مرقس 9:31 - پنجابی نواں عہد نامہ نظرثانی شدہ چھپائی

³¹ ایس لئی پئی اوہ اپنے شاگِرداں نُوں سِکھالدا۔ تے اوہناں نُوں آکھدا سی پئی اِبنِ آدم بندیاں دے ہتّھِیں پھڑوایا جاندا اے۔ تے اوہ اوہنوں مار سُٹّن گے تے مر جان توں تَرے دِن پِچّھوں اوہ فیر جی اُٹھے گا۔

مرقس 9:31 ပူးပေါင်းရင်းမြစ်များ

متّی 16:21

اوس ویلے توں یِسُوع اپنے شاگِرداں نُوں دسن لگّا پئی ضرُور اے۔ پئی مَیں یرُوشلِیم نُوں جاواں تے بزُرگاں تے سردار کاہِناں تے فقِیہاں کولوں بُہت دُکھ جھلّاں تے ماریا جاواں تے ترِیجے دِہاڑے جی اُٹھاں۔

متّی 20:28

جیویں اِبنِ آدم سیوا کران نئیں سگوں سیوا کرن تے بتھیریاں دے تھاں ڈنڈ بھرن نُوں اپنی جان دین آیا اے۔

متّی 26:2

تُسی جان دے اوہ۔ پئی دو دِناں دے پِچّھوں فسح دی عید ہوئے گی تے اِبنِ آدم صلِیب دِتّے جان دے واسطے حوالے کِیتا جاندا اے۔

متّی 27:63

تے آکھن لگّے سانُوں یاد اے۔ پئی اوہ فریبی اپنے جِیوندے جی آکھ گیا سی پئی مَیں تِنّاں دِناں پِچّھوں جی اُٹھاں گا۔

مرقس 10:34

تے اوہ اوہدے نال مخَول کرن گے۔ تے اوہدے اُتّے تُھکن گے۔ تے اوہنوں کولڑے مارن گے۔ تے قتل کرن گے۔ تے تِنّاں دِناں پِچّھوں اوہ فیر جی اُٹھے گا۔

مرقس 8:31

فیر اوہ اوہناں نُوں سکھالن لگّا پئی ضرُور اے۔ پئی اِبنِ آدم بُہت دُکھ جھلّے۔ تے اوہ بزُرگاں تے سردار کاہِناں تے فقِیہاں توں رَدّ کِیتا جائے۔ تے جانوں ماریا جائے۔ تے تِنّاں دِناں پِچّھوں جی اُٹھے۔

مرقس 9:12

تے اوس اوہناں نُوں آکھیا۔ ایلیّاہ تے ٹھیک پہلاں آن کے سبھ کُجھ سُدھار دا اے۔ تے اِبنِ آدم دے حق وِچ کِیویں لِکھیا اے۔ پئی اوہ بڑا دُکھ جھلّے گا تے ناچیز سمجھیا جائے گا۔

لُوقا 24:26

ایہہ گلّ ضرُوری نئیں سی پئی مسِیح ایہناں ساریاں دُکھاں نُوں سہہ کے اپنے جلال وِچ داخل ہوئے؟

لُوقا 9:44

تُسی ایہناں گلّاں نُوں اپنے کنّاں نال سُن چھڈو۔ کیوں جو اِبنِ آدم بندیاں دے ہتّھاں وِچ پھڑوایا جان والا اے۔

یُوحنّا 10:18

کوئی مَیتھوں اوہنوں نئیں کھوندا پر مَیں اوہنوں آپے ای دینا آں۔ میرا اختیار اے پئی اوہنوں دے دیاں تے میرا اختیار اے پئی مُڑ اوہنوں لے لَواں۔ ایہہ حُکم مَینُوں اپنے باپ کولوں مِلیا اے۔

یُوحنّا 2:19

یِسُوع اوہناں نُوں جواب دِتّا۔ ایس ہیکل نُوں ڈھا دیو تے مَیں اوہنوں تِنّاں دِناں وِچ کھلا کراں گا۔

یُوحنّا 3:14

تے جیویں مُوسیٰ نیں سَپّ نُوں بیابان وِچ اُچّا کِیتا اوسے طرح ضرُور اے پئی اِبنِ آدم وی اُچّا کِیتا جائے۔

۲-تِیمُتِھیُس 2:12

جے اسی دُکھ سہاں گے۔ تے اوہدے نال بادشاہی وی کراں گے۔ جے اسی اوہدا اِنکار کراں گے۔ تے اوہ وی ساڈا اِنکار کرے گا۔