مرقس 4:20 - پنجابی نواں عہد نامہ نظرثانی شدہ چھپائی

²⁰ تے جیہڑے چنگی زمین وِچ بِیجے گئے سن۔ سو اوہ لوک نیں جیہڑے کلام نُوں سُندے۔ تے قبول کر دے۔ تے پَھل لیاؤندے نیں۔ کُجھ تَرِیہہ گُنا۔ کُجھ سَٹّھ گُنا۔ کُجھ سَو گُنا۔

مرقس 4:20 ပူးပေါင်းရင်းမြစ်များ

متّی 13:23

تے اوہ جیہڑا چنگی زمین وِچ بِیجیا گیا سو اوہ اے جیہڑا کلام سُندا تے سمجھدا اے اوہ ضرُور پَھل لیاؤندا اے۔ تے پَیداواری دیندا اے۔ کوئی سَو گُنا کوئی سَٹّھ گُنا۔ کوئی تَرِیہہ گُنا۔

متّی 13:8

تے ہور کُجھ چنگی زمین اُتّے ڈِگّے تے پَھل دِتّا۔ کُجھ سَو گُنا کُجھ سَٹّھ گُنا۔ کُجھ تَرِیہہ گُنا۔

مرقس 4:8

تے ہور کُجھ چنگی زمین وِچ کِریا۔ تے اُگیا تے وَدّھ کے پَھلیا کُجھ تَرِیہہ گُنا۔ کُجھ سَٹّھ گُنا۔ کُجھ سَو گُنا۔

لُوقا 8:15

پر چنگی زمین والے اوہ نیں جیہڑے چنگے تے کھرے دِل نال جد سُن لَیندے نیں تے کلام نُوں سانبھی رکھ دے۔ تے صبر نال پَھل لاؤندے نیں۔

یُوحنّا 15:16

تُساں مَینُوں نئیں چُنیا پر مَیں تُہانوں چُنیا تے تُہانوں مُقرّر کِیتا۔ پئی تُسی جاؤ تے پَھل لیاؤ تے تُہاڈا پَھل قیم رہے تاں جو تُسی باپ کولوں میرے ناں اُتّے جو کُجھ منگو گے اوہ تُہانوں دیوے۔

یُوحنّا 15:2

جیہڑی ٹہنی میرے وِچ ہو کے پَھل نئیں لیاؤندی اوہنوں اوہ وَڈّھ دیندا اے۔ تے جیہڑی پَھل لیاؤندی اے اوہنوں اوہ صاف کر دا اے۔ تاں جو اوہ ہور وی پَھل لیاوے۔

رُومِیوں 7:4

سو میرے بھراؤ! تُسی مسِیح دے بدن دی راہِیں شریعت ولّوں ایس کر کے مر گئے اوہ۔ پئی تُسی دُوجے دے جیہڑا مُردیاں وِچوں جوالیا گیا۔ ہو جاؤ۔ تاں جو اسی خُدا دے لئی پَھل لیاوے۔

فِلِپّیوں 1:11

تے راستبازی دے پَھل نال جیہڑا مسِیح یِسُوع دے سببّوں اے بھرے رہو۔ تاں جو خُدا دا جلال تے وڈیائی ہوئے۔

کُلُسِّیوں 1:10

تاں جو تُہاڈا چال چَلّن خُدا دے لائق ہوئے تے تُسی اوہنوں سارِیاں گلّاں وِچ خُوش کرو۔ تے تُہاڈے ساریاں نیک کمّاں وِچ پَھل لگّے۔ تے تُسی خُدا دی پچھان وِچ وَدھدے جاؤ۔

۱-تھِسّلُنِیکوں 4:1

باقی بھراؤ! اسی تُہاڈی مِنّت کرنے آں تے خُداوند یِسُوع مسِیح وِچ تُہانوں ایہہ نصِیحت کرنے آں۔ پئی جیویں تُساں ساڈے کولوں سِکھیا۔ پئی جیویں ٹُرناں تے خُدا نُوں خُوش کرنا چاہیدا اے تے جیویں تُسی ٹُر دے وی ہو اوسے طرح وَدھدے جاؤ۔

۲-پطرس 1:8

کیوں جو جے ایہہ گلّاں تُہاڈے وِچ ہون تے وَدّھ دِیاں جان تے ساڈے خُداوند یِسُوع مسِیح دے پچھانن وِچ تُہانوں بیکار تے بے پَھل نا ہون دین گِئیاں۔