مرقس 10:14 - پنجابی نواں عہد نامہ نظرثانی شدہ چھپائی

¹⁴ یِسُوع ایہہ ویکھ کے بُہت ناراض ہویا۔ تے اوہناں نُوں آکھیا۔ بالاں نُوں میرے کول آؤن دیو۔ اوہناں نُوں نا روکو۔ کیوں جو خُدا دی بادشاہی ایہناں جیہاں دی اے۔

مرقس 10:14 ပူးပေါင်းရင်းမြစ်များ

متّی 18:10

خبردار ایہناں نِکّیاں وِچوں کِسے نُوں ماڑا نا جانو۔ کیوں جو مَیں تُہانوں آکھنا آں۔ پئی اوہناں دے فرِشتے اسماناں وِچ ہمیشہ میرے باپ دا مُنھ جیہڑا اسماناں وِچ اے ویکھدے نیں۔

متّی 18:4

سو جیہڑا کوئی اپنے آپ نُوں ایس بال وانگُوں نِیویاں کرے سو ای اسمان دی بادشاہی وِچ وَڈیرا اے۔

متّی 19:14

پر یِسُوع آکھیا بچّیاں نُوں کُجھ نا آکھو تے نا اوہناں نُوں میرے کول آؤن توں روکو کیوں جو اسمان دی بادشاہی ایہو جِہیاں دی اے۔

متّی 5:10

دھنّ نیں اوہ جیہڑے راستبازی دی خاطر ستائے گئے نیں کیوں جو اسمان دی بادشاہی اوہناں دی اے۔

متّی 5:3

دھنّ نیں اوہ جیہڑے دِل دے غرِیب نیں کیوں جو اسمان دی بادشاہی اوہناں دی اے۔

مرقس 3:5

تَد اوس اوہناں دی سخت دِلی دے سبّب اُداس ہو کے غُصّے دی نظر نال اوہناں ولّ ویکھیا تے اوس بندے نُوں آکھیا اپنا ہتّھ وَدّھا۔ تے اوس وَدھایا تے اوہدا ہتّھ ٹھیک ہوگیا۔

مرقس 8:33

پر اوس مُنھ پھیر لیا۔ تے اپنے شاگِرداں ولّ ویکھ کے پطرس نُوں جِھڑکیا۔ تے آکھیا۔ اَے شیطان میرے اگّوں دُراڈے ہو جا۔ کیوں جو تُوں خُدا دِیاں گلّاں دا نئیں پر بندیاں دِیاں گلّاں دا دھیان رکھنا ایں۔

یُوحنّا 3:3

یِسُوع اوہنوں جواب دِتّا مَیں تینُوں سَچ سَچ آکھنا آں کوئی بندہ جے نَوِیں سِریوں نا جمّے اوہ خُدا دی بادشاہی نُوں ویکھ نئیں سکدا۔

یُوحنّا 3:5

یِسُوع جواب دِتّا مَیں تینُوں سَچ سَچ آکھنا آں جے کوئی پانی تے رُوح تُھوں نا جمّے اوہ خُدا دی بادشاہی وِچ وڑ نئیں سکدا۔

اعمال 2:39

کیوں جو ایہہ وعدہ تُہاڈے نال تے تُہاڈی اولاد نال اے تے اوہناں سبھناں نال وی جیہڑے دُراڈے نیں جِنہاں نُوں خُداوند ساڈا خُدا اپنے کول سَدّے گا۔

اعمال 3:25

تُسی نبیاں دی اولاد ہو۔ تے اوس عہد دے سانجھی جیہڑا خُدا تُہاڈے پئیو دادیاں نال کِیتا۔ جد ابرہام نُوں ایہہ آکھیا۔ پئی تیری نسل توں دُنیا دے سارے گھرانیاں نُوں برکت مِلے گی۔

رُومِیوں 11:16

تے جے نذرانے دا پہلا پیڑا پاک اے تے ساری تَون پاک اے۔ تے جے جڑ پاک اے۔ تے ٹہنِیاں وی پاک نیں۔

رُومِیوں 11:28

اِنجِیل ولّوں اوہ تے تُہاڈے سبّب دُشمن نیں پر چُنن ولّوں وڈّیاں دے سبّب پیارے۔

۱-کُرِنتھِیوں 14:20

بھراؤ! تُسی سمجھ وِچ بچّے نا بنو۔ بُریائی وِچ تے بچّے رہو پر سمجھ وِچ جوان بنو۔

۱-کُرِنتھِیوں 7:14

کیوں جو جیہڑا شوہر اِیماندار نئیں اوہ بیوی دے سببّوں پاک ہوندا اے۔ تے جیہڑی بیوی اِیماندار نئیں اوہ مسِیحی شوہر دے سببّوں پاک ہوندی اے۔ نئیں تے تُہاڈی اولاد پلِیت ہوندی۔ پر ہُن پاک اے۔

اِفسِیوں 4:26

غُصّے تے ہوؤ پر گُناہ نا کرو۔ دِن ڈُبن تِیکر تُہاڈی خفگی نا رہے۔

۲-تِیمُتِھیُس 1:5

تے مَینُوں تیرا اوہ سَچّا اِیمان یاد کرایا گیا اے۔ جیہڑا پہلاں تیری نانی لُوئس تے تیری ماں یُونِیکے رکھدی سی۔ تے مَینُوں یقِین اے۔ پئی تُوں وی رکھیا اے۔

۲-تِیمُتِھیُس 3:15

تے ایہہ وی پئی شُروع توں اوہناں پاک کِتاباں توں تُوں واقف سَیں جیہڑیاں تینُوں مسِیح یِسُوع اُتّے اِیمان لیاؤن نال نجات حاصِل کرن دے لئی دانائی دے سکدِیاں نیں۔

۱-پطرس 2:2

نَوِیں جمّیاں ہویاں بچّیاں وانگر کلام دے نَروَیر رُوحانی دُدّھ دی چاہ رکھو۔ پئی اوہدی راہِیں نجات پان لئی وَدھدے جاؤ۔

مُکاشفہ 14:5

تے اوہناں دے مُنھ وِچوں جُھوٹھ نئیں سی لَبّھدا۔ تے اوہ بے عیب نیں۔