متّی 6:2 - پنجابی نواں عہد نامہ نظرثانی شدہ چھپائی

² سو جد تُوں خَیرات کریں اپنے اگّے تُرہی نا وجا جیویں مکّار عبادت خانیاں تے بزاراں وِچ ایس کر کے کر دے نیں پئی لوک اوہناں دی وڈیائی کرن۔ مَیں تُہانوں سَچ آکھنا آں پئی اوہناں اپنا اِنعام پالیا۔

متّی 6:2 ပူးပေါင်းရင်းမြစ်များ

متّی 15:7

مکّارو! یسعیاہ تُہاڈے حق وِچ کنّی چنگی نبُوّت کِیتی۔

متّی 16:3

تے سرگھی ویلے آکھدے ہو۔ ”پئی اَج ہنیری وگے گی کیوں جو اسمان لال تے گہرا اے۔“ اسمان دی ڈول دی جاچ کرنی تُہانوں آؤندی اے پر سمیاں دے نِشان تُسی معلُوم نئیں کر سکدے؟

متّی 22:18

پر یِسُوع نے اوہناں دی شرارت جاچ کے آکھیا اَے مکّارو تُسی مَینُوں کیوں ازماؤندے اوہ؟

متّی 23:5

تے اوہ اپنے سارے کمّ لوکاں نُوں وکھان لئی کر دے نیں اوہ تے اپنے تعویذ چَوڑے تے اپنے چوغے دی جھالر وڈّی بناندے نیں۔

متّی 23:6

تے مہمانِیاں وِچ اُچّے تھاں تے عبادت خانیاں وِچ اگلیاں کُرسِیاں چاہندے نیں۔

متّی 24:51

تے اوہنوں دو ٹوٹے کر دے گا۔ تے اوہدا حِصّہ مکّاراں نال ٹھیراوے گا اوتھے رونا تے کچیچیاں وٹنا ہوئے گا۔

متّی 5:18

کیوں جو مَیں تُہانوں سَچ آکھنا آں پئی جِچر اسمان تے زمین ٹل نا جان توریت دا اِک نُقطہ یا اِک شوشہ کدی نا ٹلے گا جد تِیکر سبھ کُجھ پُورا نا ہوئے۔

متّی 6:16

تے جد تُسی روزہ رکھو مکّاراں وانگُوں اپنا مُنھ اُداس نا بناؤ کیوں جو اوہ ایس لئی اپنا مُنھ وگاڑ دے نیں پئی لوکاں نُوں روزہ رکھّے ہوئے معلُوم ہون۔ مَیں تُہانوں سَچ آکھنا آں پئی اوہناں اپنا اِنعام پالیا۔

متّی 6:3

پر جد تُوں خَیرات کرنا ایں تے تیرے کھبّے ہتّھ نُوں خبر نا ہوئے پئی تیرا سَجّا ہتّھ کِیہ کر دا اے۔

متّی 6:5

تے جد تُسی دُعا منگو تے مکّاراں وانگُوں نا ہوؤ کیوں جو اوہ عبادت خانیاں وِچ تے چَونکاں دیاں موڑاں اُتّے کھلو کے دُعا منگنی پسند کر دے نیں۔ پئی لوک اوہناں نُوں ویکھن۔ مَیں تُہانوں سَچ آکھنا آں پئی اوہناں اپنا اِنعام پالیا۔

متّی 7:5

اَے مکّارا۔ پہلاں ایس چھتیر نُوں اپنی اکھّوں کڈھ لے۔ تَد چنگی طرح ویکھ کے تُوں اپنے بھرا دی اکھّوں اوس ککھ نُوں کڈھ سکیں گا۔

مرقس 12:39

تے عبادت خانیاں وِچ اگلیاں کُرسِیاں تے ضیافت والے گھراں وِچ اُچّے تھاں چاہندے نیں۔

مرقس 7:6

اوس اوہناں نُوں آکھیا۔ یسعیاہ نے تُساں رِیاکاراں دی بابت خُوب نبُوّت کِیتی۔ جیہا لِکھیا اے پئی ایہہ لوک مُنھوں میری عِزّت کر دے نیں۔ پر اوہناں دے دِل مَیتھوں دُور نیں۔

