مرقس 9:32 - پنجابی نواں عہد نامہ نظرثانی شدہ چھپائی

³² پر اوہناں ایہہ گلّ نا سمجھی۔ تے اوہنوں پچُھّن لئی ڈر دے سن۔

مرقس 9:32 ပူးပေါင်းရင်းမြစ်များ

مرقس 16:14

ایدوں پِچّھے اوس یارھاں نُوں جد اوہ کھان بَیٹھے سن وکھالی دِتّی تے اوہناں دی بے یقیِنی تے سخت دِلی دا اُلاہما دِتّا ایس لئی پئی جِنہاں اوہنوں جی اُٹھیا ہویاں ویکھیا سی۔ اوہناں لوکاں دا اوہناں سَچ نا مَنّیا۔

مرقس 7:18

تے اوس اوہناں نُوں آکھیا۔ تُسی وی اجیہے بے سمجھ ہو تُسی نئیں سمجھدے پئی جو کُجھ باہروں بندے دے اندر جاندا اے۔ اوہنوں پلِیت نئیں کر سکدا۔

مرقس 8:33

پر اوس مُنھ پھیر لیا۔ تے اپنے شاگِرداں ولّ ویکھ کے پطرس نُوں جِھڑکیا۔ تے آکھیا۔ اَے شیطان میرے اگّوں دُراڈے ہو جا۔ کیوں جو تُوں خُدا دِیاں گلّاں دا نئیں پر بندیاں دِیاں گلّاں دا دھیان رکھنا ایں۔

مرقس 9:10

تے اوہناں ایس گلّ نُوں آپو وِچ رکھیا۔ تے اِک دُوجے نال چَرچا کر دے سن پئی مُردیاں وِچوں جی اُٹھنا کِیہ اے؟

لُوقا 18:34

پر اوہ اوہناں وِچوں اِک گلّ وی نا سمجھے۔ تے ایہہ گلّ اوہناں توں لُکی رہی تے جیہڑیاں گلّاں آکھیاں گِئیاں سن اوہناں نا سمجھِیاں۔

لُوقا 2:50

تے اوہ اوس گلّ نُوں جیہڑی اوس اوہناں نُوں آکھی سی نا سمجھے۔

لُوقا 24:45

تَد اوس اوہناں دا ذہن کھول دِتّا۔ پئی کِتاباں نُوں سمجھ لین۔

لُوقا 9:45

پر اوہناں ایہہ گلّ نا سمجھی۔ تے اوہ اوہناں توں لُکائی گئی تاں جو اوہ اوہنوں نا بُجھّن۔ تے اوہ اوہنوں ایس گلّ دی بابت پچُھّن توں ڈر دے سن۔

یُوحنّا 12:16

اوہدے شاگِرد پہلاں اوہناں گلّاں نُوں نا سمجھے۔ پر جد یِسُوع اپنے جلال نُوں پہنچ گیا سی۔ تَد اوہناں نُوں یاد آیا پئی ایہہ گلّاں اوہدی بابت لِکھیاں ہویاں سن۔ تے نالے ایہہ پئی اوہناں اوہدے نال ایہہ سلُوک کِیتا سی۔

یُوحنّا 16:19

یِسُوع جان گیا پئی اوہ مَیتھوں پُچھنا چاہندے نیں۔ تَد اوہناں نُوں آکھیا تُسی کِیہ آپو وِچ ایہدی بابت پُچھدے ہو پئی مَیں آکھیا تھوڑے چِر نُوں تُسی مَینُوں فیر نا ویکھو گے تے فیر تھوڑے چِر نُوں تُسی مَینُوں ویکھو گے؟

یُوحنّا 4:27

اینے نُوں اوہدے شاگِرد آگئے تے حَیران ہوئے پئی اوہ عورت نال گلّاں کر دا اے۔ تَد وی کِسے نا آکھیا پئی تُوں کِیہ چاہنا ایں؟ یا تُوں کیوں اوہدے نال گلّاں کرنا ایں؟