مرقس 13:34 - پنجابی نواں عہد نامہ نظرثانی شدہ چھپائی

³⁴ ایہہ اِک پردیس وِچ گئے ہوئے بندے وانگر اے جِس گھروں نِکلدے ویلے اپنے نَوکراں نُوں اختیار دِتّا۔ ہر اِک نُوں اوہدا کمّ دس دِتّا تے دربان نُوں حُکم کِیتا پئی جاگدا رہے۔

مرقس 13:34 ပူးပေါင်းရင်းမြစ်များ

متّی 16:19

مَیں اسمان دی بادشاہی دِیاں کُنجیاں تینُوں دیاں گا۔ تاں جو کُجھ تُوں زمین اُتّے بنھے گا اسمان وِچ بَدّھا جائے گا تاں جو کُجھ تُوں زمین اُتّے کھولیں گا اسمان وِچ کھولیا جائے گا۔

یُوحنّا 10:3

چوکیدار اوہدے واسطے بُوہا کھولدا اے۔ تے بھیڈاں اوہدی اواز سُندیاں نیں۔ تے اوہ اپنیاں بھیڈاں نُوں ناں لَیکے سَدّ دا اے۔ تے اوہناں نُوں باہر لے جاندا اے۔

رُومِیوں 13:6

کیوں جو تُسی ایسے سببّوں چُنگی وی بھر دے اوہ۔ پئی اوہ خُدا دے ٹہلئے نیں جیہڑے ایسے کمّ وِچ رُجھّے رہندے نیں۔

۱-کُرِنتھِیوں 15:58

سو میرے پیارے بھراؤ! پیراں اُتّے پکّے رہو۔ تے خُداوند دے کمّ وِچ سدا وَدھدے جاؤ۔ کیوں جو تُسی ایہہ جان دے ہو پئی تُہاڈی محنت خُداوند وِچ ایویں نئیں اے۔

کُلُسِّیوں 3:24

کیوں جو تُسی جان دے ہو پئی خُداوند ولّوں تُہانوں اوہدے بدلے وِرثہ مِلے گی۔ خُداوند مسِیح دی سیوا کرو۔

کُلُسِّیوں 4:1

مالِکو! اپنے نَوکراں نال ایہہ جان کے عدل تے انصاف کرو پئی اسمان اُتّے ساڈا وی اِک مالک اے۔

مُکاشفہ 3:7

تے فِلَدِلفیہ دی کلِیسیا دے فرِشتے نُوں ایہہ لِکھ پئی۔ جیہڑا قُدُّوس تے سَچّا اے تے داؤد دی کُنجی اوہدے کول اے جِہدے کھولے ہوئے نُوں کوئی بند نئیں کر دا تے بند کِیتے ہوئے نُوں کوئی کھولدا نئیں۔ اوہ ایہہ آکھدا اے۔