لُوقا 11:41

پر ہاں اندرلیاں شیواں خَیرات کرو۔ تے ویکھو سبھ کُجھ تُہاڈے لئی پاک اے۔

لُوقا 11:43

اَے فرِیسیو! تُہاڈے اُتّے افسوس۔ پئی تُسی عبادت خانیاں وِچ اُچیاں کُرسِیاں تے بازاراں وِچ سلام چاہندے ہو۔

لُوقا 12:33

اپنا مال ویچ کے خَیرات کرو تے اپنے لئی اوہ بٹوے بناؤ جیہڑے پرانے نئیں ہوندے۔ تے اوہ خزانہ جیہڑا تُھڑدا نئیں مطلب اسماناں دے وِچ جِتّھے چور نیڑے نئیں آؤندا تے نا کِیڑا خراب کر دا اے۔

لُوقا 12:56

اَے مکّارو زمین اسمان دے رنگاں دا جاچناں تُہانوں آؤندا اے۔ ایس سَمے دی جاچ کرنی کیوں نئیں آؤندی؟

لُوقا 13:15

خُداوند نے اوہنوں جواب وِچ آکھیا۔ اَے مکّارو! تُہاڈے وِچوں ہر کوئی سبت دے دِن اپنے ڈھگّے یا کھوتے نُوں کُھرلیوں نئیں کھولدا تے پانی ڈاہن نُوں نئیں لے جاندا؟

لُوقا 20:46

پئی فقِیہاں ولّوں خبردار رہو جیہڑے لمبا چوغہ پا کے پِھرنا چاہندے نیں۔ تے بازاراں وِچ سلاماں دا تے عبادت خانیاں وِچ پہلیاں کُرسِیاں تے ضِیافتاں وِچ اُچیاں تھانواں دا شَوق رکھ دے نیں۔

لُوقا 6:24

پر تُہاڈے اُتّے افسوس جیہڑے دَولت مند اوہ۔ کیوں جو تُساں اپنی تسلّی لے لئی اے۔

لُوقا 6:42

یا تُوں کِیویں اپنے بھرا نُوں آکھ سکنا ایں بھراوا ککھ نُوں جیہڑا تیری اَکھ وِچ اے مَینُوں کڈھن دے۔ پر آپ اوس چھتیر نُوں جیہڑی تیری اَکھ وِچ اے نئیں ویکھدا؟ اَے مکّارا پہلاں چھتیر نُوں اپنی اَکھ وِچوں کڈھ۔ تَد ککھ نُوں اپنے بھرا دی اَکھ وِچوں تُوں چنگی طرح ویکھ کے کڈھ سکیں گا۔

یُوحنّا 13:29

کئیاں سمجھیا پئی ایس کر کے پئی یہُوداہ کول بٹوا اے یِسُوع اوہنوں آکھیا ہوئے گا پئی جو کُجھ سانُوں عید لئی چاہیدا اے سو مُل لَئے۔ یاں ایہہ پئی غرِیباں نُوں کُجھ دیوے۔

یُوحنّا 5:41

مَیں بندیاں کولوں وڈیائی نئیں چاہندا۔

یُوحنّا 5:44

تُسی کِیویں اِیمان لیا سکدے ہو جیہڑے اِک دُوجے توں وڈیائی لَیندے ہو تے اوس وڈیائی نُوں جیہڑی اکلّے خُدا ولّوں آؤندی اے نئیں لبّھدے۔

یُوحنّا 7:18

جیہڑا اپنے ولّوں بولدا اے۔ اپنی وڈیائی چاہندا اے پر اوہ جیہڑا اپنے گھلّن والے دی وڈیائی چاہندا اے اوہی سَچّا اے تے اوہدے وِچ کھوٹ نئیں اے۔

اعمال 10:2

اوہ اپنے سارے گھرانے سَنے دِیندار تے خُدا کولوں ڈردا سی۔ تے لوکاں نُوں بُہت خَیرات دیندا تے نِت خُدا کولوں دُعا منگدا سی۔

