ تارے لَئے ہوئے نیں تے سونے دِیاں ستّاں دِیویاں وِچ پِھردا اے۔ اوہ ایہہ آکھدا اے پئی۔

مُکاشفہ 2:12

تے پرگُمن دی کلِیسیا دے فرِشتے نُوں ایہہ لِکھ پئی جِہدے کول دو مُونہی تِکھی تلوار اے اوہ ایہہ آکھدا اے پئی۔

مُکاشفہ 2:16

تَد تَوبہ کر نئیں تے مَیں تیرے کول چھیتی آ کے اپنے مُنھ دی تلوار نال اوہناں دے نال لڑاں گا۔

مُکاشفہ 3:1

تے سردِیس دی کلِیسیا دے فرِشتے نُوں ایہہ لِکھ۔ پئی جِہدے کول خُدا دِیاں سَتّ رُوحاں تے سَتّ تارے نیں اوہ ایہہ آکھدا اے پئی مَیں تیرے کمّاں نُوں جاننا آں پئی تُوں زِندہ اکھواؤندا ایں۔ پر ہیں مُردہ۔