مرقس 8:17 - پنجابی نواں عہد نامہ نظرثانی شدہ چھپائی

¹⁷ یِسُوع ایہہ جان کے اوہناں نُوں آکھیا۔ تُسی کیوں چَرچا کر دے اوہ۔ پئی ساڈے کول روٹی نئیں؟

مرقس 8:17 ပူးပေါင်းရင်းမြစ်များ

متّی 12:15

تے یِسُوع ایہہ سمجھ کے اوتھوں ٹُر گیا۔ تے بتھیرے لوک اوہدے مگر ٹُر پئے۔ تے اوس اوہناں سبھناں نُوں ولّ کِیتا۔

متّی 15:17

تُہانوں ایہہ معلُوم نئیں پئی سبھ کُجھ جو مُنھ وِچ جاندا اے سو ڈِھڈ وِچ پَیندا تے رُوڑی اُتّے سُٹّیا جاندا اے؟

متّی 16:7

تے اوہ آپو وِچ وچار کر کے آکھن لگّے اسی روٹی جو نئیں لیائے۔

مرقس 16:14

ایدوں پِچّھے اوس یارھاں نُوں جد اوہ کھان بَیٹھے سن وکھالی دِتّی تے اوہناں دی بے یقیِنی تے سخت دِلی دا اُلاہما دِتّا ایس لئی پئی جِنہاں اوہنوں جی اُٹھیا ہویاں ویکھیا سی۔ اوہناں لوکاں دا اوہناں سَچ نا مَنّیا۔

مرقس 2:8

تے اوسے ویلے یِسُوع اپنے رُوح نال معلُوم کر کے پئی اوہ اپنے مَناں وِچ ایویں وچار کر دے نیں۔ اوہناں نُوں آکھیا۔ تُسی کاہِنُوں اپنے دِل وِچ اجیہا وچار کر دے اوہ؟

مرقس 3:5

تَد اوس اوہناں دی سخت دِلی دے سبّب اُداس ہو کے غُصّے دی نظر نال اوہناں ولّ ویکھیا تے اوس بندے نُوں آکھیا اپنا ہتّھ وَدّھا۔ تے اوس وَدھایا تے اوہدا ہتّھ ٹھیک ہوگیا۔

مرقس 6:52

ایس لئی پئی اوہناں نیں اوہناں روٹِیاں دی گلّ نئیں سی سمجھی پر اوہناں دے دِل سُنّ ہوئے ہوئے سن۔

مرقس 8:16

تَد اوہ آپو وِچ چَرچا کر کے آکھن لگّے۔ ساڈے کول روٹی جو نئیں اے۔

لُوقا 24:25

تَد اوس اوہناں نُوں آکھیا۔ اَے بے عقلو نبیاں دِیاں گلّاں نُوں مَنّن وِچ سُست دِلو۔

یُوحنّا 16:30

ہُن اسی جاننے آں پئی تُوں سبھ کُجھ جاننا ایں تے تینُوں لوڑ نئیں پئی کوئی تَیتھوں پُچھے۔ ایس گلّ توں سانُوں یقِین آؤندا اے پئی تُوں خُدا توں نِکلیا ایں۔

یُوحنّا 21:17

اوس اوہنوں ترِیجی وار آکھیا اَے شمعُون یُوحنّا دے پُتر تُوں مَینُوں پیار کرنا ایں؟ ایس گلّے پئی اوس ترِیجی وار اوہنوں آکھیا تُوں مَینُوں پیار کرنا ایں؟ پطرس اُداس ہویا تے اوہنوں آکھیا اَے خُداوند تُوں ای سبھ کُجھ جاننا ایں تینُوں معلُوم اے پئی مَیں تینُوں پیار کرنا آں۔ یِسُوع اوہنوں آکھیا میرِیاں بھیڈاں نُوں چار۔

مُکاشفہ 2:23

تے اوہدے پُتراں نُوں جانوں ماراں گا۔ تے سارِیاں کلِیسیاواں نُوں پتا لگّے گا۔ پئی گُردیاں تے دِلاں دا جانن والا مَیں آں۔ تے مَیں تُہاڈے وِچوں ہر اِک نُوں اوہدیاں کمّاں دے سببّوں بدلہ دیاں گا۔