مرقس 6:34 - پنجابی نواں عہد نامہ نظرثانی شدہ چھپائی

³⁴ تے یِسُوع بڑی خلقت ویکھی۔ تے اوہنوں اوہناں اُتّے ترس آیا۔ کیوں جو اوہ بھیڈاں وانگُوں سن۔ جِنہاں دا ایّالی نا ہوئے۔ تے اوس اوہناں نُوں بتھیریاں گلّاں سِکھانِیاں شُروع کِیتیاں۔

مرقس 6:34 ပူးပေါင်းရင်းမြစ်များ

متّی 14:14

تے اگانہہ نِکل کے اوس بڑی بِھیڑ ویکھی۔ تے اوہناں اُتّے ترس کھادا تے اوہناں دے روگِیاں نُوں چَنگا کِیتا۔

متّی 15:32

تَد یِسُوع اپنے شاگِرداں نُوں اپنے کول سَدّ کے آکھیا مَینُوں لوکاں اُتّے ترس آؤندا اے کیوں جو اوہ تِنّاں دِناں توں میرے نال نیں۔ تے اوہناں دے کول کھان نُوں کُجھ نئیں تے مَیں اوہناں نُوں بُھکھیاں ٹورنا نئیں چاہندا۔ کِتے اجیہا نا ہوئے پئی رہ وِچ ای ماندے پَے جان۔

متّی 9:36

تے بِھیڑ نُوں ویکھ کے اوہنوں اوہناں اُتّے ترس آیا کیوں جو اوہ اوہناں بھیڈاں وانگر اَوکھیاں تے کھِنڈیاں ہویاں سن جِنہاں دا ایّالی نا ہوئے۔

مرقس 6:33

پر لوکاں اوہناں نُوں جاندِیاں ویکھیا۔ تے بتھیریاں سنجھان لیا۔ تے سارے شہراں توں پَیدل اودھر نُوں اکٹّھے دَوڑے۔ تے اوہناں توں اگّے اَپڑے۔

مرقس 6:35

تے جد دِن بُہت ڈھل گیا۔ اوہدے شاگِرداں نیں اوہدے کول آ کے آکھیا ایہہ تھاں اُجاڑ اے۔ تے ہُن کویلا ہوگیا اے۔

مرقس 8:1

اوہناں دِناں وِچ جدوں فیر وڈّی بِھیڑ اکٹّھی ہوگئی۔ تے اوہناں کول کھان نُوں کُجھ نئیں سی۔ تے اوس اپنے شاگِرداں نُوں کول سَدّ کے اوہناں نُوں آکھیا۔

مرقس 8:2

مَینُوں لوکاں اُتّے ترس آؤندا اے۔ کیوں جو ہُن تَرے دِن ہوئے نیں پئی اوہ میرے نال رہے نیں۔ تے اوہناں کول کُجھ کھان نُوں نئیں اے۔

لُوقا 9:11

ایہہ معلُوم کر کے بڑی خلقت اوہدے مگر ٹُری تے اوس اوہناں نُوں خُوشی نال قبول کِیتا۔ تے اوہناں نال خُدا دی بادشاہی دِیاں گلّاں کِیتیاں۔ تے جِنہاں نُوں تگڑے ہون دی لوڑ سی۔ اوہناں نُوں چَنگا کِیتا۔

عِبرانیوں 2:17

سو اوہنوں سارِیاں گلّاں وِچ اپنے بھراواں وانگر ضرُور بننا پیا۔ تاں جو ایہناں گلّاں وِچ جیہڑیاں خُدا نال تعلق رکھدیاں نیں۔ اوہ رَحم دِل تے دیانتدار سردار کاہِن بنے تے اُمّت دے گُناہاں دا کفّارہ دے۔

عِبرانیوں 4:15

کیوں جو ساڈا اجیہا سردار کاہِن نئیں جیہڑا ساڈیاں کمزوریاں وِچ ساڈا دردی نا ہوسکے سگوں سارِیاں گلّاں وِچ ساڈے وانگر ازمایا گیا۔ تَد وی بے گُناہ رہیا۔