مرقس 9:44 - پنجابی نواں عہد نامہ نظرثانی شدہ چھپائی

⁴⁴ [جِتّھے اوہناں دا کِیڑا نئیں مر دا۔ تے اَگ نئیں بُجھدی۔]

مرقس 9:44 ပူးပေါင်းရင်းမြစ်များ

متّی 25:41

تَد اوہ کھبّے پاسے والیاں نُوں وی آکھے گا۔ اَے لعنتیؤ میرے اگّوں اوس ہمیشہ دی اَگ وِچ جاؤ جیہڑی ابلیس تے اوہدیاں فرِشتیاں دے لئی تیار کِیتی ہوئی اے۔

متّی 25:46

تے اوہ ہمیشہ دی سزا وِچ جان گے۔ پر نیک ہمیشہ دی زِندگی وِچ۔

متّی 3:12

اوہدا چھج اوہدے ہتّھ وِچ اے۔ تے اوہ اپنے کھلواڑے نُوں چنگی طرح صاف کرے گا۔ تے اپنی کنک نُوں کوٹھی وِچ جمع کرے گا پر تُوڑی نُوں اوس اَگ نال ساڑ دے گا۔ جیہڑی کدی نئیں بُجھدی۔

مرقس 9:43

تے جے تیرا ہتّھ تینُوں ٹھوکر کھوا وے اوہنوں وَڈّھ سُٹ۔ زِندگی وِچ ٹُنڈا ہو کے وڑنا ایہدے نالوں چَنگا اے۔ پئی دو ہتّھ ہوندیاں تُوں جہنّم دی اوس اَگ وِچ سُٹّیا جائیں جیہڑی بُجھدی نئیں۔

مرقس 9:45

تے جے تیرا پَیر تینُوں ٹھوکر کھوائے اوہنوں وَڈّھ سُٹ۔ زِندگی وِچ لَنگیاں ہو کے وڑنا تیرے لئی ایہدے نالوں چَنگا اے پئی دو پَیر ہوندیاں جہنّم وِچ سُٹّیا جائیں۔

مرقس 9:48

جِتّھے اوہناں دا کِیڑا نئیں مر دا۔ تے اَگ نئیں بُجھدی۔

۲-تھِسّلُنِیکوں 1:9

اوہ خُداوند دے چِہرے تے اوہدی قُدرت دے جلال کولوں دُراڈے ہو کے سدا دی ہلاکت دی سزا پان گے۔

مُکاشفہ 14:10

اوہ خُدا دے قَہر دی اوس خالص مَے نُوں پئے گا۔ جیہڑی اوہدے غضب دے پیالے وِچ بھری ہوئی اے تے پاک فرِشتیاں تے لیلے دے سامھنے اَگ تے گندھک دے عذاب وِچ پَوے گا۔

مُکاشفہ 20:10

تے اوہناں دا بدراہ کرن والا ابلیس اَگ تے گندھک دی اوس جِھیل وِچ سُٹّیا جائے گا۔ جِتّھے اوہ پشُو تے جُھوٹھا نبی وی ہوئے گا۔ تے اوہ دِنے راتِیں ہمیشہ تِیکر عذاب وِچ رہن گے۔

مُکاشفہ 20:15

تے جِس کِسے دا ناں حیاتی دی کتاب وِچ نا لَبّھیا۔ اوہ اَگ دی جِھیل وِچ سُٹّیا گیا۔

مُکاشفہ 21:8

پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