مرقس 2:12 - پنجابی نواں عہد نامہ نظرثانی شدہ چھپائی

¹² تے اوہ اُٹھیا تے مَنجی چھیتی نال چُک کے اوہناں سبھناں دے سامھنے نِکل گیا۔ تَد سارے حَیران ہوگئے۔ تے خُدا دی وڈیائی کر کے آکھن لگّے پئی اساں ایس طرح دی گلّ کدی نئیں ویکھی۔

مرقس 2:12 ပူးပေါင်းရင်းမြစ်များ

متّی 12:23

تے ساریاں لوکاں تعجُّب کر کے آکھیا! ایہہ داؤد دا پُتر نئیں؟

متّی 15:31

ایتھوں توڑی پئی لوک ویکھ کے حَیران ہوگئے۔ پئی گُونگے بولدے نیں۔ ٹُنڈے چنگے ہوندے نیں۔ تے لنگے ٹُردے پِھردے نیں۔ تے اَنھے سُجاکھے ہو جاندے نیں۔ تے اوہناں اِسرائیل دے خُدا دی وڈیائی کِیتی۔

متّی 9:33

تے جد بدرُوح کڈھی گئی تَد گُنگا گلّاں کرن لگ پیا۔ تے بِھیڑ حَیران ہو کے آکھن لگّی۔ پئی اجیہی گلّ اِسرائیل وِچ کدی نئیں سی ویکھی گئی۔

متّی 9:8

تے لوک ویکھ کے ڈر گئے تے خُدا دی وڈیائی کِیتی پئی اوس اجیہا اختیار بندیاں نُوں دِتّا۔

مرقس 1:27

تے سارے لوک اَیڈے حَیران ہوئے پئی آپو وِچ چَرچا کرن لگّے پئی ایہہ کِیہ اے؟ اِک نَوِیں تعلِیم اے! پئی اوہ پلِیت رُوحاں نُوں وی اختیار نال حُکم کر دا اے۔ تے اوہ اوہنوں مَن لَیندیاں نیں۔

مرقس 2:11

مَیں تینُوں آکھنا آں۔ اُٹھ اپنی مَنجی چُک کے اپنے گھر نُوں ٹُر جا۔

لُوقا 13:13

تے اپنے ہتّھ اوہدے اُتّے رکھّے۔ تے اوسے ویلے اوہ سِدّھی ہوگئی۔ تے خُدا دی وڈیائی کرن لگّی۔

لُوقا 17:15

تے اوہناں وِچوں جد اِک نُوں معلُوم ہویا۔ پئی مَیں ولّ ہوگیا آں تَد بڑی اواز نال خُدا دی وڈیائی کر دا ہویا مُڑیا۔

لُوقا 5:26

تَد اوہ سارے بڑے حَیران ہوئے تے خُدا دی وڈیائی کرن لگّے۔ تے بڑے ڈر کے آکھن لگّے اَج اساں اچرج کمّ ویکھے۔

لُوقا 7:16

تے ساریاں خَوف کھادا تے خُدا دی وڈیائی کر کے آکھن لگّے پئی وَڈا نبی ساڈے وِچ اُٹھیا اے۔ تے خُدا اپنی اُمّت اُتّے نِگاہ کِیتی اے۔

یُوحنّا 7:31

پر لوکاں وِچوں بتھیرے ایہہ آکھ کے اوہنوں مَن گئے پئی مسِیح جد آئے گا ایہناں نالوں وَدّھ مُعجزے کرے گا۔ جیہڑے ایس کِیتے نیں؟

یُوحنّا 9:32

دُنیا دے شُروع توں نئیں سُنیا گیا پئی کِسے جماندرُو اَنھے دِیاں اَکھّیاں کھولِیاں ہون۔

اعمال 4:21

تَد اوہناں فیر دھمکی دے کے اوہناں نُوں چھڈ دِتّا۔ کیوں جو لوکاں دے سبّب اوہناں نُوں سزا دین دا کوئی راہ نا لَبّھیا ایس واسطے پئی اوس کمّ دے سببّوں جیہڑا ہویا سی سارے خُدا دی وڈیائی کر دے سن۔