مرقس 9:12 - پنجابی نواں عہد نامہ نظرثانی شدہ چھپائی

¹² تے اوس اوہناں نُوں آکھیا۔ ایلیّاہ تے ٹھیک پہلاں آن کے سبھ کُجھ سُدھار دا اے۔ تے اِبنِ آدم دے حق وِچ کِیویں لِکھیا اے۔ پئی اوہ بڑا دُکھ جھلّے گا تے ناچیز سمجھیا جائے گا۔

مرقس 9:12 ပူးပေါင်းရင်းမြစ်များ

متّی 16:21

اوس ویلے توں یِسُوع اپنے شاگِرداں نُوں دسن لگّا پئی ضرُور اے۔ پئی مَیں یرُوشلِیم نُوں جاواں تے بزُرگاں تے سردار کاہِناں تے فقِیہاں کولوں بُہت دُکھ جھلّاں تے ماریا جاواں تے ترِیجے دِہاڑے جی اُٹھاں۔

متّی 26:24

اِبنِ آدم تے جان دا اے جیویں اوہدے حق وِچ لِکھیا ہویا اے۔ پر ہائے افسوس اوس بندے اُتّے جیہدی راہِیں اِبنِ آدم پھڑوایا جاندا اے۔ اوس بندے لئی بھلا ہوندا جے اوہ نا جمدا۔

مرقس 10:33

پئی ویکھو۔ اسی یرُوشلِیم نُوں جانے آں۔ تے اِبنِ آدم سردار کاہِناں تے فقِیہاں دے حوالے کِیتا جائے گا۔ تے اوہ اوہنوں مار سُٹّن دا حُکم دین گے۔ تے اوہنوں غیر قوماں دے حوالے کرن گے۔

مرقس 9:13

پر مَیں تُہانوں آکھنا آں۔ پئی ایلیّاہ آ وی گیا اے۔ تے نالے جیہا اوہدے حق وِچ لِکھیا گیا اے۔ اوہناں دا جو کُجھ دِل کِیتا سو ای اوہدے نال کِیتا۔

مرقس 9:31

ایس لئی پئی اوہ اپنے شاگِرداں نُوں سِکھالدا۔ تے اوہناں نُوں آکھدا سی پئی اِبنِ آدم بندیاں دے ہتّھِیں پھڑوایا جاندا اے۔ تے اوہ اوہنوں مار سُٹّن گے تے مر جان توں تَرے دِن پِچّھوں اوہ فیر جی اُٹھے گا۔

لُوقا 1:76

تے اَے مُنڈیا تُوں خُدا تعالیٰ دا نبی اکھوائیں گا کیوں جو تُوں خُداوند دے راہ تیار کرن لئی اوہدے اگّے اگّے چلّیں گا۔

لُوقا 23:11

جد ہیرودیس اپنے سپاہیاں سمیت اوہنوں بے عِزّت کِیتا تے ٹھٹّھا ماریا تَد چمکدی پوشاک پا کے اوہنوں مُڑ پِیلاطُس کول گھلّیا۔

لُوقا 23:39

تے جیہڑے بدکار ٹنگے گئے سن اوہناں وِچوں اِک نے اوہنوں مِہنا مار کے آکھیا تُوں مسِیح نئیں ایں؟ تُوں اپنے آپ نُوں تے سانُوں وی بچا۔

اعمال 1:6

سو اوہناں اکٹّھے ہو کے اوہدے کولوں ایہہ پُچھیا۔ پئی اَے خُداوند تُوں ایسے ویلے اِسرائیل نُوں بادشاہی فیر دیویں گا؟

اعمال 4:11

ایہہ اوہو پتّھر اے جِہنُوں تُساں راجاں رَدّ کِیتا اوہ تاں گُٹّھ دا سِرا ہوگیا۔