متّی 5:7 - پنجابی نواں عہد نامہ نظرثانی شدہ چھپائی

⁷ دھنّ نیں اوہ جیہڑے رحمدِل نیں کیوں جو اوہناں اُتّے رَحم کِیتا جائے گا۔

متّی 5:7 ပူးပေါင်းရင်းမြစ်များ

مرقس 11:25

تے جد کدی تُسی کھلو کے دُعا منگدے اوہ۔ جیکر تُہاڈا کِسے اُتّے گِلہ ہوئے۔ اوہنوں مُعاف کرو۔ تاں جو تُہاڈا باپ وی جیہڑا اسماناں اُتّے اے تُہاڈے قصوراں نُوں مُعاف کرے۔

لُوقا 6:35

پر اپنے وَیرِیاں نال پیار کرو تے اوہناں دا بھلا کرو تے کُجھ مُڑ نا لین دی آس رکھ کے اُدھار دیو۔ تے تُہاڈا اَجر وَڈا ہوئے گا۔ تے تُسی خُدا تعالیٰ دے پُتر ہوؤگے۔ کیوں جو اوہ تے ناشکریاں تے شریراں لئی وی مہربان اے۔

رُومِیوں 11:30

کیوں جو جیویں تُسی کِسے ویلے خُدا نُوں نئیں سو مَن دے پر ایس ویلے ایہناں دے نا مَنّن دے سببّوں تُہاڈے اُتّے رَحم کِیتا گیا۔

۱-کُرِنتھِیوں 7:25

تے کوارِیاں لئی میرے کول خُداوند دا کوئی حُکم نئیں پر ایس کر کے۔ پئی میرے اُتّے دیانتدار ہون لئی اجیہا خُداوند ولّوں رَحم ہویا۔ مَیں ایہہ صلاح دینا آں۔

۲-کُرِنتھِیوں 4:1

سو جد ساڈے اُتّے اجیہا رَحم ہویا پئی سانُوں ایہہ خِدمت مِلی۔ تاں اسی ہِمّت نئیں ہار دے۔

اِفسِیوں 4:32

تے اِک دُوجے اُتّے مہربان تے نرم دِل ہوؤ۔ تے جیویں مسِیح دے سببّوں خُدا ساڈے قصور بخش دِتّے نیں۔ تُسی وی اِک دُوجے نُوں بخشو۔

کُلُسِّیوں 3:12

سو خُدا دے چُنیاں ہویاں وانگر۔ جیہڑے پاک تے پیارے نیں۔ رَحم دِلی تے مِہربانی تے عاجزی تے حلِیمی تے برداشت دا لباس پاؤ۔

۱-تِیمُتِھیُس 1:13

بھانویں مَیں پہلاں کُفر آکھن والا تے ستان والا تے بے عِزّت کرن والا ساں تَد وی میرے اُتّے رَحم ہویا ایس واسطے پئی مَیں بے اِیمانی دی حالت وِچ نادانی نال ایہہ کمّ کِیتے سن۔

۱-تِیمُتِھیُس 1:16

میرے اُتّے ایس لئی رَحم ہویا پئی یِسُوع مسِیح میرے سببّوں جیہڑا موہرلا ہاں سارا صبر وکھائے پئی جِنہاں لوکاں سدا دی زِندگی لئی اوہدے اُتّے اِیمان لیاؤنا اے اوہناں لئی مَیں نمونہ بناں۔

عِبرانیوں 4:16

سو اسی فضل دے تخت کول دلیری نال چلّئے۔ تاں جو ساڈے اُتّے رَحم ہوئے تے اوہ فضل پایئے جیہڑا لوڑ دے ویلے ساڈی مدد کرے۔

عِبرانیوں 6:10

ایس لئی خُدا بے نیاں نئیں پئی تُہاڈے کمّ تے اوس پیار نُوں بُھل جائے۔ جیہڑا تُساں اوہدے ناں لئی ایس طرح ظاہر کِیتا پئی پاک لوکاں دی سیوا کِیتی تے اجے پئے کر دے ہو۔

یعقُوب 2:13

کیوں جو جِس رَحم نئیں کِیتا اوہدا نیاں رَحم بِناں ہوئے گا۔ رَحم عدالت نُوں جِت جاندا اے۔

یعقُوب 3:17

پر جیہڑی دانائی اُتّوں آؤندی اے اوّل تے اوہ پاک ہوندی اے۔ فیر مِلاپڑی تے حلِیم تے مَت لین والی۔ رَحم تے چنگے پَھلاں نال لدّی ہوئی۔ تے رَئی تے مکر نئیں کر دی۔

۱-پطرس 2:10

پہلاں تُسی کوئی اُمّت نئیں سو پر ہُن خُدا دی اُمّت اوہ۔ تُہاڈے اُتّے رَحم نئیں سی ہویا پر ہُن تُہاڈے اُتّے رَحم ہویا اے۔