مرقس 8:34 - پنجابی نواں عہد نامہ نظرثانی شدہ چھپائی

³⁴ تَد اوس بِھیڑ نُوں اپنے شاگِرداں سَنے کول سدّیا تے اوہناں نُوں آکھن لگّا پئی جے کوئی میرے پِچّھے آؤنا چاہے۔ اوہ اپنا اِنکار کرے تے اپنی صلِیب چُک کے میرے مگر ٹُر پئے۔

مرقس 8:34 ပူးပေါင်းရင်းမြစ်များ

متّی 10:38

تے جیہڑا اپنی صلِیب چُک کے میرے مگر نئیں آؤندا اوہ میرے لائق نئیں اے۔

متّی 16:24

تَد یِسُوع نے اپنے شاگِرداں نُوں آکھیا۔ جے کوئی میرے پِچّھے آؤنا چاہے تے اپنے آپ دا اِنکار کرے تے اپنی صلِیب چُک کے میرے مگر ٹُر پئے۔

متّی 27:32

تے جدوں اوہ باہر جاندے سن اوہناں نُوں اِک کُرینی بندہ شمعُون ناں ٹکّریا۔ اوہناں اوہنوں وگاری پھڑیا پئی اوہدی صلِیب چُک کے لے چلّے۔

مرقس 10:21

یِسُوع اوہدے ولّ ویکھ کے اوہنوں پیار کِیتا۔ تے اوہنوں آکھیا تیرے وِچ اِک گلّ دا گھاٹا اے۔ جا۔ تے جو کُجھ تیرا اے۔ ویچ تے غرِیباں نُوں دے۔ تے تینُوں اسمان وِچ خزانہ مِلے گا۔ تے آ۔ میرے پِچّھے ٹُر پَو۔

مرقس 7:14

تے اوس لوکاں نُوں فیر کول سَدّ کے آکھیا۔ تُسی سارے میری سُنو تے سمجھو۔

لُوقا 13:24

دِلوں کوشش کرو۔ پئی بِھیڑے بُوہے توں وڑو۔ کیوں جو مَیں تُہانوں آکھناں آں۔ پئی بتھیرے وڑنا چاہن گے پر وڑ نا سکن گے۔

لُوقا 14:33

سو ایسے طرح تُہاڈے وِچوں بھانویں کوئی ہوئے جیہڑا اپنا سبھو کُجھ چھڈ نا دے اوہ میرا شاگِرد نئیں ہو سکدا۔

لُوقا 18:22

یِسُوع سُن کے اوہنوں آکھیا۔ تے وی اجے تیرے وِچ اِک گلّ دی کسر اے۔ اپنا سبھ کُجھ ویچ تے غرِیباں نُوں دے دے تے تینُوں اسمان وِچ خزانہ مِلے گا۔ تے آ کے میرے مگر ٹُر پَو۔

لُوقا 20:45

تَد سارے لوکاں دے سُندیاں اوس اپنے شاگِرداں نُوں آکھیا۔

لُوقا 9:23

تے اوس ساریاں نُوں آکھیا جے کوئی چاہے۔ پئی میرے مگر آئے تے اپنے آپ دا اِنکار کرے۔ تے نِت دِہاڑے اپنی صلِیب چُک کے میرے مگر لگ پئے۔

یُوحنّا 10:27

میرِیاں بھیڈاں میری اواز سُندیاں نیں تے مَیں اوہناں نُوں جاننا آں تے اوہ میرے مگر ٹُر دِیاں نیں۔

یُوحنّا 19:17

تَد اوہ یِسُوع نُوں لے گئے۔ تے اوہ اپنی صلِیب چُک کے شہروں باہر اوس تھاں نُوں جِہنُوں کھوپڑی دی جگہ تے عِبرانی بولی وِچ گُلگُتا آکھدے نیں گیا۔

اعمال 14:22

تے شاگِرداں دے دِلاں نُوں تگڑیاں کر دے سن تے نصِیحت دیندے سن۔ پئی اِیمان اُتّے قیم رہو۔ تے آکھیا پئی ایہہ ضرُور اے۔ پئی بُہت مُصِیبتاں سہہ کے اسی خُدا دی بادشاہی وِچ داخل ہو جائیے۔

رُومِیوں 6:6

ایہہ جان کے پئی ساڈی پرانی اِنسانِیّت اوہدے نال صلِیب دِتّی گئی۔ تاں جو گُنہگار بدن رَدّ کِیتا جائے تے اگّے نُوں اسی گُناہ دی غلامی نا کریئے۔

رُومِیوں 8:17

تے جد بچّے ہوئے تے وارث وی یعنی وارث خُدا دے۔ تے وِرثے وِچ مسِیح نال شریک ایس شرط اُتّے پئی اسی اوہدے نال دُکھ وِچ بھوگِیئے پئی اوہدے نال سانُوں وی جلال لَبھّے۔

