مرقس 6:11 - پنجابی نواں عہد نامہ نظرثانی شدہ چھپائی

¹¹ تے جِتّھے کِتّھے تُہانوں رہن نا دین۔ تے لوک تُہاڈی نا سُنن تے اوتھوں نِکلدیاں اپنے پیراں دا گھٹّا جھاڑ سُٹّو۔ پئی اوہناں اُتّے گواہی ہوئے۔

مرقس 6:11 ပူးပေါင်းရင်းမြစ်များ

متّی 12:36

پر مَیں تُہانوں آکھنا آں پئی ہر اِک وادھی گلّ جیہڑی لوکی بولن گے عدالت دے دِن اوہ اوہدا حِساب دین گے۔

مرقس 6:10

تے اوس اوہناں نُوں آکھیا پئی جِتّھے تُسی کِسے گھر وِچ جاؤ۔ اوتھے ای ٹِکو۔ جِنّاں چِر اوتھوں نا ٹُر پَو۔

لُوقا 9:5

تے جیہڑے تُہانوں نا قبولن اوس شہروں باہر جاندِیاں اپنے پیراں دا گھٹّا اوہناں اُتّے گواہی لئی جھاڑ دیو۔

اعمال 18:6

تے جد اوہ مخالفت کرن تے کُفر بکن لگّے۔ تے اوس اپنے کپڑے پھاڑ کے اوہناں نُوں آکھیا۔ تُہاڈا خُون تُہاڈے سِر اُتّے ہوئے میرے ذِمّے نئیں رہیا۔ ایدوں اگّے غیر قوماں ولّ جاواں گا۔

رُومِیوں 2:16

اوس دِن جد خُدا میری خُوشخبری دے سببّوں یِسُوع مسِیح دی راہِیں بندیاں دِیاں لُکِیاں ہویاں گلّاں دا انصاف کرے گا۔

رُومِیوں 2:5

سگوں تُوں اپنے ڈاہڈے تے نا تَوبہ کرن والے دِل دے سببّوں اوس دِن لئی جِہدے وِچ قَہر تے خُدا دی سَچّی عدالت ظاہر ہوئے گی۔ اپنے لئی قَہر اکٹّھا کرنا ایں۔

۲-پطرس 2:6

تے سدُوم تے عمُورہ دے شہراں نُوں خاک سیاہ کر دِتّا۔ تے اوہناں نُوں ہلاکت دی سزا دِتّی تے آؤن والے زمانے دے بے دِیناں لئی اِک مِثال قیم کر دِتّی۔

۲-پطرس 2:9

تے خُداوند دِینداراں نُوں ازمایش وِچوں کڈھ لینا تے بدکاراں نُوں عدالت دے دِن تِیکر سزا وِچ رکھنا جان دا اے۔

۲-پطرس 3:7

سگوں ایس ویلے دے اسمان تے زمین اوسے کلام دی راہِیں ایس لئی رکھّے ہوئے نیں پئی ساڑے جان تے اوہ بے دِین بندیاں دی عدالت تے ہلاکت دے دِن تِیکر سانبھے رہن گے۔

۱-یُوحنّا 4:17

ایس کر کے مُحبّت ساڈے وِچ پُوری ہوندی اے۔ پئی سانُوں عدالت دے دِن حَوصلہ ہوئے۔ کیوں جو جِہیا اوہ اے۔ تہے دُنیا وِچ اسی وی آں۔

یہُوداہ 1:7

ایسے طرح سدُوم تے عمُورہ تے اوہناں دے آلے دوالے دے شہر جیہڑے اوہناں وانگر حرامکاری وِچ پَے گئے تے پرائے جِسم مگر لگ پئے۔ سدا دی اَگ دی سزا جَھل کے اِک مِثال بنے۔