مرقس 9:18 - پنجابی نواں عہد نامہ نظرثانی شدہ چھپائی

¹⁸ تے اوہ جِتّھے کِتے اوہنوں پھڑ دی اے اوتھے ای پٹکا دیندی اے۔ تے اوہ جھگ چھڈ دا اے۔ تے دَند پِیہندا اے۔ تے سُکدا جاندا اے۔ تے مَیں تیرے شاگِرداں نُوں آکھیا سی پئی اوہ اوہنوں کڈھ دین۔ تے اوہ اوہنوں کڈھ نا سکے۔

مرقس 9:18 ပူးပေါင်းရင်းမြစ်များ

متّی 15:22

تے ویکھو اِک کِنعانی عورت اوس پاسے ولّوں آ کے چچلا کے آکھن لگّی پئی اَے خُداوند داؤد دے پُتر میرے اُتّے رَحم کر۔ میری دِھی دا بھوت چمبڑن دے سبّب بُرا حال اے۔

متّی 17:16

تے مَیں تیرے شاگِرداں کول اوہنوں لیایا ساں پر اوہ اوہنوں چَنگا نئیں کر سکے۔

متّی 8:12

پر بادشاہی دے فرزند باہر لے ہنیرے وِچ سُٹّے جان گے۔ اوتھے رونا تے کچیچیاں وٹنا ہوئے گا۔

مرقس 11:23

مَیں تُہانوں سَچ آکھنا آں پئی جو کوئی ایس پہاڑ نُوں آکھے پئی اُٹھ تے سمُندر وِچ جا پَو۔ تے اپنے مَن وِچ شک نا لیاوے۔ پر یقِین کرے۔ پئی جو کُجھ آکھنا آں اوہ ہوندا اے سو اوہدے لئی ہوئے گا۔

مرقس 9:17

تے بِھیڑ وِچوں اِک نیں اوہنوں جواب دِتّا۔ اَے اُستاد۔ مَیں اپنے پُتر نُوں تیرے کول لیاندا اے۔ اوہنوں گونگی رُوح چمبڑی ہوئی اے۔

مرقس 9:19

اوس جواب دے کے اوہناں نُوں آکھیا۔ اے بے اعتبار قوم؟ مَیں کد تِیک تُہاڈے نال رہاں گا؟ کد تِیکر تُہاڈی سہاں گا؟ اوہنوں میرے کول لیاؤ۔

مرقس 9:20

تے اوہناں اوہنوں اوہدے کول لیاندا۔ تے جد اوس اوہنوں ویکھیا اونویں رُوح اوہنوں مروڑیا۔ تے اوہ زمین اُتّے ڈِگّا۔ تے جھگ چھڈ کے لیٹن لگّا۔

مرقس 9:26

اوہ چِیک مار کے تے اوہنوں بُہت مروڑ کے اوہدے وِچوں نِکل گئی۔ تے اوہ مُنڈا مُردے وانگُوں ہوگیا۔ ایتھوں تِیکر پئی بتھیریاں آکھیا اوہ مر گیا اے۔

اعمال 7:54

ایہہ گلّاں سُندیاں ای اوہ دِلاں وِچ سڑ گئے تے اوہدے اُتّے کچیچیاں وَٹن لگّے۔

یہُوداہ 1:13

سمُندر دِیاں اکھڑ ٹھاٹھاں نیں جِنہاں توں اپنی بے لہنگی دی جھگ چُھٹ دی اے۔ ایویں بھون والے تارے جِنہاں دے لئی سدا دے ہنیرے دا مُکالا پیا ہویا اے۔