متّی 27:4 - پنجابی نواں عہد نامہ نظرثانی شدہ چھپائی

⁴ تے آکھیا مَیتھوں گُناہ ہوگیا اے۔ پئی بے قصور نُوں مروان لئی پھڑوا دِتّا۔ پر اوہناں آکھیا سانُوں کِیہ؟ تُوں جان۔

متّی 27:4 ပူးပေါင်းရင်းမြစ်များ

متّی 27:19

تے جد اوہ عدالت دے تخت اُتّے بَیٹھا ہویا سی اوہدی بیوی اوہنوں اکھوا گھلّیا پئی تُوں اوس نیک بندے نال کُجھ واسطہ نا رکھّیں کیوں جو اَج سُفنے وِچ مَیں اوہدے سبّب بڑا دُکھ پایا اے۔

متّی 27:54

تے صُوبیدار تے اوہدے نال دے جیہڑے یِسُوع دی راکھی کر دے سن بُھچال تے سارا حال ویکھ کے بُہت ڈر گئے تے آکھن لگّے ایہہ سَچ مُچ خُدا دا پُتر سی۔

لُوقا 23:22

ترِیجی وار اوس اوہناں نُوں آکھیا کیوں ایس کِیہ بُریائی کِیتی۔ مَیں اوہدے وِچ قتل دا کوئی سبّب نئیں ویکھیا ایس لئی مَیں اوہنوں کولڑے مروا کے چھڈ دیاں گا۔

لُوقا 23:41

تے سانُوں ایہہ انصاف نال مِلیا اے۔ کیوں جو اسی اپنی کرنی دا پَھل پانے آں پر ایس کوئی بُرا کمّ نئیں کِتیا۔

لُوقا 23:47

تے صُوبیدار ایہہ حال ویکھ کے خُدا دی وڈیائی کِیتی تے آکھیا بے شک ایہہ بندہ نیک سی۔

یُوحنّا 19:7

یہُودِیاں اوہنوں جواب دِتّا پئی اسی شریعت والے آں تے شریعت دے سببّوں اوہ قتل کرن دے لائق اے ایس لئی پئی ایس اپنے آپ نُوں خُدا دا پُتر بنایا۔

اعمال 13:28

تے بھانویں اوہدی مَوت دا کوئی سبّب اوہناں نُوں نا لَبھّا۔ تاں وی اوہناں پِیلاطُس کول درخواست کِیتی۔ پئی اوہ قتل کِیتا جائے۔

رُومِیوں 3:19

ہُن اسی جاننے آں پئی شریعت جو کُجھ آکھدی اے شریعت والیاں ای نُوں آکھدی اے تاں جو ہر اِک دا مُنھ بند ہو جائے۔ تے ساری دُنیا خُدا دی عدالت دے ہیٹھ آ جائے۔

۱-تِیمُتِھیُس 4:2

ایہہ اوہناں جُھوٹھیاں بندیاں دے فریب دے سببّوں ہوئے گا۔ جِنہاں اپنے دِلاں نُوں گویا تّتے لوہے نال داغی کِیتا۔

طِطُس 1:16

اوہ خُدا دی پچھان دا دعویٰ کر دے نیں۔ پر اپنے کمّاں نال اوہدا اِنکار کر دے نیں۔ کیوں جو اوہ مکرُوہ تے نافرمان نیں تے کِسے نیک کمّ دے لائق نئیں۔

عِبرانیوں 7:26

کیوں جو سانُوں ایس طرح دا سردار کاہِن پھبدا سی جیہڑا پاک تے صاف دِل تے بے داغ تے گُنہگاراں توں وکھرا تے اسماناں توں اُچّا کِیتا گیا ہوئے۔

۱-پطرس 1:19

سگوں اِک بے نُقص تے بے داغ لیلے دے قِیمتی لہو نال یعنی مسِیح دے لہو نال۔

۱-یُوحنّا 3:12

تے قائن وانگر نا بنِئے۔ جیہڑا شریر ولّوں سی تے جِس اپنے بھرا نُوں مار چھڈیا سی تے اوس کِس کر کے اوہنوں مار چھڈیا سی؟ پئی اوہدے اپنے ای کمّ بَھیڑے سن تے بھرا دے کمّ راستباز سن۔

مُکاشفہ 11:10

تے زمین دے رہن والے اوہناں دے مرن توں خُوش ہون گے تے مَوج کرن گے تے آپو وِچ تحفے گھلّن گے۔ کیوں جو ایہناں دوہاں نبیاں زمین دے رہن والیاں نُوں ستایا سی۔