اعمال 10:31

آکھدا اے۔ اَے کُرنِیلِیُس تیری دُعا سُنی گئی۔ تے تیری خَیرات دی خُدا دی درگاہ وِچ یاد ہوئی۔

اعمال 10:4

اوس اوہدے ولّ دھیان کر کے ویکھیا۔ تے ڈر کے آکھیا۔ اَے خُداوند کِیہ اے؟ اوس اوہنوں آکھیا۔ تیریاں عرضاں تے تیریاں خَیراتاں یادگیری لئی خُدا دی درگاہ وِچ اَپڑ گِئیاں نیں۔

اعمال 11:29

تَد شاگِرداں وِچوں ہر اِک نے اپنی اپنی توفِیق دے سببّوں ایہہ ٹھہرایا۔ پئی اوہناں بھراواں کول جیہڑے یہُودیہ وِچ رہندے نیں کُجھ مدد واسطے گھلِئے۔

اعمال 24:17

تے بُہت ورھیاں پِچّھوں مَیں اپنی قوم نُوں خَیرات پُہنچان تے چڑھاوے چڑھان آیا۔

اعمال 9:36

تے یافا وِچ اِک شاگِردنی سی جِہدا ناں تبِیتا سی جِہدا مطلب ہرنی اے۔ اوہ نیک کمّاں تے خَیرات کرن وِچ رُدھی رہندی سی۔

رُومِیوں 12:8

تے جے وعظ نصِیحت کرن والا ہوئے۔ تے وعظ نصِیحت وِچ لگّا رہے۔ خَیرات کرن والا کُھلِّیں ہتّھِیں کرے۔ پیشوا کوشش نال پیشوائی کرے۔ رَحم کرن والا خُوشی نال کرے۔

۱-کُرِنتھِیوں 13:3

تے جے اپنا سارا مال غرِیباں نُوں کھوا دیاں۔ یا اپنا جِسم ساڑن لئی دے دیاں۔ پر مُحبّت نا رکھاں۔ تے مَینُوں کُجھ وی فائدہ نئیں۔

گلتِیوں 2:10

تے نِرا ایہہ آکھیا پئی غرِیباں نُوں یاد رکھو۔ جِس گلّ دی مَینُوں آپ وی لگن سی۔

اِفسِیوں 4:28

چوری کرن والا فیر چوری نا کرے سگوں چَنگا پیشہ مَل کے ہتّھاں نال کمّ کرے۔ تاں جو غرِیب نُوں کُجھ دے سکے۔

۱-تھِسّلُنِیکوں 2:6

تے اسی لوکاں توں عِزّت نئیں چاہندے نا تُہاتھوں نا ہورناں توں۔ بھانویں مسِیح دے رسُول ہون دے سببّوں تُہاڈے اُتّے بھار پا سکنے آں۔

۱-تِیمُتِھیُس 6:18

تے نیکی کرن تے چنگے کمّاں وِچ دَولتمند بنن تے سخی ہون نُوں تیار تے مدد کرن اُتّے قیم ہون۔

فلِیمون 1:7

کیوں جو بھرا! مَینُوں تیرے پیار نال بڑی خُوشی تے تسلّی ہوئی۔ ایس کر کے پئی تیری راہِیں پاک لوکاں دے دِلاں نُوں ٹھنڈ پئی اے۔

عِبرانیوں 13:16

تے بھلا کرنا تے سخی ہونا ہونا نا بُھلو۔ ایس لئی پئی خُدا اجیہاں قُربانِیاں توں خُوش ہوندا اے۔

۱-پطرس 4:11

جے کوئی کُجھ آکھے تے اجیہا آکھے جیویں خُدا دا کلام اے۔ جے کوئی سیوا کرے تے اونہی طاقت نال کرے۔ جِنّی خُدا دیندا اے۔ تاں جو سارِیاں گلّاں وِچ یِسُوع مسِیح دی راہِیں خُدا دا جلال ظاہر ہوئے۔ جلال تے سلطنت ہمیشہ تِیکر اوہدی ای اے۔ آمِین۔