متّی 5:8 - پنجابی نواں عہد نامہ نظرثانی شدہ چھپائی

⁸ دھنّ نیں اوہ جیہڑے دِل دے صاف نیں کیوں جو اوہ خُدا نُوں ویکھن گے۔

متّی 5:8 ပူးပေါင်းရင်းမြစ်များ

اعمال 15:9

تے اوہناں دے دِل اِیمان نال پاک صاف کر کے ساڈے تے اوہناں دے وِچ کُجھ فرق نا رکھیا۔

۱-کُرِنتھِیوں 13:12

ہُن سانُوں شیشے وِچوں دُھندلا جیہا وکھائی دیندا اے پر اوس ویلے آہمنوں سامھنے ویکھاں گے۔ ایس ویلے میرا عِلم اُدھورا اے پر اوس ویلے اجیہا پُوری طرح نال پچھاناں گا۔ جیویں مَیں پچھانیاں گیا۔

۲-کُرِنتھِیوں 7:1

سو اَے عزِیزو! ایس کر کے پئی ساڈے نال اجیہے وعدے کِیتے گئے۔ تے آؤ اپنے آپ نُوں ہر طرح دی جِسمانی تے رُوحانی گندگی توں پاک کریئے تے خُدا دے خَوف نال پاکیزگی نُوں کمال تِیکر پُچایئے۔

طِطُس 1:15

پاک لوکاں واسطے سارِیاں شیواں پاک نیں۔ پر پلِیت تے بے اِیمان لوکاں واسطے کُجھ وی پاک نئیں۔ پر اوہناں دی عقل تے دِل دونویں پلِیت نیں۔

عِبرانیوں 10:22

تے فیر اسی سَچّے دِل تے پُورے اِیمان نال تے دِل دے الزام نُوں دُور کرن لئی دِل اُتّے چھٹّے مار کے تے بدن نُوں سُتھرے پانی نال صاف کر کے خُدا دے کول چلّئے۔

عِبرانیوں 12:14

سبھناں نال میل رکھن دی کوشش کرو۔ تے اوس پاکیزگی نُوں لَبّھو۔ جِہدے بِناں کوئی خُداوند نُوں نا ویکھے گا۔

عِبرانیوں 9:14

تے مسِیح دا لہو جِس اپنے آپ نُوں سدا دی رُوح دی راہِیں خُدا دے اگّے بے عیب قُربان کِیتا۔ تُہاڈے دِلاں نُوں مُردہ کمّاں توں کِنّاں کُو چوکھا پاک کرے گا۔ تاں جو تُسی جِیوندے خُدا دی بندگی کرو۔

یعقُوب 3:17

پر جیہڑی دانائی اُتّوں آؤندی اے اوّل تے اوہ پاک ہوندی اے۔ فیر مِلاپڑی تے حلِیم تے مَت لین والی۔ رَحم تے چنگے پَھلاں نال لدّی ہوئی۔ تے رَئی تے مکر نئیں کر دی۔

یعقُوب 4:8

خُدا دے نیڑے جاؤ تے اوہ تُہاڈے نیڑے آوے گا۔ گُناہیو۔ اپنے ہتّھاں نُوں صاف کرو تے دو دِلیؤ اپنے دِلاں نُوں پاک کرو۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

مُکاشفہ 22:4

تے اوہ اوہدا مُنھ ویکھن گے تے اوہدا ناں اوہناں دیاں متّھیاں اُتّے لِکھیا ہویا ہوئے گا۔