مرقس 1:41 - پنجابی نواں عہد نامہ نظرثانی شدہ چھپائی

⁴¹ تے اوس ترس کھا کے اپنا ہتّھ وَدھایا۔ تے اوہنوں چُھوئیا۔ تے آکھیا۔ مَیں چاہناں آں تُوں پاک صاف ہو جا۔

مرقس 1:41 ပူးပေါင်းရင်းမြစ်များ

متّی 9:36

تے بِھیڑ نُوں ویکھ کے اوہنوں اوہناں اُتّے ترس آیا کیوں جو اوہ اوہناں بھیڈاں وانگر اَوکھیاں تے کھِنڈیاں ہویاں سن جِنہاں دا ایّالی نا ہوئے۔

مرقس 1:40

تے اِک کوڑھا اوہدے کول آیا۔ تے اوہدی مِنّت کر کے اوہدے اگّے گوڈے نواکے آکھیا۔ جے تُوں چاہیں تے مَینُوں پاک صاف کر سکدا ایں۔

مرقس 1:42

تے اونویں اوہدا کوڑھ جاندا رہیا تے اوہ پاک صاف ہوگیا۔

مرقس 4:39

تَد اوس اُٹھ کے وَا نُوں دَبکایا تے سمُندر نُوں آکھیا۔ چُپ کر تھم جا۔ تَد وَا تھم گئی تے بڑا آرام ہوگیا۔

مرقس 5:41

تے اوس کُڑی دا ہتّھ پھڑ کے اوہنوں آکھیا تلیتا قُومی۔ جیہدے معنے ایہہ نیں۔ کُڑیئے مَیں تینُوں آکھنا آں اُٹھ۔

مرقس 6:34

تے یِسُوع بڑی خلقت ویکھی۔ تے اوہنوں اوہناں اُتّے ترس آیا۔ کیوں جو اوہ بھیڈاں وانگُوں سن۔ جِنہاں دا ایّالی نا ہوئے۔ تے اوس اوہناں نُوں بتھیریاں گلّاں سِکھانِیاں شُروع کِیتیاں۔

عِبرانیوں 1:3

اوہ اوہدے جلال دا لشکارا تے اوہدی ذات دا ٹھپّہ ہو کے سارِیاں شیواں نُوں اپنی قُدرت دے کلام نال سمبھالدا اے۔ اوہ ساڈے گُناہاں نُوں دھو کے بلندی اُتّے جناب باری دے سَجّے پاسے جا بَیٹھا۔

عِبرانیوں 2:17

سو اوہنوں سارِیاں گلّاں وِچ اپنے بھراواں وانگر ضرُور بننا پیا۔ تاں جو ایہناں گلّاں وِچ جیہڑیاں خُدا نال تعلق رکھدیاں نیں۔ اوہ رَحم دِل تے دیانتدار سردار کاہِن بنے تے اُمّت دے گُناہاں دا کفّارہ دے۔

عِبرانیوں 4:15

کیوں جو ساڈا اجیہا سردار کاہِن نئیں جیہڑا ساڈیاں کمزوریاں وِچ ساڈا دردی نا ہوسکے سگوں سارِیاں گلّاں وِچ ساڈے وانگر ازمایا گیا۔ تَد وی بے گُناہ رہیا۔