مرقس 5:13 - پنجابی نواں عہد نامہ نظرثانی شدہ چھپائی

¹³ تے اوس اوہناں نُوں جان دِتّا۔ تے پلِیت رُوحاں نِکل کے سُؤراں وِچ وڑگیّاں۔ تے اِجّڑ کھڈ اُتّوں سِر توڑ بھج کے سمُندر وِچ جا ڈِگّیا۔ اوہ گنتری وِچ دو ہزار سن۔ تے اوہ سمُندر وِچ ڈُب موئے۔

مرقس 5:13 ပူးပေါင်းရင်းမြစ်များ

متّی 7:6

پاک شے کُتّیاں نُوں نا دیو تے نا اپنیاں موتِیاں نُوں سُؤراں اگّے سُٹّو۔ اجیہا نا ہوئے پئی اوہ اوہناں نُوں پیراں ہیٹھ لتاڑن تے مُڑ کے تُہانوں پاڑ سُٹّن۔

متّی 8:32

تے اوس اوہناں نُوں آکھیا جاؤ۔ تے اوہ نِکل کے سُؤراں وِچ جاوڑیاں۔ تے ویکھو سارا اِجّڑ ڈھائے اُتّوں سمُندر وِچ سِر توڑ بھجیا تے پانی وِچ ڈُب مریا۔

مرقس 5:12

تے اوہناں اوہدی مِنّت کر کے آکھیا۔ پئی سانُوں سُؤراں دے وِچ گھل دے پئی اسی اوہناں دے وِچ جاوَڑیئے۔

مرقس 5:14

تے اوہناں دے چارن والیاں نَسّ کے شہر تے پِنڈاں وِچ خبر دِتّی۔ تے لوک ویکھن آئے۔ پئی کِیہ کِیہ ہویا۔

یُوحنّا 8:44

تُسی اپنے پئیو ابلیس توں ہو تے اپنے پئیو دِیاں خواہشاں نُوں پُورا کرنا چاہندے اوہ۔ اوہ مُڈھوں ای خُونی سی تے سچیائی اُتّے کھلوتا نا رہیا کیوں جو اوہدے وِچ سچیائی اے نئیں۔ جدوں اوہ جُھوٹھ بولدا اے اوہ اپنے ای ولّوں بولدا اے کیوں جو اوہ جُھوٹھا اے تے جُھوٹھ دا پئیو اے۔

۱-پطرس 3:22

اوہ اسمان اُتّے جا کے خُدا دے سَجّے پاسے بَیٹھا ہویا اے تے فرِشتے تے اختیار تے قُدرتاں اوہدے تابعیاں کِیتیاں گِئیاں نیں۔

مُکاشفہ 20:7

تے جد ہزار ورھے مُک جان گے تے شیطان قید وِچوں چھڈیا جائے گا۔

مُکاشفہ 9:11

اتھاہ کھڈے دا فرِشتہ اوہناں اُتّے بادشاہ سی اوہدا ناں عِبرانی وِچ ابدّون تے یُونانی وِچ اپُلّیون اے۔