مرقس 10:52 - پنجابی نواں عہد نامہ نظرثانی شدہ چھپائی

⁵² یِسُوع اوہنوں آکھیا جا تیرے اِیمان تینُوں بچایا۔ اونویں ای اوہ سُجاکھا ہوگیا تے راہ وِچ اوہدے مگر ٹُر پیا۔

مرقس 10:52 ပူးပေါင်းရင်းမြစ်များ

متّی 11:5

پئی اَنھے ویکھدے تے لنگے ٹُردے پِھردے۔ کوڑھے پاک صاف کِیتے جاندے نیں تے بولے سُندے تے مُردے جوالے جاندے نیں۔ تے غرِیباں نُوں خُوشخبری سُنائی جاندی اے۔

متّی 12:22

تَد اِک بدرُوح والا بندہ جیہڑا اَنھا تے گُونگا سی اوہدے کول لیاندا گیا۔ تے اوس اوہنوں چَنگا کِیتا تے اوہ گُونگا بولن تے ویکھن لگ پیا۔

متّی 15:28

تَد یِسُوع اوہنوں جواب دِتّا۔ اَے بی بی تیرا اِیمان بڑا اے جو جیویں تُوں چاہنی ایں تیرے لئی تویں ای ہوئے۔ اوسے گھڑی اوہدی دِھی چنگی بھلی ہوگئی۔

متّی 21:14

تے ہیکل دے اندر اَنھے تے گُونگے اوہدے کول آئے تے اوس اوہناں نُوں چَنگا کِیتا۔

متّی 8:3

تے ہتّھ وَدّھا کے اوس اوہنوں چُھوئیا تے آکھیا مَیں چاہناں آں۔ تُوں پاک صاف ہو جا۔ تے اوسے ویلے اوہدا کوڑھ صاف ہوگیا۔

متّی 9:22

تَد یِسُوع بَھوں کے اوہنوں ویکھیا تے آکھیا۔ دِھئے خاطرجمع رکھ تیرے اِیمان تینُوں ولّ کِیتا اے تے اوہ زنانی اوسے گھڑیوں ولّ کِیتی گئی۔

مرقس 1:31

تے اوس کول آ کے اوہنوں ہتھّوں پھڑ کے اُٹھا لیا تے اوہدی تاپ لیَہہ گئی۔ تے اوس اوہناں دی سیوا کِیتی۔

مرقس 5:34

تے اوس اوہنوں آکھیا۔ دِھیے تیرے اِیمان نے تینُوں ولّ کِیتا اے سلامت ٹُر جا تے اپنی بلا توں بچی رہو۔

مرقس 8:25

تَد اوس فیر اوہدیاں اَکھّیاں اُتّے ہتّھ رکھّے تے اوس بنا کے ویکھیا۔ تے اوہ سُجاکھا ہوگیا۔ تے سبھ کُجھ صاف صاف ویکھن لگّا۔

لُوقا 7:50

پر اوہنے زنانی نُوں آکھیا تیرے اِیمان تینُوں بچایا اے۔ سلامتی نال ٹُر جا۔

لُوقا 9:48

جیہڑا ایس نِیانے نُوں میرے ناں اُتّے قبولے مَینُوں قبولدا اے۔ تے جیہڑا مَینُوں قبولے میرے گھلّن والے نُوں قبولدا اے۔ کیوں جو جیہڑا تُہاڈے ساریاں وِچوں نِکّا اے اوہو وَڈا اے۔

یُوحنّا 9:32

دُنیا دے شُروع توں نئیں سُنیا گیا پئی کِسے جماندرُو اَنھے دِیاں اَکھّیاں کھولِیاں ہون۔

یُوحنّا 9:39

تے یِسُوع آکھیا ایس دُنیا وِچ مَیں عدالت کرن آیا آں پئی اوہ جِنہاں نُوں نئیں دِسدا ویکھن تے جِنہاں نُوں دِسدا اے اَنھے ہو جان۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