۱-کُرِنتھِیوں 15:31

بھراؤ! مَینُوں اوس مان دی سَونہہ جیہڑا خُداوند یِسُوع مسِیح وِچ تُہاڈے اُتّے اے۔ مَیں روز دِہاڑی مرنا آں۔

۱-کُرِنتھِیوں 8:13

ایس لئی جے کھانا میرے بھرا نُوں ٹھوکر کھواوے تے مَیں کدی وی ماس نا کھاں گا۔ تاں جو اپنے بھرا دے ٹھوکر کھان دا سبّب نا ہوواں۔

۱-کُرِنتھِیوں 9:19

بھانویں مَیں ساریاں لوکاں توں اَزاد آں تَد وی مَیں اپنے آپ نُوں سبھناں دا غلام بنا دِتّا اے۔ تاں جو ہور وی وَدّھ لوکاں نُوں کھِچّ لیاواں۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

گلتِیوں 5:24

تے جیہڑے مسِیح یِسُوع دے نیں۔ اوہناں جِسم نُوں اوہدیاں چاہواں تے خواہشاں سَنے سُولی چاڑھ دِتّا اے۔

گلتِیوں 6:14

پر خُدا نا کرے۔ پئی مَیں کِسے شے اُتّے فخر کراں۔ بِناں اپنے خُداوند یِسُوع مسِیح دی صلِیب دے جِہدے توں دُنیا میرے ولّوں صلِیب دِتّی گئی۔ تے مَیں دُنیا دے ولّوں۔

فِلِپّیوں 3:10

تے مَیں اوہنوں تے اوہدے جِیو اُٹھن دی قُدرت نُوں تے اوہدے نال دُکھاں وِچ شریک ہون نُوں معلُوم کراں۔ تے اوہدی مَوت ورگا ہو جاواں۔

فِلِپّیوں 3:7

پر جِنّیاں شیواں میرے نفع دِیاں سن اوہناں نُوں مَیں مسِیح دی خاطر گھاٹا سمجھیا۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

کُلُسِّیوں 3:5

سو اپنے اوہناں انگاں نُوں مار چھڈو۔ جیہڑے زمین اُتّے نیں۔ یعنی زنا تے پلِیتی۔ شہوت تے بُری خواہش تے لالچ نُوں جیہڑا بُت پرستی دے برابر اے۔

۲-تھِسّلُنِیکوں 3:11

کیوں جو اسی سُننے آں۔ پئی تُہاڈے وِچوں بعضے بے قاعدہ ٹُردے نیں تے کوئی کمّ نئیں کر دے۔ سگوں ہورناں دے کمّ وِچ ہتّھ پاندے نیں۔

طِطُس 2:12

تے سانُوں سِکھاؤندا اے۔ پئی بیدینی تے دُنیاوی خواہشاں نُوں چھڈ کے ایس جہان وِچ پرہیز تے نیکی تے دِینداری نال زِندگی کٹیئے۔

عِبرانیوں 13:13

ایس لئی آؤ اسی اوہدی بے عِزّتی سہہ کے ڈیریوں باہر اوہدے کول چلّئے۔

۱-پطرس 4:1

جد مسِیح ساڈے واسطے جِسم دا دُکھ چُکیا۔ تے تُسی وی اوسے طبیعت دے ہتّھیار بنو۔ کیوں جو جِس جِسم دا دُکھ چُکیا اوس گُناہ توں خلاصی پائی اے۔

۱-پطرس 4:13

سگوں تُسی خُوشی کرو۔ پئی تُسی مسِیح دیاں دُکھاں وِچ سنگی اوہ۔ تاں جو اوہدے جلال دے ظاہر ہون دے ویلے بے انت خُوشی کرو۔

۲-پطرس 1:14

کیوں جو ساڈے خُداوند یِسُوع مسِیح دے دسن نال مَینُوں پتا اے پئی میرے تنبُو دے ڈَھے جان دا ویلا چھیتی آؤن والا اے۔

۱-یُوحنّا 3:16

اساں مُحبّت نُوں ایتھوں ای پہچانیا اے۔ پئی اوس ساڈے لئی جان دے دِتّی تے سانُوں وی بھرا نُوں لئی جان دینی چاہیدی اے۔

مُکاشفہ 2:10

جیہڑے دُکھ تینُوں جَھلّنے پَین گے۔ اوہناں توں نا ڈر۔ ویکھو ابلیس تُہاڈے وِچوں کُجھ نُوں قید وِچ پان نُوں تیار اے۔ پئی تُسی ازمائے جاؤ تے دَس دِناں تِیکر مُصِیبت پاؤ گے۔ جان دین تِیکر وی وفادار رہو تے مَیں تینُوں زِندگی دا تاج دیاں گا۔