مرقس 3:5 - پنجابی نواں عہد نامہ نظرثانی شدہ چھپائی

⁵ تَد اوس اوہناں دی سخت دِلی دے سبّب اُداس ہو کے غُصّے دی نظر نال اوہناں ولّ ویکھیا تے اوس بندے نُوں آکھیا اپنا ہتّھ وَدّھا۔ تے اوس وَدھایا تے اوہدا ہتّھ ٹھیک ہوگیا۔

مرقس 3:5 ပူးပေါင်းရင်းမြစ်များ

متّی 12:13

تَد اوہ اوس بندے نُوں آکھن لگّا اپنا ہتّھ وَدّھا۔ تے اوس وَدھایا تے اوہ دُوجے وانگر فیر چَنگا ہوگیا۔

مرقس 3:4

تَد اوس اوہناں نُوں آکھیا۔ سبت دے دِن بھلے کمّ کرنے روا نیں یا بُرے کمّ؟ جان بچانی یا جان مارنی؟ پر اوہ چُپ ای رہے

لُوقا 13:15

خُداوند نے اوہنوں جواب وِچ آکھیا۔ اَے مکّارو! تُہاڈے وِچوں ہر کوئی سبت دے دِن اپنے ڈھگّے یا کھوتے نُوں کُھرلیوں نئیں کھولدا تے پانی ڈاہن نُوں نئیں لے جاندا؟

لُوقا 17:14

تے اوس ویکھ کے اوہناں نُوں آکھیا۔ جاؤ جا کے اپنا آپ کاہِناں نُوں وکھاؤ۔ تے اجیہا ہویا پئی اوہ جاندے ہوئے پاک صاف ہوگئے۔

لُوقا 6:10

تے اوہناں ساریاں ولّ چَوفیرے ویکھ کے اوہنوں آکھیا اپنا ہتّھ وَدّھا۔ اوس وَدھایا تے اوہدا ہتّھ ٹھیک ہوگیا۔

یُوحنّا 9:7

تے اوہنوں آکھیا جا شِیلوخ دے حوض وِچ (جِہدا مطلب گھلّیا ہویا اے) نہا۔ تَد اوہ جا کے نہاتا تے سُجاکھا ہو کے آیا۔

رُومِیوں 11:25

بھراؤ کِتے اجیہا نا ہوئے پئی تُسی اپنے آپ نُوں سِیانے سمجھو۔ مَیں نئیں چاہندا۔ پئی تُسی ایس بھید توں ناواقِف رہو۔ پئی اِسرائیل دے اِک حِصّے اُتّے۔ جد تِیکر غیر قوماں دی بھرتی پُوری نا ہوئے۔ سخت دِلی آگئی اے۔

۲-کُرِنتھِیوں 3:14

پر اوہناں دے دِل سخت ہوگئے۔ کیوں جو اَج توڑی پرانے عہد نامے نُوں پڑھدیاں اوہناں دے دِلاں اُتّے اوہو پردہ پیا رہندا اے۔ تے اوہ مسِیح وِچ اُٹھایا جاندا اے۔

اِفسِیوں 4:18

کیوں جو اوہناں دی عقل اَنھی ہوگئی۔ تے اوہ اوس نادانی دے سببّوں جیہڑی اوہناں وِچ اے۔ تے اپنے دِلاں دی سختی دے سببّوں خُدا دی زِندگی توں خارج نیں۔

اِفسِیوں 4:26

غُصّے تے ہوؤ پر گُناہ نا کرو۔ دِن ڈُبن تِیکر تُہاڈی خفگی نا رہے۔

اِفسِیوں 4:30

تے خُدا دے پاک رُوح نُوں نا کلپاؤ جِہدی ساڈے اُتّے چُھٹکارے دے دِن لئی مُہر لگّی ہوئی اے۔

عِبرانیوں 3:10

ایسے لئی مَیں اوس پِیڑھی نال ناراض ہویا تے آکھیا پئی اوہناں دے دِل سدا بدراہ ہوندے رہندے نیں تے اوہناں میرِیاں راہاں نُوں نئیں پِچھانیا۔

عِبرانیوں 3:17

تے اوہ کِنّاں نال چالی ورھے ناراض رہیا؟ اوہناں نال نئیں جِنہاں گُناہ کِیتا؟ تے اوہناں دِیاں مَیتّاں بیابان وِچ پیّاں رہیاں؟

عِبرانیوں 5:9

تے کامِل بن کے اوہناں لئی جیہڑے اوہدے آکھے لگدے نیں سدا دی نجات دا سبّب ہویا۔

مُکاشفہ 6:16

تے پہاڑاں تے چٹاناں نُوں آکھن لگّے پئی ساڈے اُتّے ڈِگّ پَوو تے سانُوں اوہدی نظر توں جیہڑا تخت اُتّے بَیٹھا ہویا اے تے لیلے دے غضب توں لُکا لوؤ۔