مرقس 11:18 - پنجابی نواں عہد نامہ نظرثانی شدہ چھپائی

¹⁸ تے سردار کاہِن تے فقِیہ ایہہ سُن کے سوچ وِچ پئے۔ پئی اوہدا ناس کِیویں کریئے۔ کیوں جو اوہدے کولوں ڈردے سن۔ ایس لئی پئی سارے لوک اوہدی تعلِیم توں حَیران ہو گئے سن۔

مرقس 11:18 ပူးပေါင်းရင်းမြစ်များ

متّی 21:15

پر جد سردار کاہِناں تے فقِیہاں نیں اوہناں اچرج کمّاں نُوں ویکھیا جیہڑے اوس کِیتے تے نالے ہیکل وِچ اوہناں مُنڈیاں نُوں جیہڑے اُچّی اُچّی آکھدے سن ”داؤد دے پُتر نُوں ہوشعنا۔“ تَد اوہناں نُوں غُصّہ چڑھیا۔

متّی 7:28

تے ایویں ہویا پئی جد یِسُوع ایہناں گلّاں نُوں مُکالیا تَد بِھیڑ اوہدی تعلِیم توں حَیران ہوئی۔

مرقس 1:22

تے اوہ اوہدی تعلِیم توں حَیران ہوئے کیوں جو اوہ اوہناں نُوں فقِیہاں وانگُوں نئیں پر اختیار والے وانگُوں تعلِیم دیندا سی۔

مرقس 11:32

پر جے آکھیئے پئی بندیاں ولّوں۔ تے اوہ لوکاں کولوں ڈر دے سن۔ ایس لئی پئی سبھے یُوحنّا نُوں سَچّی مُچّی نبی مَن دے سن۔

مرقس 12:12

تے اوہ اوہدے پھڑن دا موقعہ لبّھدے سن۔ پر لوکاں کولوں ڈرے۔ کیوں جو اوہناں جان لیا۔ پئی اوس ایہہ تمثِیل ساڈے اُتّے آکھی سی۔ تے اوہنوں چھڈ کے ٹُر گئے۔

مرقس 3:6

تَد فرِیسیاں باہر جا کے اوسے ویلے ہیرودیاں نال اوہدے برخلاف صلاح کِیتی پئی کِیویں اوہنوں مار سُٹّیئے۔

مرقس 6:20

کیوں جو ہیرودیس یُوحنّا نُوں نیک تے پاک بندہ جان کے اوہدے توں ڈردا تے اوہنوں بچائی رکھدا سی۔ تے اوہدی سُن کے بڑا حَیران ہوندا سی۔ تے خُوشی نال اوہدی سُندا ہوندا سی۔

لُوقا 19:47

تے اوہ روز دِہاڑے ہیکل وِچ تعلِیم دیندا سی پر سردار کاہِن تے فقِیہ تے قوم دے سردار اوہنوں قتل کرن دا داء لبّھدے سن۔

لُوقا 2:47

تے سارے سُنن والے اوہدی سمجھ اُتّے تے اوہدے جواباں توں حَیران ہوندے سن۔

لُوقا 20:19

تَد سردار کاہِناں تے فقِیہاں موقع لَبّھیا۔ پئی اوسے گھڑی اوہدے اُتّے ہتّھ پان۔ پر لوکاں توں ڈر دے سن کیوں جو اوہناں جان لیا پئی اوس ایہہ تمثِیل ساڈے اُتّے آکھی اے۔

لُوقا 4:22

تے ساریاں اوہدے اُتّے گواہی دِتّی۔ تے اوہناں فضل والِیاں گلّاں توں جیہڑیاں اوہدے مُنھوں نِکلدیاں سن حَیران ہو کے آکھیا۔ ایہہ یُوسف دا پُتر نئیں اے؟

یُوحنّا 7:1

تے ایدوں بعد یِسُوع گلِیل وِچ پِھردا رہیا کیوں جو یہُودیہ دیس وِچ اوس پِھرنا پسند نا کِیتا ایس کر کے پئی یہُودی اوہدے مارن لئی داء لبّھدے سن۔

یُوحنّا 7:19

کِیہ مُوسیٰ تُہانوں شریعت نئیں دِتّی؟ تَد وی تُہاڈے وِچوں کوئی شریعت اُتّے نئیں ٹُردا۔ تُسی کاہِنُوں میرے مار سُٹّن دے مگر پئے ہوئے ہو؟

یُوحنّا 7:46

پیادیاں جواب دِتّا پئی کوئی بندہ کَدے ایس طرح نئیں بولیا۔

اعمال 24:25

تے جد اوہ نیکی تے پرہیزگاری تے آؤن والی عدالت دی بابت بیان پیا کر دا سی۔ تَد فیلِکس نے خَوف کھا کے جواب دِتّا۔ ایس ویلے تُوں جا۔ موقع ویکھ کے مَیں تینُوں سدّاں گا۔