مرقس 1:27 - پنجابی نواں عہد نامہ نظرثانی شدہ چھپائی

²⁷ تے سارے لوک اَیڈے حَیران ہوئے پئی آپو وِچ چَرچا کرن لگّے پئی ایہہ کِیہ اے؟ اِک نَوِیں تعلِیم اے! پئی اوہ پلِیت رُوحاں نُوں وی اختیار نال حُکم کر دا اے۔ تے اوہ اوہنوں مَن لَیندیاں نیں۔

مرقس 1:27 ပူးပေါင်းရင်းမြစ်များ

متّی 15:31

ایتھوں توڑی پئی لوک ویکھ کے حَیران ہوگئے۔ پئی گُونگے بولدے نیں۔ ٹُنڈے چنگے ہوندے نیں۔ تے لنگے ٹُردے پِھردے نیں۔ تے اَنھے سُجاکھے ہو جاندے نیں۔ تے اوہناں اِسرائیل دے خُدا دی وڈیائی کِیتی۔

متّی 8:9

کیوں جو مَیں وی نوکر ہاں۔ سپاہی میرے حُکم وِچ نیں۔ تے مَیں اِک نُوں آکھنا آں پئی جا تے اوہ جاندا اے۔ تے دُوجے نُوں آ۔ تے اوہ آؤندا اے۔ تے اپنے غلام نُوں پئی ایہہ کمّ کر۔ تے اوہ کر دا اے۔

متّی 9:33

تے جد بدرُوح کڈھی گئی تَد گُنگا گلّاں کرن لگ پیا۔ تے بِھیڑ حَیران ہو کے آکھن لگّی۔ پئی اجیہی گلّ اِسرائیل وِچ کدی نئیں سی ویکھی گئی۔

مرقس 1:26

تَد پلِیت رُوح اوہنوں مروڑ کے تے چِیکاں مار دی اوہدے وِچوں نِکل گئی۔

مرقس 1:28

اونویں ای گلِیل دے سارے علاقے وِچ اوہدی دُھم سبھنیں تھائِیں پَے گئی۔

مرقس 10:24

تے شاگِرد اوہدیاں گلّاں توں حَیران ہوئے۔ یِسُوع فیر اوہناں نُوں آکھیا۔ بچّیو۔ جیہڑے لوک دَولت اُتّے آسرا رکھدے نیں اوہناں لئی خُدا دی بادشاہی وِچ وڑنا بڑا ای اَوکھا اے۔

مرقس 10:32

تے اوہ یرُوشلِیم دے راہ جاندے سن۔ تے یِسُوع اوہناں دے اگّے اگّے ٹُردا جاندا سی۔ تے اوہ حَیران ہوئے تے مگر آؤن والے ڈر دے سن۔ تے فیر اوہ باراں نُوں نال لے کے جو کُجھ اوہدے اُتّے ہونا سی۔ اوہناں نُوں دسن لگّا۔

مرقس 16:5

تے قبر وِچ جا کے اوہناں اِک جوان نُوں چِٹّے کپڑے پایاں ہویاں سَجّے پاسے بَیٹھا ویکھیا۔ تے اوہ گھبرا گِئیاں۔

مرقس 16:6

اوس اوہناں نُوں آکھیا۔ نا گھبراؤ تُسی یِسُوع ناصری نُوں جیہڑا صلِیب اُتّے چاڑھیا گیا سی لَبّھدیاں اوہ۔ اوہ تے جی اُٹھیا اے۔ اوہ ایتھے نئیں اے ویکھو ایہہ اوہ تھاں اے۔ جِتّھے اوہناں اوہنوں رکھیا سی۔

مرقس 7:37

تے لوکاں بڑے حَیران ہو کے آکھیا۔ ایس سبھ کُجھ چَنگا کِیتا اے۔ پئی بولیاں نُوں سُنن دی تے گُونگیاں نُوں بولن دی طاقت دیندا اے۔

لُوقا 4:36

تے ساریاں نُوں حَیرانی ہوئی تے اوہ آپو وِچ ایہہ آکھن لگّے ایہہ کیہو جِہیا کلام اے پئی اوہ اختیار تے قُدرت نال پلِیت رُوحاں اُتّے حُکم کر دا اے تے اوہ نِکل جاندِیاں نیں؟

لُوقا 9:1

اوس باراں شاگِرداں نُوں اکٹّھیاں سَدّ کے اوہناں نُوں سارِیاں بدرُوحاں اُتّے قُدرت تے اختیار دِتّا۔ تے روگاں دے دُور کرن واسطے وی۔

اعمال 17:19

تے اوہنوں اپنے نال اریوپگُس وِچ لے گئے۔ تے پُچھیا۔ پئی سانُوں معلُوم ہوسکدا اے پئی ایہہ نَوِیں تعلِیم جیہڑی تُوں دسنا ایں کِیہ اے؟