مرقس 8:12 - پنجابی نواں عہد نامہ نظرثانی شدہ چھپائی

¹² تے اوس اپنے دِلوں ہَوکا بھرکے آکھیا۔ ایس زمانے دے لوک کیوں نِشان منگدے نیں۔ مَیں تُہانوں سَچ آکھنا آں۔ پئی ایس زمانے دے لوکاں نُوں کوئی نِشان دِتّا نا جائے گا۔

مرقس 8:12 ပူးပေါင်းရင်းမြစ်များ

متّی 12:38

تَد بعضیاں فقِیہاں تے فرِیسیاں اوہنوں جواب دے کے آکھیا اَے اُستاد اسی تَیتھوں کوئی نِشان ویکھنا چاہنے آں۔

متّی 16:4

بُرے تے زناکار لوک نِشان لبّھدے نیں۔ پر ایہناں نُوں یُوناہ دے نِشان دے سِوا کوئی نِشان دِتّا نا جائے گا تے اوہ اوہناں نُوں چھڈ کے ٹُرگیا۔

مرقس 3:5

تَد اوس اوہناں دی سخت دِلی دے سبّب اُداس ہو کے غُصّے دی نظر نال اوہناں ولّ ویکھیا تے اوس بندے نُوں آکھیا اپنا ہتّھ وَدّھا۔ تے اوس وَدھایا تے اوہدا ہتّھ ٹھیک ہوگیا۔

مرقس 6:6

تے اوس اوہناں دی بے اِیمانی اُتّے تعجُّب کِیتا۔ تے آلے دوالے دے پِنڈاں وِچ اوہ تعلِیم دیندا پِھریا۔

مرقس 7:34

تے اسمان ولّ ویکھ کے ہَوکا بھریا۔ تے اوہنوں آکھیا۔ اِفّتّح یعنی کُھل جا۔

مرقس 8:13

تے اوہناں نُوں چھڈ کے فیر بیڑی اُتّے چڑھیا۔ تے پار ٹُر گیا۔

مرقس 9:19

اوس جواب دے کے اوہناں نُوں آکھیا۔ اے بے اعتبار قوم؟ مَیں کد تِیک تُہاڈے نال رہاں گا؟ کد تِیکر تُہاڈی سہاں گا؟ اوہنوں میرے کول لیاؤ۔

لُوقا 19:41

تے جد اوہ نیڑے آیا۔ تے شہر نُوں ویکھ کے اوہدے اُتّے رویا۔