متّی 8:4 - پنجابی نواں عہد نامہ نظرثانی شدہ چھپائی

⁴ تے یِسُوع اوہنوں آکھیا خبردار کِسے نُوں نا دسیں۔ پر جا کے اپنا آپ کاہِن نُوں وکھا۔ تے جیہڑی نذر مُوسیٰ نے ٹھیرائی اے۔ چڑھا۔ تاں جو اوہناں لئی گواہی ہوئے۔

متّی 8:4 ပူးပေါင်းရင်းမြစ်များ

متّی 10:18

تے تُسی حاکماں تے بادشاہاں دے اگّے میری خاطر کھڑے ہو جاؤ گے تاں جو اوہناں نُوں تے غیر قوماں نُوں وی گواہی ہوئے۔

متّی 16:20

تَد اوس شاگِرداں نُوں پَکّی کِیتی پئی کِسے نُوں نا آکھن پئی اوہ مسِیح اے۔

متّی 17:9

جد اوہ پہاڑوں پئے اُتر دے سن یِسُوع اوہناں نُوں حُکم کِیتا پئی جد تِیکر اِبنِ آدم مُردیاں وِچوں جی نا اُٹھے۔ جو کُجھ تُساں ویکھیا اے اوہدا ذِکر کِسے اگّے نا کرنا۔

متّی 3:15

تے یِسُوع اوہنوں جواب دِتّا۔ حالی تے ہون دے کیوں جو سانُوں چاہیدا ایہہ پئی ایسے طرح ساری راست بازی نُوں پُورا کریئے۔ تَد اوس ہون دِتّا۔

متّی 5:17

ایہہ خیال نا کرو پئی مَیں توریت نُوں یا پیغمبراں نُوں کھنڈن آیا۔ مَیں کھنڈن نئیں سگوں پُوریاں کرن نُوں آیا آں۔

متّی 6:1

خبردار ہو پئی تُسی اپنی نیکی نُوں لوکاں دے سامھنے وکھان لئی نا کرو۔ نئیں تے تُہاڈے باپ کولوں جیہڑا اسمان اُتّے اے تُہانوں کوئی اِنعام نئیں مِلے گا۔

متّی 9:30

تے اوہناں دِیاں اَکھّیاں کُھل گِئیاں۔ تے یِسُوع تاکِید نال اوہناں نُوں آکھیا۔ خبردار کوئی نا جانے۔

مرقس 13:9

پر تُسی خبردار رہو۔ کیوں جو اوہ تُہانوں مجلسیاں دے حوالے کرن گے۔ تے عبادت خانیاں وِچ تُسی مار کھاؤ گے۔ تے حاکماں تے بادشاہاں دے اگّے میرے سببّوں کھلے کِیتے جاؤ گے۔ تاں جو اوہناں دے لئی گواہی ہوئے۔

مرقس 3:12

تے اوس اوہناں نُوں بڑی تاکِید کِیتی پئی مَینُوں مشہُور نا کرو۔

مرقس 5:43

تے اوس اوہناں نُوں بڑی تاکِید کِیتی پئی ایہہ گلّ کوئی نا جانے تے آکھیا۔ اوہنوں کُجھ کھان نُوں دیو۔

مرقس 6:11

تے جِتّھے کِتّھے تُہانوں رہن نا دین۔ تے لوک تُہاڈی نا سُنن تے اوتھوں نِکلدیاں اپنے پیراں دا گھٹّا جھاڑ سُٹّو۔ پئی اوہناں اُتّے گواہی ہوئے۔

مرقس 7:36

تے اوس اوہناں نُوں تاکِید کِیتی پئی کِسے نُوں ناں دسنا۔ پر جِنّی اوس اوہناں نُوں تاکِید کِیتی اوناں ای سگوں اوہ اوس گلّ نُوں ہور وی بُہت مشہُور کر دے رہے۔

مرقس 8:30

تَد اوس اوہناں نُوں تاکِید کِیتی پئی میری ولّوں کِسے نُوں نا دسو۔

مرقس 9:9

تے پہاڑوں اُتر دیاں اوس اوہناں نُوں حُکم کِیتا پئی جو کُجھ تُساں ویکھیا جد تِیکر اِبنِ آدم مُردیاں وِچوں جی نا اُٹھے۔ تَد تِیکر کِسے نُوں نا دسنا۔

لُوقا 17:14

تے اوس ویکھ کے اوہناں نُوں آکھیا۔ جاؤ جا کے اپنا آپ کاہِناں نُوں وکھاؤ۔ تے اجیہا ہویا پئی اوہ جاندے ہوئے پاک صاف ہوگئے۔

لُوقا 21:13

ایہہ تُہاڈے لئی گواہی ہوئے گی۔

لُوقا 4:41

تے بتھیریاں وِچوں بدرُوحاں چِیکاں مار کے تے ایہہ آکھ کے نِکل آئِیاں پئی تُوں خُدا دا پُتر ایں۔ پر اوس اوہناں نُوں جِھڑک کے کُون نا دِتّا۔ کیوں جو جان دِیاں سن پئی اوہ مسِیح اے۔

لُوقا 5:14

تے اوس اوہنوں تاکِید کِیتی۔ پئی کِسے نُوں نا دسیں پر جا کے اپنا آپ کاہِن نُوں وکھا تے اپنے پاک صاف ہو جان لئی مُوسیٰ دے حُکم دے سببّوں نذر چڑھا۔ تاں جو اوہناں لئی گواہی ہوئے۔

لُوقا 8:56

تے اوہدے ماں پئیو حَیران ہوئے۔ پر اوس اوہناں نُوں تاکِید کِیتی۔ پئی جیہڑا حال گُذریا اے۔ کِسے نُوں نا دسیو۔

لُوقا 9:21

اوس اوہناں نُوں تاکِید کِیتی پئی ایہہ کِسے نُوں نا دسیو۔

یُوحنّا 5:41

مَیں بندیاں کولوں وڈیائی نئیں چاہندا۔

یُوحنّا 7:18

جیہڑا اپنے ولّوں بولدا اے۔ اپنی وڈیائی چاہندا اے پر اوہ جیہڑا اپنے گھلّن والے دی وڈیائی چاہندا اے اوہی سَچّا اے تے اوہدے وِچ کھوٹ نئیں اے۔

یُوحنّا 8:50

پر مَیں اپنا جلال نئیں لَبّھدا۔ اِک اے جیہڑا لَبّھدا تے فیصلہ کر دا اے۔