متّی 7:11 - پنجابی نواں عہد نامہ نظرثانی شدہ چھپائی

¹¹ سو جدوں تُسی جیہڑے بُرے ہو اپنیاں بچّیاں نُوں چَنگیاں شیواں دینیاں جان دے ہو تے تُہاڈا باپ جیہڑا اسمان اُتّے اے اوہناں نُوں جیہڑے اوہدے کولوں منگدے نیں۔ چَنگیاں شیواں ضرُور دے گا۔

متّی 7:11 ပူးပေါင်းရင်းမြစ်များ

متّی 23:9

تے زمین اُتّے کِسے نُوں اپنا پئیو نا آکھو۔ کیوں جو اِک اے تُہاڈا باپ جیہڑا اسماناں اُتّے اے۔

متّی 7:10

یا جے مچّھی منگے اوہنوں سَپّ دیوے گا؟

یُوحنّا 3:16

کیوں جو خُدا دُنیا نُوں اجیہا پیار کِیتا پئی اوس اپنا اِکلَوتا پُتر بخشیا تاں جو جیہڑا اوہدے اُتّے اِیمان لیاوے اوہ ہلاک نا ہوئے سگوں اوہنوں سدا دی زِندگی مِلے۔

رُومِیوں 3:19

ہُن اسی جاننے آں پئی شریعت جو کُجھ آکھدی اے شریعت والیاں ای نُوں آکھدی اے تاں جو ہر اِک دا مُنھ بند ہو جائے۔ تے ساری دُنیا خُدا دی عدالت دے ہیٹھ آ جائے۔

رُومِیوں 3:9

فیر کِیہ ہویا اسی اوہناں نالوں چنگے آں؟ کَدے وی نئیں کیوں جو اسی آکھ بَیٹھے آں۔ پئی یہُودی تے یُونانی ساریاں دے سارے گُناہ دے ہیٹھ نیں۔

رُومِیوں 8:32

جِس اپنے ای پُتر نُوں بچا نا رکھیا۔ سگوں اوہنوں اساں سبھناں دے بدلے حوالے کِیتا سو اوہدے نال ای سانُوں سارِیاں شیواں وی کِیویں نا بخشے گا؟

گلتِیوں 3:22

پر پاک کتاب ساریاں نُوں گُناہ دے ہیٹھ کر دِتّا۔ ایس کر کے پئی اوہ وعدہ جیہڑا یِسُوع مسِیح نُوں مَنّن دے سببّوں اے اِیمانداراں دے حق وِچ پُورا کِیتا جاوے۔

یعقُوب 1:17

سارِیاں چَنگیاں نِعمتاں تے اِنعام اُتّوں نیں۔ تے چانن دے باپ ولّوں مِلدے نیں۔ جیہڑا نا بدل سکدا اے نا بھون دے سبّب اوہدے اُتّے کوئی پر چھاواں پَے سکدا اے۔

۱-یُوحنّا 3:1

ویکھو باپ ساڈے نال کیڈی مُحبّت کِیتی اے۔ پئی اسی خُدا دے پُتر اکھوایئے تے اسی ہاں وی۔ دُنیا سانُوں ایس لئی نئیں جاندی پئی اساں اوہنوں نئیں جانیا۔

۱-یُوحنّا 4:10

مُحبّت ایہدے وِچ نئیں۔ پئی اساں خُدا نال مُحبّت کِیتی سگوں ایہدے وِچ اے پئی اوس ساڈے نال مُحبّت کِیتی تے ساڈے گُناہاں دے کفّارے لئی اپنے پُتر نُوں گھلّیا۔