مرقس 16:6 - پنجابی نواں عہد نامہ نظرثانی شدہ چھپائی

⁶ اوس اوہناں نُوں آکھیا۔ نا گھبراؤ تُسی یِسُوع ناصری نُوں جیہڑا صلِیب اُتّے چاڑھیا گیا سی لَبّھدیاں اوہ۔ اوہ تے جی اُٹھیا اے۔ اوہ ایتھے نئیں اے ویکھو ایہہ اوہ تھاں اے۔ جِتّھے اوہناں اوہنوں رکھیا سی۔

مرقس 16:6 ပူးပေါင်းရင်းမြစ်များ

متّی 12:40

کیوں جو جیویں یُوناہ تِنّ رات دِن مچّھی دے ڈِھڈ وِچ رہیا اوسے طرح اِبنِ آدم تِنّ رات دِن زمین دے اندر رہے گا۔

مرقس 1:24

اَے یِسُوع ناصری۔ تیرا ساڈے نال کِیہ لاگا اے؟ تُوں ساڈا ناس کرن آیا ایں۔ مَیں تینُوں جاننا آں۔ پئی تُوں کون ایں۔ خُدا دا قُدُّوس۔

مرقس 1:27

تے سارے لوک اَیڈے حَیران ہوئے پئی آپو وِچ چَرچا کرن لگّے پئی ایہہ کِیہ اے؟ اِک نَوِیں تعلِیم اے! پئی اوہ پلِیت رُوحاں نُوں وی اختیار نال حُکم کر دا اے۔ تے اوہ اوہنوں مَن لَیندیاں نیں۔

مرقس 10:34

تے اوہ اوہدے نال مخَول کرن گے۔ تے اوہدے اُتّے تُھکن گے۔ تے اوہنوں کولڑے مارن گے۔ تے قتل کرن گے۔ تے تِنّاں دِناں پِچّھوں اوہ فیر جی اُٹھے گا۔

مرقس 14:33

تے پطرس تے یعقُوب تے یُوحنّا نُوں اپنے نال لیا۔ تے حَیران پریشان تے بُہت دلگِیر ہون لگّا۔

مرقس 9:15

تے اونویں ساری بِھیڑ اوہنوں ویکھ کے بڑی حَیران ہوئی۔ تے لوکاں نیں اوہدے ولّ دَوڑ کے اوہنوں سلام کِیتا۔

لُوقا 24:46

تے اوہناں نُوں آکھیا۔ ایویں لِکھیا اے۔ پئی مسِیح دُکھ جھلّے گا۔ تے ترِیجے دِہاڑے مُردیاں وِچوں جی اُٹھے گا۔

اعمال 2:24

اوسے نُوں خُدا مَوت دے بندھ توں چھڈا کے جوالیا۔ کیوں جو ایہہ نئیں سی ہو سکدا پئی اوہ اوہدے وَس وِچ رہے۔

اعمال 4:10

تاں تُہانوں سبھناں نُوں تے اِسرائیل دی ساری قوم نُوں معلُوم ہوئے۔ پئی یِسُوع مسِیح ناصری دے ناں اُتّے جِہنُوں تُساں صلِیب دِتّی تے خُدا نے اوہنوں مُردیاں وِچوں جوالیا۔ اوہدے ناں اُتّے تُہاڈے سامھنے ایہہ بندہ بھلا چَنگا کھلوتا اے۔